كدابين الزفه00مين؟

كدابين الزفه مين
اللى ليهم الف وش والف مله والف دين
مش وشوش سمره شقاها
الف حفره ع الجبين
و لا ورده فى المظاهره
ولا مجذوب الحسين
ولا صوت اتبح من
كتر الزعيق فى المفسدين
و لا مبدا صلب صدا
بس ما باسش الايدين
كدابين الزفه غنوه
ناكره حالها من يومين
شبه ناس ملامحها كلحه
سيبيا ناس متزلفطين
تلقا منهم فى الجرايد
فى البرامج
سلكانين
امتصاص الحلم اكبر
شغله مارسوها سنين
فاوعوا ع لحلم اللى نور
ياكلوه منكوا الزفافين

الزفه خلصت وجت الدخلةوبتوع الزفه حا يشوفولهم
ميغه تانيه دا فى عز الفرحه بالثوره فرغوها من مضمونهادى ناس كسيبه يابا تعرف تكسب باالضلال

محمد البهنساوي كتب:

أخي الشاعر الكبير / رأفت المصري
بكل أمانه أقول لك هذه القصيدة من أصدق الكلمات التى قرأتها على صفحات المنتدى وهي تلخص الحالة التي نحن عليها الآن لقد أختلط علىَّ الأمر فلم أعد أرى سوى كدابين الزفة التي تتحدث عنهم .
سامحهم الله
أما أنت فشكرا لك على هذا الإبداع الراقي
أخوكم / محمد البهنساوي
رئيس رابطة الزجالين وكتاب الأغاني

الاخ الاستاذ محمد بهنساوى
حق يا اخى انا ايضا اشعر اننى لا ادرى شيئا فالامر اختلط و المتسلقين سلطوا ابواقهم ختى انن لم اعد اعرف الغث من الثمين
شكرا لك مشاركتك و ثناءك الطيب اخهى الفاضل
تقبل تحياتى و تقديرى الشديد استاذنا

عادل عوض سند كتب:

[color=blue] الاستاذ الشاعر الجميل

رأفت المصرى

الشعب المصرى شعب نادر . يتغابى عندما يريد

وتذاكى عندما يريد . وشعب صعب جداّ ان يتقبل مثل

تلك النوعيه من البشر . ففى عز الفساد والحكم البوليسى

كان الشعب يعرف من هم كدابين الزفه .

فهل بعد تلك الإفاقه تفتكر انهم لايعرفونهم ؟؟؟؟

قصيدتك اصابت كبد الحقيقه والتى لابد ان نعى لها جيداّ .


تقبل مودتى وخالص تحيتى ... [
استاذنا
/color]

لا اشك فى ذكاء شعبنا
وانما اخاف من طيبتنا التى يستغلها هؤلاء للالتفاف كالعاقول حول اعناق الامل
تحياتى

[quote="yousry_osman"]الزفه خلصت وجت الدخلةوبتوع الزفه حا يشوفولهم
ميغه تانيه دا فى عز الفرحه بالثوره فرغوها من مضمونهادى ناس كسيبه يابا تعرف تكسب باالضلال[/quoteرنا يستر يا عم يسرى و بعديها على خير
شكرا لك تفاعلكم

الشكر استاذه عزه و التقدير
احترامى