حديث الايادى

[color=indigo]

الشاعرالجميل
عادل سند
وطرق اخرى للابداع
ووسائط جديدة لفنون التعبير والحوار
طبعا احنا عارفين كويس كلام العيون
وبردو فاهمين كلام اللسان
بس دة آخرنا مع الـ...
مع الاخوان
استاذ عادل
نص جميل فعلا
دمت بكل الود

[/color]

رائع كما تعودناك استاذنا
كل التحيه لك ولهذا الجمال

مش لاقى كلام اقوله مكتوبة سنة الفين زى ماتكون مكتوبة النها رده انت زى ماانت عادل نفس الرشاقة فى الالفاظ والمتانة فى الاسلوب وسيبك المبدع مبدع ربنا يحميك
اخوك صلا الكومى
وعلى فكره فيه لبس بينى وبين الاستاذ عاطف الجندى الظاهر ان انا دست على زرار غلط ووصلت له رسايل انى باطلب منه مراقبة اى قصيده اقرائها اواعلق عليها حتى قصائدى واخوك مش فاهم حاجة خالص فارجو انك توضح له جهلى كى لايسىء فهمى لغاية ماافهم فين الزر الملعون دا واحلف ماالمسه وشكرا
اخوك صلاح الكومى : )

تامر محمود كتب:

أستاذ عادل
استمتعت بعملك الجميل

ما أروعك شاعرنا القدير والمبدع

يعجز قلمى الرضيع أن يخط إطراءاً يليق بروعة ابداعك

فتقبل مرورى الصامت

حماده ابوطالب كتب:

انا فاكر انى رديت هنا قبل كدا

بس هاجى وارد تانى

كلامك بيرقص قلبى بجد

معرفش ليه

خالدنور كتب:

معلش مش حاقدر ارد على حاجه تانيه النهارده بعد جرعة وطن لما افوق من الصدمه اللى عملتهالى منك لله وجعت قلبى

م/عطية شواش كتب:

تسلم الإيدين وحديثها ياشقي

بس إيدك لو تروح

اي حته محرمه

مش حترجع ع السطوح

إلا إيد متخرمه

أصلي خايف من صوابعك

تيجي تحت المفرمه

yousry_osman كتب:

عدوله فى ديوان شيال الهموم فيه حا جات كتيير حلوه وبتاعة عادل بس يعنى لما تقراها تلقى بين السطور عادل سند يعنى ماحدش يعرف يقوله كدا الا عادل ودى حته فتفوته من ديوان شسيال الهموم وبعدين تسكت تسكت وتضرب على سهوه
بس برضه تسلم ايديك وانا سايب لك المجال شويه
علشان ماقدرش اتقل عليك واخد منك رئيس مدير عام المنتدى وابقى ريس عليك انت بس
جميل ياعدوله وقصايدك عفيه

صح النوم انا رديت عليك تانى راجع الردود يا معلم

محمود عبد الحليم كتب:

عادل عوض سند كتب:

إنتى رافضه ليه سكوتى ؟؟

والسكوت دا عندى غيّه

ماانتى لو فاهمه سكوتى

راح تقولى اجمل ما فيّه

دا الحنان تلقيه ف لمسه

والكلام احلى ف عنيّه

إنتى فعلاّ غاليه عندى

لو تصالحى او تعاندى

والغلاوه تبان وتظهر

لما تتكلم ايديّه


الإيدين اصدق بياما

من كلام قاله اللسان

فى الكلام بتسيب علامه

مش بتجرح .. لأ امان

لما تتكلم بااشوفك

تسمعى وكلك ودان

فى التلوج تشعل حريقه

نارها مش حاميه .. رقيقه

وف سعادتك تلتقيها

جايّه ضمّاكى ف حنان


ليه نسيتى لما كانت ؟؟

تحكى ويّاكى ف ساعات

لما هانت واستكانت

آهه من ضمن الآهات

خارجه من قلبك تزغرد

زلزت بينا السكات

وانتى حاضناها بايديكى

قلت مش حا تهون عليكى

لما شوفتيها بتشرح

حبى وبكل اللغات


ليه بتجرى من عيونى ؟؟

وانتى دايماّ جوّه فيها

ليه تزيدى من جنونى ؟؟

ليه ايديّه بترفضيها ؟؟

هيّه ايدى .. ليه نسيتى ؟؟

لما كنتى بتمسكيها

ياما نادى ورد خدك

لما سبتيها فى حدّك

ديه ناقشه تحت جلدك

بصمه لايديه تلاقيها


جايه دلوقتى تلومينى

بعد ما اتحرر جمودك

والذنوب ليه تحملينى ؟؟

بعد ماعاينت حدودك

النهارده جايه رافضه

لما عليتى ف سدودك

ناسيه ان ايديه سابت

ولعه ف تلوجك ودابت

لما اصبحتى ف طبيعتك

إتنست ايام برودك


عايز اقولك وبصراحه

إيدى ملّت من حديثك

دا الوسع كان ليّه ساحه

والنهارده بقيت حبيسك

بعد ما حاكسر قيودك

الجمود حا يكون ونيسك

ترجعى ولاأى حاجه

منك انتى عملت حاجه

بكره تتمنى ف خيالك

طيفى مره يكون جليسك


من ديوان { شيال الهموم }

الصادر فى عام 2000

سبتمبر 1997

*************************************
قيل ( الصمت أبلغ من الكلام ) ولغة المشاعر والأحساس أرقى
بكثير من العبارات التى قد تنطق وهى تفتقد الصدق
وان كان الغناء يخاطب الوجدان الذى يعتمد على التلقى السمعى
فالمشاعر هى نبض القلوب وحديث الأرواح لبعضها البعض
والاحاسيس هو ذلك الحس الملموس برعشة الأنامل عندما
تصافح حبيبا .. وهذا يؤكد أن التعارف الروحى سابق
وأزلى .. ولذا قال سيدنا محمد عليه الصلاة والسلام ..
( الأرواح جنود مجنده ماتعارف منها إئتلف ومتنافر منها اختلف ) ولذا التعارف الروحى يجعل عينيك تفضح مكنون
القلب وتشى بكل مافى جعبتك من مشاعر وحنين نحو المحب ..
من هنا اذا لم يشعر الحبيب بتلك المشاعر والاحاسيس
فيقال عنه انه يفتقد لتلك الروحانية العاليه وفاقد الشىء
لايعطيه ..
فلا تحزن ياصديقى فقد أحببت وكان حبك من طرف واحد ومن احببته لم يكن الا كتلة من صخر وجليد فلك الله
والنص مغلفا بالحب ولكن هذا الحب ليس الا ورقة سوليفان غلفت بيه وجعك والمك فلك الله
والنص فى جملته جميل ومعبر وصادق
محمود

محمد البهنساوي كتب:

أخي الحبيب الشاعر المتميز / عادل عوض
القصيدة رائعة روعة الكاتب نفسه ولأنك شاعر كبير ولأني أحبك فشهادتي لك مجروحة واخيرا أكتشفت أنت ليه جراح شايل هموم ومشرط
الإيدين اصدق بياما

من كلام قاله اللسان

فى الكلام بتسيب علامه

مش بتجرح .. لأ امان
يا عم عادل ليه مصمم على شغل الإيد انت مش شايف إن ده طريق المهالك ... متخليك مع العيون أأمن ... على العموم أنا مش عارف قصيدتك دي كانت متخبيه فين وان شاء سوف أكتب عنها بحث خاص
أخوكم / محمد البهنساوي

الإيدين اصدق بياما

من كلام قاله اللسان

فى الكلام بتسيب علامه

مش بتجرح .. لأ امان
،
خطفتنى هذه الكلمات الفاتنات
قصيده جميله لشاعر أجمل
وكما تعودنا كلانا على النقد المرح
دعنى أهمس فى أذنك قائلا
ارى أن كلمة ودان شارده بعض الشىء
هههههههه
تقبل مرورى ومداعبتى

أبويا الغالى وأستاذى بابا عادل سند

والله قصيدة متفردة

لدرجة محتارة من جمالها أقولك إيه

رمز ومعنى ومضمون

ولا الختام ماحصلش

دائماً حضرتك متألق ومتفرد


وبتشرفنا بإبداعاتك الجميلة

محيى الفقى كتب:

[color=indigo]

الشاعرالجميل
عادل سند
وطرق اخرى للابداع
ووسائط جديدة لفنون التعبير والحوار
طبعا احنا عارفين كويس كلام العيون
وبردو فاهمين كلام اللسان
بس دة آخرنا مع الـ...
مع الاخوان
استاذ عادل
نص جميل فعلا
دمت بكل الود

[/color]

الشاعر الرقيق / عادل عوض سند

نصٌّ يحمل عذوبة َ المشاعر ِ وانسيابية ِ الألفاظ

وإذا سمح لي الشاعر فإن لي تحفـُّظـًا علي مفردة

( ودان ) ،

تسمعي وكلك ودان

فإنني أري أن هذه المفردة دخيلة ٌ علي جمال ِ

وروعة النص .

وفي البيت

وأنت ِ دايمـًا جوه فيها

( جوه فيها ) تعدُّ تأكيدًا لفظيـًّا،

ولكني أري أنه إذا بُدَّلت مفردة ( جوه )

بمفردة ٍ أخري تؤكدُّ المعني وتكون من نفس

النسيج اللفظي الرَّاقي فستكون الجملة أفضل من

وجه ِ نظري .

ولسياتكم جزيل الشكر علي هذا النصِّ البديع

محمد السيد عبد الفتاح

محمود جمعة كتب:

استاذي وأخي الكبير الشاعر المبدع عادل عوض سند

أعتذر أخي عن التأخير وقد كان خارج عن ارادتي

هذا التراوح الرائع بين المادي والمحسوس

في قصيدتك المذهلة كان سر الجمال بها


فاقرارك ان السكوت هو أجمل ما فيك لانه ينقل

التعبير الى اليدين ..كان اقرار يفصح عن

الكثير فجعل كلام الايدي أعمق وأبلغ كثيرا

من كلام اللسان وهذا لا يكون الا لشاعر كبير

أحييك على ما أمتعتنا

ولكنك دائما هكذا بشعرك الراقي المدهش

مصدر سعادتنا وامتاعنا سواء بجديدك او قديمك

بوركت استاذي الكريم

خالص التقدير والاعتزاز والاحترام

كن بكل صحة وسعادة

خالدنور كتب:

الرائع عمنا عادل
تعدد الاشكال والعشق واحد أو تعددت اساليب التعبير والحال واحد
كثيرا ما عبرت بالعينين وبالشفتين وبالايحاء السارى فى جملك الشعريه الظاهره والباطنه وفى كل حال حلا التعبير
وهذه المرة عبرت بحديث ذو شجون حديث الايادى
هناك ايادى اتمنى تقبيلها ايادى امى وابى وهناك ايادى اتمنى قطعها وهى ايادى العابثين فى عقول الناس وهناك ايادى اخشاها فى زحمة الاتوبيس
اما اياديك فكان حديثها دافئا رائعا وهى مما لاشك فيه ايادى مدربه على هذا النوع من الاحاديث
دمت جميلا ودمت خلبوصا كبيرا

رافت المصرى كتب:

رائع كما تعودناك استاذنا
كل التحيه لك ولهذا الجمال