غيرتوا وجه الزمن

غيرتوا وجه الزمــن
زودتوا حجم الشجــن
وزرعتوا لينا نجـوم
ورسمتوا معنى الوطن!

آااه ياشباب الــبلـد
البنت ويا الولـــــد
غنوتكو لحن الخلـــود
الشعب منها اتولـــد!!

بركان ف ساعة غضــب
سطر تاريخ من دهــب
ياثوره ع الطغبــان
والظلم كان السبـــب!!

ملايين بتشهد لــــكم
إن احنا بنحبـــــكم
ياللى زرعتوا الأمــل
عايزين نكمل بــــكم!!

ثورتكوا دى عنـــوان
شاهد عليها ميـــدان
أجمل ما فيه إسمـــه
ياللى انتو فيه فرسان!!

راكبين خيول الحــــق
بتقــــولوا كلــمة لأ
لا للفساد والظلـــــم
إن شالله منهــــا يطق !!

جملتوا آه بــــــكره
حققتوا ميت فـــــكره
ريحتوا كل الـــــناس
من كام وشــــوش عكره!!

هات ياشباب هات لـــى
أحييتنى من قتلـــــى
عايزك تملى تثــــــور
وتقــــــول وتبعت لى !!

طعت سالم
من وحى ثورة 25 يناير 2011