بلاغ للنائب العام

انا حابعت بلاغ للنائب العام
و دى موش نكتة و موش باهزر
انا كنت بامشى فى المظاهرات من محطة الرمل
لحد سيدى جابر لما رجلية اتكسحت
و خسيت النص
و من كتر المشى كنت بازحف زى البطة
لحد ما السابوه اتنحل
و فى الآخر ضحكوا علية لا دقت كنتاكى
و لا حتى اجندة
و لا همة كانوا بيوزعوا كنتاكى فى الميدان
و بيوزعوا فى اسكندرية صابون ؟!
عايزة حقىىىىىىىىىىىىىىىىىىىى

ماشى يا زوزة حاستنى نصيبى فى الثروة
بس يا رب ما يكونش فى المشمش

و الله يا عم عادل انا كنت راضية بالصابونة
فى حكومة نظيف و قلت النضافة حلوة برضه
و النتيجة خزينة الدولة انضف من الصينى
ربنا يزحلقهم فى جهنم

الاخت العزيزة بنت النيل
اشكرك على الرد
و ادعو الله ان يعوض كل المصريين عما عانوه
من ظلم و فقر
و ألا يسلط عليهم من لا يخافه

و ان كان على تمن السابوه انا مسامحة فيه