قالت الوردة للياسمينة(نثر عامى عن الثورة)

أولا قبل ما تقرؤوها احب اقول مقدمة
واعذورنى فى اطالة المقدمة
بصراحة انا مش عارفة دى قصة ولا نثر ولا ايه بالضبط
ولا حتى عارفة احدد اتجاهها بالضبط اذا كانت عن الثورة او عن فلسطين او ليبيا او كدة
لأن انا لقيت نفسي كدة كتبت عن اكتر من حاجة فى حاجة واحدة
بس فى المعظم هى بتتكلم عن الثورة وعن الدين
أنا بحب كتاباتى تكون داخلة فيها كتابة عن الدين
لأن هو أساس الحياة وكنت مبسوطة لما شفت متظاهرين ميدان التحرير على فضئية الجزيرة بيصلوا فى وبرغم المية والقنابل المسيلة للدموع برده بيصلوا فى جماعة
وسمعت الشيخ مظهر شاهين على قناة الحافظ وهو من خطباء الثورة وهو امام مسجد عمر مكرم اللى شباب الثورة اختاروه يكون خطيب كان بيحكى عن مشهد شافه قدامه فى التحرير شاف ناس من النصاري المتظاهرين واقفين قدام ناس مسلمين بيصلوا بيحموهم من التدافع اللى فى الميدان اول ما حد يجي بيقولوا له لو سمحت ارجع ورا فى مسلمين بيصلوا ونفس المشهد اتكرر فى يوم الاحد بس العكس مسلمين كانوا بيحموا غير المسلمين وهم بيقيموا صلاتهم
امال فيييييييين فييين العنصرية والتفرقة والقمامات اللى كانوا مالييين بها وداننا ورؤوسنا فى التليفزيون وفين تفجير الكنايس والحاجات الافعال الزبالة اللة كانت بتحصل دى ؟والله بجد عندى شك ان وزارة الداخلية لها يد ف كل دا لأن لما الشرطة انسحبت مفيش اى تفجير حصل لأى كنيسة مع ان دا كان وقت مناسب جدا
وهو صحيح حصل شوية هرج ومرج فى الأول بس بعد كدة لما اتعملت اللجان الشعبية اعتقد انهم قاموا بدورهم احسن من الشرطة مليون مرة
اقسم بالله انا وانا ماشية فى المنصورة شفت المنظر دا :
مدرعة واقفة عند الاستاد وواقف قدامها اتنين من الجيش واتنين من عساكر المرور (بعد رجوع الشرطة)وواحد تالت من الجيش مع واحد من اللجان الشعبية
الجندى اللى واقف مع الشاب اللى من اللجنة واقفين بينطموا المرور على اعلى مستوى
وضباط المرور واقفين يتكلموا ومبيعملوش حاجة
الناس اللى فى العربيات بيسمعوا كلام اللجنة الشعبية اكتر ما بيسمعوا كلام ظابط المرور
لأن اللجان لشعبية ما كانش عندها فصال ولا رشوة
يا إما أبيض يا إما إسود

قالت الوردة للياسمينة
للياسمينة الحزينة
يا ياسمينة قولى لى جبتى لونك الأبيض منين ؟
قالت من براءة طفل ناصع تحت الحصار ورا القضبان.......
قالت عشان كدة واقفة محنية وحزينة ؟
قالت الياسمينة واشمعنى هو مكسور وحزين؟
وانتى يا وردة يا روعة جبتى لونك الأحمر منين؟
قالت :من دم شهيد رائع طاير فى السما فرحان...
وانت يا بحر يا هايج ليه كدة غضبان؟
قال : من ظلم ابن آدم وجهالة الإنسان...
وانت يا نهر يا جاري ليه كدة بتجري ومش صابر؟
قال عشان رايح اروى كل محتاج وعطشان
،أنا رايح على الأقصي وهرويه ،ورايح على مصر هرويها ،ورايح على ليبيا والشيشان ،،،حدودى كل أوطانى أنا نهر الإيمان والحب والقرآن،،،قال البحر اجري وأنا هقابلك م الجهة التانية وهطرد كل الحيتان واحاكمها وهعدمها أنا بحر العدل والأمان مش الطغيان
قالت الوردة :وانا هعلم كل الورود تتزين وتاحلي بلون الكرامة ،قالت الياسمينة :وانا هعلم الياسمين يقول لأ للقضبان...مهما كان ضعيف يقول لأ للفساد والطغيان وإن القوة في الإيمان وان القوة انه ما يخافش من ظالم ولا عدوان
كلنا كسرنا حواجز الخوف
كلنا مش هنخاف من ظلم أو عدوان
كلنا هنحارب الفساد وهنراعي ربنا في شؤون حياتنا
كلنا هنحمي بلادنا ونحافظ عليها

عاطف الجندى كتب:

غرد وحيدا
هو نص من يقبله كقصة و هناك من سيقبله كخاطرة و من سيقبله كنثر
هى مشاعر جميلة فى مجملة نحييك عليها و نشد على يديك
و في انتظار الأجمل
دمت بخير

شاعرنا الكبير الأستاذ عاطف الجندى هذا أقل القليل من الذى يمكن أن نقدمه للذين ضحوا من أجلنا وللذين علمونى أجاهر بحبي لمصر إذ كنت قبل ذلك عندما اقول انا احب مصر قال لي الناس ماذا تحبين فيها؟ واليوم هم انفسهم سمعتهم يقولون النشيد الوطنى ويكررونه فى بيتنا وفى الشوارع والميادين
.................................
ارفع راسك فوق انت مصري

عادل عوض سند كتب:

لايهم اخى من اى جنس من اجناس الادب

ولكن تهم المشاعر . والشعور الجميل بما يدور

حولنا من احداث .

مودتى وتحيتى ...

شاعرنا الأستاذ عادل سند شكراً لإبداء الرأي فى كتابتى وإن كانت أقل من المستوى المطلوب بكثير
.......................
ارفع راسك فوق انت مصري