انزلْ..........

موضوع: انزلْ.......... الأحد فبراير 13, 2011 9:32 pm

هذه القصيدة لم يحالفها الحظ لأن تنشر
وظلت حبيسة الأدراج كغيرها ،لكنها وصفت ما آل إليه الأمر
منذ 24/2/2005 وكنت أتمنى لو أخذت حقها في حينها
لكنني ممن يؤمنون بأن القصائد كالأبناء كل طفل يولد ومعه رزقه

انزلْ....

شعر / السيد جلال

[color=black]انزل…
وامشي علي رجليك…لو تقدر
انزل…مين أدّاك الحق تصادر حلمي
وتخليني أبات منزوع الحلم .
وتحولني لشجرة مر …….
من حواليها ، ومن فوق منها
فكل مكان الخير ييمر
إياك فاكر إن البحر ف يوم
ح يسيبك
تمشي معاك محاسيبك
لما تعدّي البر التاني
أنا شايفك رغم عنادك
وسط الموج غرقان بيعافر
لاجل يعيش …
لكن … ملح البحر ماليه
والموج بيجيبه ويوديه
لاجل ما يوصل شط البحر
وهناك هيلاقي كلاب رباها
لاجل اليوم ده
تيجي وتلقاه جيفه وتنهش فيه……

انزل وامشي علي رجليك
لو تقدر
المهرة تعبت منّك
شيلاك علي راسها بقالها سنين
وانت الواقف
ولا بتقدم ، ولا هتقدم،…
لكن طبعا بالتأكيد بتأخر
كات عشقاك المهرة
لما سبقت وعدّيت الفرسان المَهَرَه
لكن دلوقتي الحال أتغير
لا أنت الفارس اللي يشد لجام
ويفوت فـ الليل
ويخضّر تحت جناحه رمال الصحرا
لاجل نعدي ننوّر بكره

انزل ..وامشي علي رجليك لو تقدر
ما حسبتش ليه الزمن الضايع منك ؟
ما سألتش ليه تواريخ فرسان سبقوك ؟
عن أيامهم …أيه أخّرْهم
كنت عِرفت إزّاي تتعلّم
أزاي تتقدّم
امتي تسلم مُهْرة عمرك منصوره
لفارس تاني يكمل …..
عايقه المُهرة بشبابها
خطابها كتير واقفين علي بابها
لسّاك معصوية عنيك
وبتجري ورا لعيال في الحارة
تتكعبل رجليك في الجثث
المرمية فـ وسط الشارع
وتقوم تجري ما يهمّكش
زي الثور المربوط في الساقية
بيدورها العكس
لاجل يرجّع منها المَيّه
لبطن البير المهجور
إلا من حيّات وأفاعي
وعنين بتطق شرار فـ العتمه
والمدهش إنك رغم عنيك المعصوية
شايف لعيال مشنوقة علي أبواب الحارة
وإمام الجامع متعلق من رجليه
علي باب الجامع
…وبتضحك …!!
..........................

انزل
ريح نفْسَك
هدّي نفَسك المكروش من طول السّكة
وشوف بعنيك اللي زرعته لأوّل مرّه
انزل..
سيب لعيال الحارة العفاريت
ظهر المُهرة
ــــــــــــــــــ

القاهرة 24/2/2005

موضوع: رد: انزلْ.......... الأحد فبراير 13, 2011 9:46 pm

الشاعرا الرائع الراقى سيد جلال

اسمح لى بتثبيت رائعتك اولا

ثم اعود لجمال حرفك

دمت بحب

الشاعر الجميل

السيد جلال

صدقت والله اخى . فى قولك :

انزل وامشي علي رجليك
لو تقدر
المهرة تعبت منّك
شيلاك علي راسها بقالها سنين
وانت الواقف
ولا بتقدم ، ولا هتقدم،…
لكن طبعا بالتأكيد بتأخر

احنا اتخرنا ميت سنه ورا . وبالفعل المهره تعبت

فنطرته من وق ظهرها وبقسوه اردته قتيلاّ .

اشكرك على جمال قصيدتك ومضمونها الواقعى .

مودتى وخالص تحيتى ...

الله يا سيد
أحسنت أخي الغالي
أعرف أنك شاعر ثائر منذ التقينا
أحييك أيها القدير
أخوك المحب

الشاعر السيد جلال
سيبقى الشعر هو الملهم و المتنبئ بقادم الأيام
فكم من عمل تنبأ بالقادم
شكرا لقصيدتك الجميلة

الشاعر سيد جلال رائع ما ابدعت تقبل مرورى والف مبروووووووووووك

الله عليك يااستاذ سيد بجد روعة

والله واحشني كتير وعايزاشوفك

كل عام وأنت طيب .

الشاعرة الرقيقة المهذبة عزة الزرقانى
أصدقائي الأعزاء
عادل عوض سند
عاطف الجندى
حمدى شيبة
يسري حنفي سرحه
المبدعة:نجاة الأيوبى
أدعوكم جميعا للمشاركة بإبداعاتكم الأدبية والنقدية في منتدى شروق الأدبي على الرابط
http://montadashrookaladpy.ahlamontada.com/
وأشكركم على رقيق مشاعركم
وتجاوبكم معي وأعتذر عن تأخري في الرد لعدم تواجدى على النت لأسباب صحية

الروعه لابد لها من عوده

تحيتى اهذا الابداع الشيق

دمت بحب