الى اعداء الثوره وطالبى الدليفرى

جاءتنى رساله على الموبايل بتقول
وداعا للاستقرار الفاسد اهلا بالفوضى الفاسدة
وداعا للنمو البطىء اهلا بالهبوط السريع
وداعالفساد عدة افراد اهلا بفساد الشعب كله
وداعا لشعب نصف انتاج اهلابشعب لا ينتج
وداعا للفنادق الممتلئه اهلا بالفنادق الخاويه
وداعا لجيش يحمى البلاد اهلا بجيش ينظم المرور
وداعا لكلمة مستوره الحمد لله اهلا بكلمةعايز ولازم ودلوقت
وداعا لبلد مستقل اهلا ببلد محتل
اعملوا وانتجوا وماتقطعوش فى مصر

رائى انا يسرى عثمان اللى نزلت التوره يوم 25 و28 وشوفت ازاى الشعب بيتهان باقول لهم الثوره حاتوطى صوتها علشان ماتقلقوش وناموا الدنيا ساقعه وضلمت عليكوا
وداعا للاستقرار الفاسد اهلا بالفوضى الفاسدهمع وجودالمعتقلين السياسيين فى السجون حتى يستريح فاسدى الاستقرار

وداعا للنمو البطىء اهلا بالهبوط السريع مع وزاره النظام البائد وحكومة القلم الكوبية بعيدا عن نظام الفيس بوك الفائق السرعه

وداعا لفساد عدة افراد اهلا بفساد الشعب كلة
لوكانت الثورة فساد فمرحبا بهذا الفساد الذى رد كرامة الشعب المصرى على الاقل ناكل لقمة واحدة
مش ناس ديلفرى وناس مش لاقيه تاكل

وداعا لشعب نصف انتاج اهلا بشعب لا ينتج
الثوره ثورة شباب انتم اللى بتكسروا مجاديفهم
وتحاولوا تفريغ الثوره من مضمونها
انا شايفكم بتتاوبوا روحوا ناموا

وداعا للفنادق الممتلئة مرحبا بالفنادق الخاوية
يااخى اصبر على الضيق بكره ييجى فرج ربناوبعدين فاضيه والا مليانه هو احنا كنا حاسين بغير الفقر

وداعا لكلمة مستوره الحمد لله اهلا بكلمة عايزين ودلوقتى حالا عشنا تلاتين سنه نقول الحمد لله ومستوره
نقول ولو مره واحدة عايزين ودلوقتى حالا وعارفين انه لن يحدث وبرضه مستوره والحمد للة

وداعا لجيش يحمى البلاد اهلا بجيش ينظم المرور
واجب الجيش يعمل كل حاجة لاهلة ويحافظ عليهم
ولا تنسوا ان كل افراد الشعب المصرى جيش
واللة لو حاول معتدى اليوم على مصرلتجد الجيش المصرى83900000وبرضوا حانوطى صوتناعشان الالف الباقى اللى متعشى ديلفرى بعرف ينام ويريح م الصداع بلا ثوره بلا وجع دماغ

احنا بنحب مصر النهارده بعد الثورة وحانحافظ عليها ونفديها باروحنا واللة وحشتينا يامصر
وانتم يا جماعه روحوا ناموا الدنيا سقعت وظلمت عليكم

اعتقد يا استاذنا حضرتك ممكن توجه مقالاك بدل من اعداء الثورة الى

اصدقاء الفساد والظلم

سؤال برئ جدا الريس المخلوع الآن فى غيبوبة

و كذلك هو كأى بشر كبير او صغير معرض للموت فى اى وقت ولا هو حاجة تانية

ساعتها برضه - اعوذ بالله مما أقول- كنا حانقول لربنا لأ احسن تحصل فوضى

الفوضى دى كانت من نظامه الفساد

والشعب اللى حضراتهم شايفينه كله حايصبح فاسد

قام كله يدافع عن بعضه وو قف المسيحى يحمى المسلم و هو بيصلى والمسلم يحمى المسيحى وهو بيصلى و وقف الأخوان المسلمين على الكنائس لحمايته - هذا من شهود عيان - وكذلك وقف يننظم المرور وينظف الشوارع ده شعب يستحق الحياه الكريمة لانه شعب وارث الحضارة و نظام الاعلام الفاسد هو من وجهنا الى التخلى عن ذلك وراح يصورنا ويصور شبابنا بأسوأ الصور حتى اقنعتنا نحن انفسنا بذلك واودعت بقلوبنا الاستكانه والخور

حمى الله مصر وشبابها الذى ازاح ذلك الستار القاتم عن اعيننا

ومن يريد النوم فليظل خلف هذا الستار وحده لانه عندما يستطيع ازاحته من امامه سوف يجدنا بأذن الله سبقناه بالكثير ولم يعد له مكان

احترامى استاذنا وتحياتى