سجن ازاز

الشاعرة الجميلة اختى الغالية
اميرة البدرى
الله عليكى ا ميرو استمتعت بقرايتها اكثر من مرة
هسيبك لوقتى وارجعلك تانى ا ميرو
تقبلى مرورى البسيط حين العودة
تيمو

الشاعره المتميزه اميره البدرى
لقد استوقفتنى قصيدتك سجن ازاز لما فيها من
ابداع شعرى ومن صور وزخارف ومحسنات
بديعيه وهى ستكون بمثابة انطلاقه لكى وفقك الله
العلى القدير
صلاح الكومى

الشاعرة الكبيرة /اميرة البدرى
اميرة البدرى شاعرة تملك ناصية الكلام وادوات القصيدة ...اجمل مايميز قصائدها المشهد الشعرى الرائع الذى يفتقده كثيرا من الشعراء ..اخذتنى القصيدة بصورها الجميلة ومفرداتها الراقية الى عالم من الاحلام الوردية بعيدا عن الواقع الجامد ....صوت الانثى دائما يطغى ويظهر بقوة فى ابداع اميرة البدرى يجعل المتلقى يغوص فى اجواءه المخملية الناعمة ..شكرا لكى اميرة البدرى.

الأستاذة الشاعرة المبهرة / أميرة البدري

ما أصدق وما أجمل تصاعد الحالة النفسية

للشاعرة والتي تواكب إنثيال الصورة الشعرية

أعجبتني زاوية التناول الجديدة وكيفية صياغة

الأبيات في كلمات ٍ رقيقة متناغمة تحلق بالقارئ

فكأن الشاعرة تنصهر في أبياتها لتصيغَ قلائدَ

يضعها القرَّاءُ علي صدورهم


محمد السيد عبد الفتاح

اميره البدري
تكتب بوعي شديد
تتنوع في اسلوبها وطريقة الطرح
ولكنها تظل متألقه ومتميزه
دمت بود

أميرة البدرى كتب:

سجن ازاز


برواز الحب اللى جمعنا

محطوط ع الحيط

زى بداية حبى وحبك

مربوطة بخيط

تجاعيد الوش المحفورة

ف جدار الروح

والبسمه اللى بتفصل وشى

عن اى جروح

وعيون بتلحن وبتعزف

أحلى الكلمات

ورموش بترجم وبتكتب

ف سطور ع النوته

حكايات العشق المتسرسب

من ورا شباك قلب الحبيبين

وازاى الحلم بيتوضى

من دمع العين

وبيدعى المولى يجمعهم

وسنابل حب بتتفرفط

وتغذى الروح

والشمس بتدخل تتسحب

وسط العشاق

تدفى بالنفس الخارج

مليان أشواق

والقمر اللى مخبى نجومه

يناديها خلاص

عايزه انزل وأتعلم منهم

معنى الاخلاص

وفراشه بترسم قصتهم

على خد ورود

واللوحه اترسمت ألوانها

أنغام ع العود

وملايكه حب بتتمايل

بوتر حساس

اصلها جيالهم تتعلم

معنى الاحساس

الفرحه انتصرت جواهم

على سجن ازاز

خليت مشاعرهم تحرر

بره البرواز

وبدال ما الناس تيجى تشوفهم

جوه الصوره

هما اللى يطوفوا بأرواحهم

ويشوفوا الناس

الله الله الله

روعة ما نبضت حروفك ايتها الشاعرة الشاعرة

منتهى الاحساس

دمت ودام ابداعك

مودتى ووردتى

"نص جميل و شاعره رائعة الحرف
تحيات اختى الكريمه