رقّعوووه

[center]

فهموني يا خلق هوووه
كان فاضل لى
برج واحد طيرووه
ده اعتراف منى بجنانى
قبل ما اكمل كلامى
ولاّ اقوله وتسمعوووه
........................
واحدة واحدة
وبالبطىء كده
فهمونى
أصلهاحاجة عجيبة
خايف اقول عنها مريبة
لتضربونى
................
يعنى ينفع يبقى ميت
حد ييجى يقول هيصحى
رقّعووه
ركبوا له أيدين وفشة
أو هاتوا له ودان وكرشة
ركبوا له أى حاجة
ووقفوووه
..............
يمكن المرحوم وحيد
واللى جابوه
راماه وسابه نربيهوله
ولا يمكن هى عشرة
واحنا مش قادرين نفارقه
طب خلاص ما تصقفواله
,,,,,,,,,
حد فاهم أى حاجة
حد عايز منى حاجة
قبل ما اطلع ع القرافة
أقرا فاتحة لاسمه أيه
ربنا يجعل كلامنا
خفيف عليه
شاكله واصل
حتى عفريته حضر
الف 100 دستور عليه[/center]

الأستاذ الشاعر المبدع ...حمدى شيبه
اللى بيحصل عادى ومتوقع
هو مجرد لعب فى الوقت الضايع
لكن حارس المرمى صاحى وواعى
والحكم عادل وهو احكم الحاكمين
تبارك وتعالى ..
ابيات جميله جدا استاذ حمدى
تقبلى اعجابى وتحياتى لرائعتك
ودمت بخير

الاخ الحبيب الشاعر

حمدى شيبه

لكل منا وجهة نظر . ولكن كلنا الآن نتمتع

بالحريه وعدم الخوف من الغد .

طيب نرقعوه والحال يمشى والبلد ترجع تنتج .

ولا نرفض الترقيع وكما كنت . وتطول فترة الجمود

ونظل فى الحكم العسكرى اكثر من عام ؟؟؟

تعالى نفكر مع بعض ...

يرقعوه ما يرقعوه
رفضينوه واللى بيعملوه
هوه اللى جه الزلزال وهده
من اساسه هيجوا تانى يعمروه
لا له ببان ولا حيطان
طب ايه بقى اللى يمحروه
او يدهنوه
لازم تقوم عمدان جديده
تكون شديده
للبنى اللى هيرفعوه
مش لحظه تيجى هزه تانى
يوقعوه
دستوركوا يااهل الدستاره
مات خلاص وكفنوه
روحوا ادفنوه
امضاء مقاول هدد هههههههه
اخى الشاعر الوطنى المصرى الرائع المبدع /حمدى شيبه
تحيه لعظيم ابداعك وخفة دمك التى طرحت الفكره فى سلاسه وفهم واعى
وقد اوضحت فى عبقريه وذكاء ما فى انفسنا من نطلع للافضل واستحققنا الافضل الذى يلزم التغيير الجذرى بعد هذه الثوره العظيمه التى قام بها شعبنا العظيم فلك منى ومن كل مصرى صادق التقدير والاحترام
اخوك رجب