حوار

((( حوار بين الرئيس ووزير الداخلية )))
الرئيس : إيه الأخبار يا حبيب
الوزير : لا يا فندم ما فيش جديد
الرئيس : بيقولوا فيه مظاهرات
الوزير : لا يا فندم الشعب مات
الرئيس : بيقولوا فيه شوية شباب
الوزير : لا يا فندم دول أشباه بنات
اللي لابس بنطلون علي كل لون
واللي لابس حملات
الرئيس : يعني ما فيش بالمرة خوف
الوزير : لا يا فندم أنا عندي هراوات
ومدرعات للي يتكلم عا البهوات
السبت فات والحد فات وميعاد شببنا يوم التلات
الشباب من كل فج إتجمعوا
من إسكندرية ومن رشيد
ومن قنا وأقصي الصعيد
دول شباب البنطلون
اللي مليان جواه هموم
ودول شباب خالد سعيد
ودول شباب كفاية وزهقنا
ودول شباب طالع جديد
ودول يا ولداه لابسين كفنهم
حالفين يضحوا بنفسهم علشان نعيش
الرئيس : إيه يا عادلي إيه اللي حصل قول قوام
الوزير : الشعب قام
وقعتنا سوده قوم الحق إعملك مقام
الرئيس : أعمل مقام دي آخرتها يا همام
الوزير : آهي كلمة والسلام عشان الوزن يطلع تمام
الرئيس : والشرطة فين وجهازك اللي بتقول متين
ما أنت طول عمرك بتضرب عا الجبين
إتبخروا ولا إختفوا في الطين
الوزير : لا يا فندم إحنا اللي كنا غلطانين
ودن طين وودن تانية من عجين

أشكرك دي شهادة أعتز بيهاوفعلاً أنا من أول وهلة وأنا حاسس أني في بيتي فعلاً .

الأخ الرائع محمد عبد الواحد
قصة شعرية رائعة المضمون
والأجمل فيها خفة دمك

اقتباس :

الرئيس : إيه يا عادلي إيه اللي حصل قول قوام
الوزير : الشعب قام
وقعتنا سوده قوم الحق إعملك مقام
الرئيس : أعمل مقام دي آخرتها يا همام
الوزير : آهي كلمة والسلام عشان الوزن يطلع تمام

ههههههههههههه
أضحك الله سنك
وبارك لك

أشكرك أستاذنا الكبير/ عاطف الجندي
علي تشجيعك لي وهذا وسام علي صدري أعتز به وبارك الله فيك

تحية للأستاذ / محمد صالح
أشكرك علي مرورك وعلي تعليقك الجميل وبارك الله فيك وجزاك الله خيرا

أستاذنا الكبير / عادل عوض

الحكاية حضرتك عارف إنها لسة ما إكتملتش إن شاء الله سيتم إكمال الحوار بعد ما ترسي المركب
ونعرفوا ماذا يخبئ لنا القدر عموما أنا متفائل خير بإذن الله .
وشكرا علي كلماتك الرقيقة التي تدل علي ذوقك الرفيع .

جميل أستاذ محمد
فكرة جميلة جدا

الأستاذ / تامر محمود

أشكرك علي مرورك الطيب وجزاك الله خيرا