عارفة أنا عايز أقولك أيه ؟

عارفة أنا عايز أقولك أيه ؟
طب لو قلت هقولك أيه ؟
دا إنت طلعتي إجابة كبيرة
لسر قدرتي تداري عليه
سرك كان إحساسك إنا
مهما بعدنا ف جوه قلوبنا
شايلين صبرك اللي شايلنا
وكل الشيلة ف قلب ترابك
نبت حبها دم ولادك
أيوة ... ولادك ملح الدنيا
فخر الدنيا
اللي ف ثانية
لضموا الفجر ف عقد عشانك
***
عارفة أنا عايز أقولك أيه ؟
يااااااااااااااااااه
دا انت بجد حملتي كتير
واحنا معاكي حملنا كتير
اتعذبنا بحبك لينا
و اتعذبنا بحبنا ليكي
بس ايدينا ...
كات ف القيد
بتملي ملامحك
للسجان يمكن يتألم
بس مكانش بيفهم جرحك
عمره ما حاول يوم يتعلم
إنه يطبطب ولا يصالحك
إحنا قدرنا ...
أيوة قدرنا برغم وجعنا
نخلق ليكي ولينا وجعنا
مين رجعنا ؟
بعد ما كنا خلاص ودعنا
حبك لينا وحبنا ليكي
كان السر الفاضل بينا
كان الحلم المقسوم بينا
كان المعنى
اللي زرعتيه جوه ضلوعنا
واحنا سمعنا كلامك تاني
قلنا أوانك آن من تاني
خدتي ف حضنك كل وجعنا
واتوضينا للحرية
وأما قالوا لنا تمنها تموتوا
قلنا وماله ... وتبقى هدية
ولا قدرنا ولا فكرنا
علشان ليكي ولينا قضية

أخي الغالي محمد
لمصر نغني و لها نكتب و من أجلها تهون الروح
أحييك على هذا النبض الوطني الرائع
تقبل ود أخيك

وأما قالوا لنا تمنها تموتوا
قلنا وماله ... وتبقى هدية
ولا قدرنا ولا فكرنا
علشان ليكي ولينا قضية
للحريه ثمن وبهيظ . ولكن يهون الكل فى

سبيله . وها نحن قدمنا الثمن فى المقابل وهو

الحريه . ومصر تستحق ان يُضحى من اجلها .

استاذ / محمد حجازى

تحيتى للتفاعل الذى اثرانا بتلك الروائع .

مودتى وتقديرى ...

عاطف الجندى كتب:: أخي الغالي محمد
لمصر نغني و لها نكتب و من أجلها تهون الروح
أحييك على هذا النبض الوطني الرائع
تقبل ود أخيك

اخي الحبيب الأستاذ عاطف الجندي
صدقت وهي تستحق أكثر من ذلك

اشكرك على مرورك وعلى دعمك ومحبتك

ودمت بود

عادل عوض سند كتب:: وأما قالوا لنا تمنها تموتوا
قلنا وماله ... وتبقى هدية
ولا قدرنا ولا فكرنا
علشان ليكي ولينا قضية
للحريه ثمن وبهيظ . ولكن يهون الكل فى

سبيله . وها نحن قدمنا الثمن فى المقابل وهو

الحريه . ومصر تستحق ان يُضحى من اجلها .

استاذ / محمد حجازى

تحيتى للتفاعل الذى اثرانا بتلك الروائع .

مودتى وتقديرى ...

أستاذي الجليل
الشكر كل الشكر لك ولكل من ربى وعي هذه الكوكبة المباركة من شباب مصر
كلماتكم يا سيدي لا شك ساهمت في إعادة ملامح الإنتماء لهم فكان النصر المبين

دمت بخير وعاشت مصر

اخى الشاعر الجميل

محمد حجازى

وحشتنا جداّ .

احييك على جمال نصك الذى عاودت قراءته اكثر من مره .

ويستحق ان يعود للصفحة الاولى ...

مودتى وتحيتى ..