قصيدة / أمى ....مناسبة عيد الام .. مطروحه للنقد

عمل طروح للنقد

قصيدة // أمى

***************************

وبقولهالك يا امى
ابدا من غير كسوف
الثانيه جوه حضنك
تسوى ملايين الوف

بكتبلك جواباتى
( صفحات كتير يوماتى)
من غير دعاكى انتى
انا عمرى خير ما اشوف

بابعتلك الف ورده
فى عيدك انهار ده
واخاف لا يحسدوكى
عيونى .. والضيوف

انا امى بين سطور
بتمد الشمس النور
والميه.. للبحور
والعلم لفيلسوف

انا امى فى النظاره
مدير اخر شطاره
وقبلة (100) معلم
وحداها علوم صنوف

اكمنى بحب امى
صورتها اللون فى دمى
ونظره تمحى همى
وتغير الظروف

انا امى ضى عنيه
لو طالت يوم ايديا
اجيب الكون هديا
بخيوط دهب ملفوف

وكل يوم جديد
بشوف فى رضاها عيد
يا امى لو يفيد
اشيلك ع الكتوف

وبقولهالك يا امى
من غير ابدا كسوف
الثانيه جوه حضنك
تسوى ملايين الوف

الشاعر // وليد عبد الحميد[b]

الاستاذ الشاعر

وليد عبد الحميد

قصيده للام التى تستحق ان يُكتب لها

كل يوم قصيده .

كل عام وجميع الامهات بخير .

نص احييك عليه اخى وليد .

مودتى وتحيتى ..

عادل عوض سند كتب:: الاستاذ الشاعر

وليد عبد الحميد

قصيده للام التى تستحق ان يُكتب لها

كل يوم قصيده .

كل عام وجميع الامهات بخير .

نص احييك عليه اخى وليد .

مودتى وتحيتى ..

استاذ عادل
اشكرك على مرورك الكريم
ولكنى لم اعتاد منك على عدم التوجيه
او ابداء ملحوظاتك

الاخ الحبيب الشاعر

وليد عبد الحميد

انت كتبت :

استاذ عادل
اشكرك على مرورك الكريم
ولكنى لم اعتاد منك على عدم التوجيه
او ابداء ملحوظاتك
اخى القصيده ليس بها ما يجعلنى انوه عن شيء

اخل بالقصيده من معنى او وزن .

انما النص كامل متكامل . معنى ووزن .

تقبل مرورى الثانى .

وخالص مودتى وتحيتى ..

الاخ استاذ وليد
نص جميل وزنا وتجربه طيبه سردا
تحباتى

» قصيدة (على شطك)
» محاولة للنقد
» حليب الام
» باقة ورد لكل ام في عيد الام ..فيديو جديد
» *اول ما فتحت عينى* بمناسبة عيد الام