مساجله لشباب ثوره 25 يناير

بسمة الورد كتب:: الارض اهى قالت احلى كلام

رددها بحب الروح والقلب

علشان ما نعيش احرار ف سلام

ضحينا عشانها بود وحب

وشبابنا الباسل فى التحرير
حارب الظلم بكل جراءه
ارحل يعنى امشى هنكسرزير
وكفايه اهانه عليك واساءه

شعبك صابر 30 عام
حقق حلمو بعزل نظام
اصدر امره وكان العزل
امره التانى يا باشا اعدام

هم شباب النصر عشانك
ضحوا بروحهم وسط ميدانك
قالوا وقالوا مليون لأ
علشان بس يدوقوا حنانك

وداد الهوارى كتب:: الواد خُـــــــفت علـــــيه م الشـــــــارع
كنت باخــــــاف م النظـــــــرة عـلــــيه
آتاريــه راجـــل شـــــــــهم ، ودافــــــع
عـن شــــــرفه ، ووطـــــــنه بيحــــميه

كنت باشــــــــــوفه عـريس ، ومنـــــوَّر
جـــــــنب عــروســـــتة وأفــــــرح بـيه
شـــــــــوفته شــــهيد تحـــرير متصــور
ف احــــضان مصـــــر ، وبتحـــــــَّنيه

وداد الهـــــــــــــوارى

دم الشهدا شبابنا دا غالى
خلى الشعب كما البركان
زلزل صاحب البرج العالى
طاح بالظالم والسجان

الزجال محمد سرور كتب:

وداد الهوارى كتب:: الواد خُـــــــفت علـــــيه م الشـــــــارع
كنت باخــــــاف م النظـــــــرة عـلــــيه
آتاريــه راجـــل شـــــــــهم ، ودافــــــع
عـن شــــــرفه ، ووطـــــــنه بيحــــميه

كنت باشــــــــــوفه عـريس ، ومنـــــوَّر
جـــــــنب عــروســـــتة وأفــــــرح بـيه
شـــــــــوفته شــــهيد تحـــرير متصــور
ف احــــضان مصـــــر ، وبتحـــــــَّنيه

وداد الهـــــــــــــوارى

دم الشهدا شبابنا دا غالى
خلى الشعب كما البركان
زلزل صاحب البرج العالى
طاح بالظالم والسجان

لـــــــسة ف قـلبى الدم بيــــــغلي

مِــــش ح أرتاح ، ولا يهــدا البال

وإن جات آخـــر لحظة ف أجـلي

تـــاري راح آخــــده من الأنــدال

*****

راح أدوقــــهَّم حُـــــــرقة نـــــارى

ح آخـــــد حــــقي ، وحـــق عـيالي

حـتى إن هِــربوا ،وطال مشواري

ســـــوط العــــدل بإيـــدي وعــالي

وداد الهــــــــــــوارى

من أفضل ماكتب عن ثورة 25 يناير
وفقك الله

احنا ف حلم ولا حقيقه

افهم انت بأي طريقه

عزيزي / محمد بك سرور

والنبي كلامك حلو

خد بوسه عليه

محمود جمعة كتب:

وداد الهوارى كتب:: الواد خُـــــــفت علـــــيه م الشـــــــارع
كنت باخــــــاف م النظـــــــرة عـلــــيه
آتاريــه راجـــل شـــــــــهم ، ودافــــــع
عـن شــــــرفه ، ووطـــــــنه بيحــــميه

كنت باشــــــــــوفه عـريس ، ومنـــــوَّر
جـــــــنب عــروســـــتة وأفــــــرح بـيه
شـــــــــوفته شــــهيد تحـــرير متصــور
ف احــــضان مصـــــر ، وبتحـــــــَّنيه

وداد الهـــــــــــــوارى

ابكيتيني شاعرتنا الكبيرة

جيت وجايبله معايا الورد

واعمل ليله مشفهاش حد

قالوا عريس الليلة اتشهد

حور الجنة ناديتله و رد

نام يا شهيد وانعم بالجنه
كل الدنيا بتفخر بيك
صورتك راح تفضل قدامنا
ومصر هتفضل مديونه ليك

فرعون ..صحى
لقى حلمه ... ضاع
حانت خلاص .. ساعه الوداع
والشعب قام ... من غفوته
كسر منابر ... الخداع
والحق صاح ... فوق المآذن
والكنايس ... والضياع
وصوتنا جلجل ... فى السما
على االلى خان .. وع اللى باع
----------------------

الشاعرة عزة الزرقانى كتب:

الزجال محمد سرور كتب:

الشاعرة عزة الزرقانى كتب:

أنا أسفه يا شهدا

أنا كنت بقول

............................

أنا خايفه عليكم م المجهول

لكن ياحبايبى أنتوا الاحرار

يصدوركو قابلتوا ف ضرب النار

وقولتوا تعيشى يامصر عمار

ثاروا ضد اصحاب الكوسه
الظلمه ولاد الحرميه
ماتوا عشان مصر المحروسه
تفضل طول العمر ابيه

والله شبابنا رفعوا راسنا

ويا الجيش وجنود حراسنا

رحم الله شهداء الثورة

اللى فادونا و زرعو حماسنا

زرعوا فى مصر معنى التضحيه
علشان تانى تعود لمكانها
قدموا روحهم ليها هديه
وكانت ارخص شىء علشانها

مصر عشانها تهون الروح

شوف شهدائها وكام مجروح

والله حبيبتى ما يغلا عليها

روحنا عشانها منين ماتروح

كنت امبارح ف التحرير

شكله اتغيّر حتى بناسه

جوه خيام طالبه التغيير

شفت شباب فى الليل ونّاسه

جه ف ندوتنا شباب الثوره

شبان يوم خمسه وعشرين

زى الورد وجم يزورونا

زى ولادنا وعشريين

عادل عوض سند كتب:: كنت امبارح ف التحرير

شكله اتغيّر حتى بناسه

جوه خيام طالبه التغيير

شفت شباب فى الليل ونّاسه

بعد الثورة ياعمنا عادل

الميدان للحلم أهو حامل

رحم الثورة مخاضه بيطلق

شوف أبطالنا بيدحروا فاشل

التحرير وف شكله اتغيّر

غير الشكل اللى عرفناه

كان مولود وف شكله صغيّر

لكن مارد واهو شفناه

[quote="عادل عوض سند"]

الزجال محمد سرور كتب:

عادل عوض سند كتب:: مش اى شباب ولا اى رجال

ضحوا بالعمر عشان مانعيش

دول جابوا الفجر بإيد ابطال

وتحيه كبيره لكل الجيش

الا الجيش دا كمان بصراحه
كان له يد فى كل نجاح
كان ويا شبابنا فى الساحه
وهو امان و كان جراح

رغم اوامر صدرت ليهم

خش واضرب فوراّ نار

بس الجيش خيّب امانيهم

خش وكان ويّا الثوار [center]

جيشنا المصرى كان له يد لجل ما تنجح والله الثوره مد اديه لشبابنا ومد حارب كل فساد الدوله

والله انا ماسكه قلبى بأيدى

قلب الثورة دايب ف وريدى

خايفه عليهم قوى م الغول

لسه ديوله خانقه لعيدى

منصور غيضان كتب:

الزجال محمد سرور كتب:: [size=24]احنا فى حلم ولا فى حقيقه
دا شبابنا صنعوا الحريه
كانت مصر فى كرب وديقه
ونهبوها شويه حراميه
هب شبابنا الثاير قام
رافض ظلم فساد اعوام
حلفوا تكون مصر لقدام
وتعيش طول العمر ابيه[/sizeه

أحنا ف حقيقة والكلام عاجز وقال لى

هاتقول لى عشت الملحمة أنطق وملى

النصر حير كلاب ع الأفك دنيتهم

شفت الشهيد اللى نزف دمه وأمنى

أثبت وكمل حلمنا لحسن تحزنى

لو راح جهادناودمناإزاى تطمنى

الموت هايبقى عزنا لووصل صوتكم

لكن هايبقى قبرنا لو صوته غربنى

اصلى بصراحه لسه مش مصدق
ان حسنى سبانا بحقيقى وفريقنا
كان حبسنا بظلمه جوه خندق
كان نبهبنا وكان برجالته سرقنا

عادل عوض سند كتب:: اوعى الثوره تروح من ايدنا

لو حا تروح حا نروح وياها

دم شهيدنا كسّر قيدنا

مش عايزين نرجع فى متاهه

مش راح نرجع تانى فى متاهه
بعد مات الخوف جوانا
دا احنا بشبابنا بنتباها
اللى اعادوا الروح جوانا

جمل الحمل ع الزاد
صايم وعاف المى
شيال حمول ولازاد
ولا يوم صرخ بالأى
كتبتوا التاريخ يا ولاد
بالدم مش بالمى
جمل الحمول اهو هاج
بثوره نضيفه وشريفه
محى الظلام بنور وهاج
حققتوا المطالب واديكم نضيفه

الزجال محمد سرور كتب:

عادل عوض سند كتب:: اوعى الثوره تروح من ايدنا

لو حا تروح حا نروح وياها

دم شهيدنا كسّر قيدنا

مش عايزين نرجع فى متاهه

مش راح نرجع تانى فى متاهه
بعد مات الخوف جوانا
دا احنا بشبابنا بنتباها
اللى اعادوا الروح جوانا

عادت روحنا وعادلى كيانى

كل الدنياهناك شايفانى

رافع راسى زى ماقالوا

ولا حا نطاطى الراس من تانى

راسنا اهو عالى ووطن غالى

وياالصبر بقى بيحلالى

نقول ونعيد افراح واغانى

لجل مايرحل اللى ف بالى

بسمة الورد كتب:: راسنا اهو عالى ووطن غالى

وياالصبر بقى بيحلالى

نقول ونعيد افراح واغانى

لجل مايرحل اللى ف بالى

اللى بالك ما خلاص ولا
ساب الحكم وفارق مصر
مش هنشوف من تانى مذله
وهنبنى اللى اتهد فى مصر

الزجال محمد سرور كتب:

بسمة الورد كتب:: راسنا اهو عالى ووطن غالى

وياالصبر بقى بيحلالى

نقول ونعيد افراح واغانى

لجل مايرحل اللى ف بالى

اللى بالك ما خلاص ولا
ساب الحكم وفارق مصر
مش هنشوف من تانى مذله
وهنبنى اللى اتهد فى مصر

راح يلا الله لا يعودة

ولا هو وحزبه ولا جدوده

خلينا نتنفس حبه

ونعوض أيامه السوده

الشاعرة عزة الزرقانى كتب:

الزجال محمد سرور كتب:

بسمة الورد كتب:: راسنا اهو عالى ووطن غالى

وياالصبر بقى بيحلالى

نقول ونعيد افراح واغانى

لجل مايرحل اللى ف بالى

اللى بالك ما خلاص ولا ======= اللى ف بالك
----------
ساب الحكم وفارق مصر
مش هنشوف من تانى مذله
وهنبنى اللى اتهد فى مصر

راح يلا الله لا يعودة

ولا هو وحزبه ولا جدوده

خلينا نتنفس حبه

ونعوض أيامه السوده

هى دى بس ايام سوده ===== الأيام سوده
ربنا هيخلص م الظالم
نفسى اشوفه مرمى اوضه ===== ف أوضه
------
نفسى اصحى القاه يتحاكم ===== والقاه بيتحاكم

خطأ كيبوردى تم تصحيحه
وداد الهـــــــوارى

» هى دى سوءتك يا ثوره
» راجل ثوره
» ثـــــــــورة
» ثوره مصر
» ثوره مصر