من الهام ثورة يناير

كانت"لأ"هى النـــــــار
أيوة"لأ"النور والنــــــــار
***********************

كانت"لا"زمان جواكـــــم
للباطل أسياف واسيــــــــاف
كانوا يقولوهاالانفار فيكم
تتهــداســـواره وتنـــــزاف
كانت"لأ" جناحها قلوبكــوا
وكـان الحق جناحه عقولكـــوا
وكانت"لأ"هى النــــــــار
تفجر ف الباطل ميت ألف شـرار
تاكل ف جدوره المخلوعـــة
تطوى حصاده المر ماتبقى عمار
وكانت"لأ" هـى النــــــار
أيوة"لا"النــور والنــــــار
*****************************
كانت "لا" زمان ياخـالـــى
اخـواتــى وأهـلـى ودوارى
كانت"لأ" زمان يا خالــــى
ســندى وضـليلتـى وجــــوارى
وكانت"لأ" زمان ياخالــــى
سلاحــى ف ضـلمـة مـشــــوارى

أمــا الـوقـــت فبدل "لأ"
بـقـت و "أنــا مـــــــالى"
بـــــــــــــــــدل"لأ"
بـقـت و"أنـــا مـــــــالى"
وده من يوم مامشيت مشوارى
وشـربة مية كانت دى آمــالى
وعشانها كتير بعت يا خالى
وكـان"الباطل"هـوه الشــارى
وشربت وكان شرط الشــــارى
انى أسيبه..أقول و"انامالـى"
وشربت..ومشيت..وطويت مشوارى
ورجعت لكـن..شـايـل عـــارى
رجعت... وياريـت السـكـة
كانت تطوينى
واتـوووه عن دارى
رجعت... وياريـت الشربـة
كانت "ســـم"
و "هــــــــارى"
رجعت...و"الباطل"بقة عمى وخالى
"الباطل" بقة ناسـى وجــارى
"الباطل" راعى ف غيطــــــانى
"الباطل" بيسـم عيــــــالى
وعاميكم..عاميكم يابويا وخالى
ما"الباطل" كان هوه الشـارى
"البـاطل" كان هوه الشـــارى
"البـاطل" كان هوه الشـارى
ســــــاعتـــهـا
كــــان لازم ارجع تانى مشوارى
راجــع تــانــى
ولا "عـطش الصـحرا" هيطوى آمالى
راجــع تــانــى
ولا" ألف شـربة مية" تغير حـالى
راجــع تــانــى
ولا"زمن الباطل كله"أقول
و"انـا مـالـى"
راجع أدور على"لأ"
لما كانت بتنـور ضـلمة مشــوارى
راجع أدور على"لأ"
سـنـدى وضـليلتـى وجـــــوارى
راجع أدور على"لأ"
لـمـا كانـت عــمـى وخــــــالى
ســــــــاعـتهـا
كــــان لازم ارجع تانى مشــوارى
*******************
رجعت..مشيت..جريت
لـهـثت تـــراب الــــــــدار
جــــــــــــريت
كـان لازم الاقـى النــــــــار
جــــــــــــريت
طـــــاااال الـمـــشـوااااار
وف أرضـك" يادوسـة"
غـرسـت ايدى الممصوصــــة
أنبـش ف طـيـنـك
أنـبـش ف تـرابـــــــك
لكن....
كانت"لأ" نارها "طـينك"
كانت"لأ" رمادها تـــرابك
لكن....
تحت رمــــاد النـار
عـايـشة"لأ" بألـف شـــرار
ولوحـدى انامااطوى المشـوار
وانا عـمــرى بيجـرى دوار
سـاقية..ساقيةبتطحن كل عمـار
لكن....
جـنب رمـــاد النـــار راح امــوت
يمكن بـكــرة أكــونـلكوا صــــوت
تـــفـــكــوا عـنـى رمـوز المـوت
تــطــلـع صــيـحـة "لأ" مـعـاكوا
يــدبـــل كـل بــــاطـل جـواكوا
وتـــــعــود تــانى "لأ" هــواكوا
سـاعتها.."عـراق"و"ايـران"
عريس وعروسة ف "ليلة الجلوة"
ساعتها..هـتعود" لبنـان"
عـش العروسين و"الجنةالحلوة"
ساعتها..رق ومزمـــــار
رق ومزمار..ويغـنى "الافغان"
هـيغنى" الأفغان"
"مـيت غـنوة"
ساعتها.. فستان العرس الأبيض
شـايـلااه" باكســــــــتان"

وطريـق الزفة "فلسطين"
لـــؤلـــــؤ مـــــرجــان
معازيمنا"سوريا"و"أردن"و"خليجى"
"ليبيا"و"تونس"و"المغرب"
و"صـومال"و"سـودان"
وساعتها...
ماشـيين ف الزفـة يا"مصريين"
" مــلايـــكــة حــــــووور"
بـجنـاح أبيض ريـشه"نــعــام" وشـمـوع الزفة..
شايلينها..قايدينها"بشمس نهار"
قايـدينـه..ب "لأ" المـــشــوار
أيـوه ما "لأ" دى هى "النـــار"
أيوه "لأ" "النـور"و"النـــار"
أيوه "لأ" "النـور و النـــار"



ملايـكـة حــور