ما قبل الثورة ( اتكلمي )

السلام عليكوا ورحمة الله وبركاته
اعتذر عن غيابى المستمر واشتقت لكم كثيرا
اتكلمــــــى
اتكلمى
ما بقتش مستحمل سكات
ما بقتش فاهم علتك
ما بقتش فاهمك رغم انك
أمر عادي وشئ بسيط
لو هقول ان انتى أمي
راح يقولوا الناس عبيط
ف اتكلمى
ما بقتش فاهم علتك
ما بقتش فاهم لعبتك
ما بقتش فاهم ملتك
غموا عينك فهموكي
ان ضعفي قوتك
كل شئ في الدنيا فعل ورد فعل
واحنا فعلك
وانتى لينا رد فعل
لو صحينا تبقي صاحية
لو رضينا تبقي راضية
ليه مضيتى عقود وفاتنا
ليه قبلتى وكنتى راضية
ليه بشوف الموت محاوط
كل ركن وكل ناحية
انتى صاحية
طب كلمينى
نفس مره تفهمينى فين دواكي
مين عدوك مين صديقك
مين معاكى
مين ف وقت الصعب صانك
مين ف عز الجرح خانك
ليه لسانك مش حصانك
ساكته ليه اتكلمي
ايه زعلتى
ماحنا ياما زعلنا منك
دقنا منك شفنا منك
قلنا بردة مسيرها تحلى
جينا تانى زعلنا منك
هو مين فينا اللى يزعل
ولا مين الاصل فيينا
انتى منا ولا احنا طلعنا منك
حتي فنك
صار مجرد م العدالة
الطريق السهل دايما
ف السفالة والرزالة
ناس بتغرق ف المعاصي
ناس تتبّت ف الكراسي
ناس بتغرق ف الزبالة
ناس حياتها زى موتها
ناس سكوتها
بالف شعر وميت قواله
اللى عايش بالعواله
واللى مستنظر حواله
واللى لما احتاجتى فاتك
لو تحسي الموت محاوط
قولى واعترفي بمماتك
قولى زى ما قلنا قبلك
موتى زى ما موتنا قبلك
لو ملاك الرحمة قابلك
فهميه ان احنا موتنا
ليه حياتنا زى موتنا
ليه كلامنا ف عز غضبه
مش بيفرق عن سكوتنا
وليه سكتنا
انتى شفتى الناس بتتعب
ولا شفتى فلوس بتهرب
ولا شفتي عيال بتغرق
لما زهقوا وملّوا منك
شافوا طير في الجو يرمح
غارو منه وغاروا منك
شقّوا موج البحر لكن
شافوا موج البحر زيك
اصل موج البحر قاسي
ليه حياتنا تكون مقاسي
لو تكون الام جاحدة
شرط يبقي الابن عاصي
نفسي اشوف مرة واقفة
زى امى في الطبور
نفسي اشوفك زى ابويا
شاب عشان يبقاله دور
الامان بيغيب يوماتى
تمضي عنه بالحضور
ناس بتسكن جوه عشه
وناس بتسكن في القصور
من رغيف العيش وهمه
للى صار القرش عمه
واللى كان بيعيش مغيب
لجل كيفه بيدبح امه
واللى مات بايدين حُماتك
ليه قبلتى تمصي دمه
واللى عكم واللى كتم
واللى شيّب واللى يتم
واللى واللى
واللى فاتح درجه واللى
بابا جابلى وتوتو قالى
انتى شوفتى ولا شوفتى ولا شوفتى
انت قابضه ولا زى الخلق خفتى
ايه ....... سكتى
واضح ان كلامى عاجبك
في النهاية بقولها ليكي
طظ فيكي وف اللى حبك

الاخ الحبيب الشاعر

ضياء غنيم

سلسله رائعه سوف اتابعها إن شاء الله .

قصيده قبل الثوره تلائم الجو السائد فى تلك

الفتره المظلمه . وانت احسنت البلاغه يا رجل .

مودتى وتحيتى ...

الرائع ضياء
حقيقة هذه القصيدة تضعك فى مصاف ( الشعراء التقال ) فى المنتدى العامر بكبار شعراء العامية فى مصر فهى رائعة بدون مجاملة
أعجبتنى القصيدة و خاصة هذه الصورة المدهشة
( لو هقول ان انتى أمي
راح يقولوا الناس عبيط )
هذا هو التجديد و مخالفة المتوقع
أحسنت

الشاعر المتألق أستاذ ضياء غنيم

يالها من روعة ف الإبداع

بين التفرد فى المعنى والمضمون الذى عبر بطلاقة بين حرفك

عما كنا نعانيه فى هذه الفترة الحالكة من الزمن

التى كادت تعصف بنا جميعاً

لولا قيام ثورتنا النبيلة

التى أصبحت حديث العالم كله

تحياتى لروعة إبداعك

Suspect

( ضياء غنيم ) كتب:: السلام عليكوا ورحمة الله وبركاته
اعتذر عن غيابى المستمر واشتقت لكم كثيرا
اتكلمــــــى
اتكلمى
ما بقتش مستحمل سكات
ما بقتش فاهم علتك
ما بقتش فاهمك رغم انك
أمر عادي وشئ بسيط
لو هقول ان انتى أمي
راح يقولوا الناس عبيط
ف اتكلمى
ما بقتش فاهم علتك
ما بقتش فاهم لعبتك
ما بقتش فاهم ملتك
غموا عينك فهموكي
ان ضعفي قوتك
كل شئ في الدنيا فعل ورد فعل
واحنا فعلك
وانتى لينا رد فعل
لو صحينا تبقي صاحية
لو رضينا تبقي راضية
ليه مضيتى عقود وفاتنا
ليه قبلتى وكنتى راضية
ليه بشوف الموت محاوط
كل ركن وكل ناحية
انتى صاحية
طب كلمينى
نفس مره تفهمينى فين دواكي
مين عدوك مين صديقك
مين معاكى
مين ف وقت الصعب صانك
مين ف عز الجرح خانك
ليه لسانك مش حصانك
ساكته ليه اتكلمي
ايه زعلتى
ماحنا ياما زعلنا منك
دقنا منك شفنا منك
قلنا بردة مسيرها تحلى
جينا تانى زعلنا منك
هو مين فينا اللى يزعل
ولا مين الاصل فيينا
انتى منا ولا احنا طلعنا منك
حتي فنك
صار مجرد م العدالة
الطريق السهل دايما
ف السفالة والرزالة
ناس بتغرق ف المعاصي
ناس تتبّت ف الكراسي
ناس بتغرق ف الزبالة
ناس حياتها زى موتها
ناس سكوتها
بالف شعر وميت قواله
اللى عايش بالعواله
واللى مستنظر حواله
واللى لما احتاجتى فاتك
لو تحسي الموت محاوط
قولى واعترفي بمماتك
قولى زى ما قلنا قبلك
موتى زى ما موتنا قبلك
لو ملاك الرحمة قابلك
فهميه ان احنا موتنا
ليه حياتنا زى موتنا
ليه كلامنا ف عز غضبه
مش بيفرق عن سكوتنا
وليه سكتنا
انتى شفتى الناس بتتعب
ولا شفتى فلوس بتهرب
ولا شفتي عيال بتغرق
لما زهقوا وملّوا منك
شافوا طير في الجو يرمح
غارو منه وغاروا منك
شقّوا موج البحر لكن
شافوا موج البحر زيك
اصل موج البحر قاسي
ليه حياتنا تكون مقاسي
لو تكون الام جاحدة
شرط يبقي الابن عاصي
نفسي اشوف مرة واقفة
زى امى في الطبور
نفسي اشوفك زى ابويا
شاب عشان يبقاله دور
الامان بيغيب يوماتى
تمضي عنه بالحضور
ناس بتسكن جوه عشه
وناس بتسكن في القصور
من رغيف العيش وهمه
للى صار القرش عمه
واللى كان بيعيش مغيب
لجل كيفه بيدبح امه
واللى مات بايدين حُماتك
ليه قبلتى تمصي دمه
واللى عكم واللى كتم
واللى شيّب واللى يتم
واللى واللى
واللى فاتح درجه واللى
بابا جابلى وتوتو قالى
انتى شوفتى ولا شوفتى ولا شوفتى
انت قابضه ولا زى الخلق خفتى
ايه ....... سكتى
واضح ان كلامى عاجبك
في النهاية بقولها ليكي
طظ فيكي وف اللى حبك

__________________________________________-
الاستاذ الشاعر المبدع ضياء غنيم
احيك على هذه الرائعه التى استوقفتنى
كثيرا لكثرة مناطق الابداع فيهاوالحق اقول
ان هذه القصيده من اجمل ماقرأت منذ فتره
فهى عامره بالبديعيات والزخارف والصور
التى اتت فى تلقائيه وبحرفيه عاليه تحسب
لك اتمنى لك مزيدا من التألق والنجاح
صلاح الكومى Very Happy

رائع بلا حدود

شاعرنا الراقى ضياء غنيم

دمت شاعرا متميزا متفردا بالجمال

دمت بحب

الله الله عليك يا ضيا

بجد شعرك وحشنى قوى

قصيدة تجنن كالعاده

ومبروك لمصر

الاستاذ ضياء غنيم

هذا جمال فوق الجمال

قصيدة رائعة بحق

خالص التقدير والاحترام

ما اجمل تلك الكلمات الممسوسه بنار الحرقه علي حال الوطن
تحياتي ا/ ضياء حقا امتعتني شعرا

» الثورة دى جـِدّتى..!!.،تواصل مع الثورة دى بنتنا لمحمود جمعه
» (اتكلمي ) **** اخر ماكتبت اهداء الي الرائع عاطف الجندي
» بعد الثورة ( صباح الثورة )
» زمن الثورة
» حلم الثورة