مش ناسيكِ متخافيش

مش ناسيكي متخافيش
/
/
مش ناسيكي متخافيش*واصبري متصدقيش
وافهمي مقدرش أعيش*دانتي كل الدنيا ليا
****
دقت مُرِّي من أخويا*يمكن الظالم ابويا
صبري كان يقضي عليا*لولا حبك يا أبية
*****
دانتي أمي صحيت في حِجرك*منبتي و إزاي أهاجرك
فجري طالع جوة فجرك*يا فلسطين القضية
*****
عارف انِّ السهو خادني*لكن الأوجاع تعيدني
صوتك المنبوح جابدني*دانتي ست الآمة دية
*****
هانسي مين مسرى الرسول*انسى نفسي ومش هاقول
زينة الروح والعقول*فيك غزِّتنا العفية
*****
مش ناسيكي ولو نسيت*كل غالي أو سهيت
أعشقك وأقول ياريت*تيجي في النصر المنيِّة
*****
إحنا دقينا الكفوف*والنقط قبل الحروف
أصمدي دا معدشي خوف*نصرتك راح تيجي بيا
*****
دا اللي ليك هوَّا ليا*بعد وحدتنا أنتي جية
يا فلسطين الحبيبة * إنتي أصل الدنيا ديَّا

/
/
دمتم مبدعين

الاستاذ الشاعر الجميل

الطنطاوى الحسينى

قصيده تنزف وطنيه . كتبتها عن فلسطين التى نعتبرها قضيتنا الاولى

منذ عقود طويله . احسنت فى الطرح وابدعت فى الوزن اخى .

احييك على روعة حرفك .

مودتى وتحيتى ..