قوليلى

قوليلى رايحه لفين
سايق عليكى المصطفى تقولى
ما تخلنيش واقف ما بين حالتين
وتعطلى وصولى
خلينى اشيلك
فوق كتاف المرحله
واعدى بيكى للى تتمنيه
ما ممعكيش بسمتين من ورد وشك
اصطبح وامشى
ماممعكيش غمزتين
توحيلى بيهم
على طريق نوتيه
قوليلى انا عيل وشابط فى حنان امه
امه اللى كانت فى فبضه الاحزان
ح تشوفنى حورس
مش ح اشوفها ايزيس
ح اذرق من ليالى البعد و اعاتبها
واذاى اكون ابن بالاحسايس
ونا دمى اصلا من منابعها
قوليلى رايحه لفين
او اكتبى العناوين
لسه فى ميدان رمسيس القطر حادفنى
ان جى م التواريخ
شميست حلمى ف الكتب و قريت
حجيت لكعبه المعرفه حاصرونى
اغتالنى خوفى ف الف شكل وشكل
مرة فى قطر الصعيد
ومرة ف الزلزال
ومرة لما نطقت
ان انتى ذى الفرحه
وحشتينى
ما اقولكيش
باحب اقول لاء
من وقت ماقطعوا ذادى من سدرك
طلعت ذى البحرفى النوة
ثاير لكين طيب
تعرفيش؟
راح تعرفى بعدين
انا حر فى اللى اختاره
ومادام قصاد طريقين
ح اخدك معايا
من هنا لحدوته
ما اقولكيش
قرأنك وانجيلك
ف الميدان قمرين
اصلى فين ما احب
وانا باحيك كاش
من وقت كان ممنوع
حبكى يعشى القلب ويقولى
ح ادخل معاكى
تحت التند م المطره
نخش كل البيوت كل البيوت ناسنا
تشربى شاى ياحاجه
اه لو يكون باللبن نوبى
مبلول انا وانتى من سنين
تعالى نغير الازياء
نفصل من نسيج مشاعرنا لبّس جديد
نشتاق لشارع
نلتقى ف ميدان
شوفى واختارى لابنك
حضن يرتاح فيه
يكون لبنت عشريه وخجوله
ساعات تبادبنى الغزل والحب
وساعات خجلها يقفل الشباك
وساعات تقولك يا نينه
وتفتح الحكايات
تجيب لى ابن
يبقى ليكى اعز
اعلمه م الكتب
تعلميه م البز
ويكون بدالى ف الميدان واقف
ينده عليكى
انتى رايحه لفين
سايق عليكى المصطفى تقولى
تفتكرى وتدليه
وتقولى وتقولى