أيوب رجع

زى نفس الصوت ياصوتى
صوت ملايكــــــــــى
جوه قلبى الاخضرانــى
بيناديــــــــــــك
صوت حنينى واشتياقى
ولهفتى م الخوف عليك
وانت وحـــــــــدك
بين آهات الصبر صابر
ف الخلا تدعى كأنـــك
فوق منـــــــــــابر
ف الخلا تدعى وصوتــك
جســــــر قـــــــايم
ف الخلا تدعـــــــــى
وتتفتت غمــــــــايم
جوه صدرك اللى فيـــه
القلب الابيـــــــــض
العيون الطيبيــــــن
اللى بتشع الحنيــــن
واللى فيهم كل غنوة حب
دنيــــــا مدوبانــى
ياللى قلبك بالتقيــه
فوق جراح الكل يمســح
أى دمعـــــــــــــه
ياللى حبك عشت بيــــه
بين آلام الأهل ِشمعــــه
جيت وباغزل من خيوط
الفجر شالك والأمـــانى
جيت ياعمرى وألف عمر
وعمـــــــر تــــــانى
جيت ونبض القلــــــــب
سابق خطوتى مشتاق يجيلك
وف طريق الخير مشيت
الطريق اللى انت فيه
وف طريق الخير قاسيت
درت ف عيون السنيــــن
بعت غالى وكل غالى
يا حبيب العمر لجلك
أشتريــــــــــــــه
بس أحضن عمرى كله
ف نـــــــــور عنيـك
بس ترجع بسمتـــــــك
اللى بتبدل جـــــراح
المظلومـــــــــــين
وف طريق الخير نسيــت
كل جرح ف سكتـــــــى
وانا جايه ليـــــــك
كنت حسه إنى راكبـــه
مهر أبيض وبجنـــــاح
زى الحمـــــــــــامه
جوه قلبى حضن حيخضـــر
ربيـــــــــــــعك
صـــــــــوت بيضوى
فرحتين ويا نبض القلب
كانو بيرقصــــــولك
كلمتين يتـــــــرددو
جوه ف كيـــــــــانى
مستحيل اقدر أبيعـــك
ياحمامة حب حطـــــت
جــــــــــــوه دارى
قلبى كان العش ليهــا
والعيون برج انتظارى !
جايه اشيلك بين رموش
العين يا عيــــــنى
جايه تمسح فوق جبينى
لون أنيــــــــــنى
ياللى م غيرك سنينــى
تشتكيــــــــــــنى !!
ضمنى ف الحب ضمـــــه
أحضن الأشواق أدينـــى
يا حنيـــــــــــــنى
خلى قلبى اللى طار وياك
يجيــــــــــــــــنى
وينادينى : يالله بينا
يالله نمشى ف الأراضى البور
ندور .. نبر تقاوى الصبر
تطرح ف العيون أجمل زهور
نحلب نجوم الليـــــــل
ونشرب ضيــــــــــــها
نشؤب ونصبح زيهــــا !!
وليلنا ف عيون الصغار
يصبح نهـــــــــــــار
تتحول الأرض السواد خضره
بإدين خفيه حنينه
شوف العجب ..قــــــدره
نحيى اللى مات من سكات
ونرجع الغنمــــــــات
وف قلبنا صوتالضمير
يدوى يجلجل ف السمــــا
إصحى وفوقى يابلد خف الوجع
إصحى وفوقى يابلد أيوب رجع !
طلعت سالم
أرجو الإشتراك بهذه القصيده
فى مسابقة الشهر وشكرا

الله الله الله الله يا استاذ طلعت
قصيده تمس القلب
منتهى الاحساس
صياغه جيده لفكره رقيقه جدا
صح لسانك اخى الكريم
دمت بكل الخير

الأخت الكريمه.دعاء
شكرا جزيلا على كلماتك الرقيقه
ومرورك الحالم الوديع دمت بحب
ودام مرورك الجميل
طلعت سالم

أستاذى الشاعر الكبير طلعت سالم

قصيدة رائعة بكل المقاييس

قولت الكثير ولكن باسلوب خاص جداً

فى تركيبة صورك

فقد جسدت احساس المعاناه بشكل مختلف تماماً

ربنا يزيدك إبداع

وينصر مصر

الشاعره الجميله فعلا وقولا :رشا
لوفضلت ادور كل يوم على ميت طريـــقه
مستحيل اقدر أقولك أد إيه إنتى رقيقه!!
دمت بحب وسعاده وإبداع ودام مرورك
المبهج لقلبى وروحى وعقلى
طلعت سالم