رباعية الخطف

موضوع: رباعية الخطف السبت فبراير 05, 2011 12:31 pm

الكل ليه عايش كما المخطوف
آه ف آه يا سنين عمرى عليكى الخوف
اللحظه ليه بتسرسب الباقى شجن
الكل فيه شاربين ولا عادتش فيه ملهوف

ما اجمل رباعياتك الشاعرة الرائعة
رشا فؤاد
دمتى بخير ونتمنى نشوفك تانى فى المنشية
واتحاد الكتاب ونادى الوافدين
ادم

ايوه كما المخطوف

أيوه بموت م الخوف

بس مش فاقده الأمل

ولا يملا قلبى عصوف

الكل كان مقهور عايش كمان مرجوف

شارب نعال الحضيض ضلمه ف عز الشوف

دلوقتي ركب موجه يمكن امان وخلاص
...
سنين رقاب طاطت دلوقتي رفعت راس

خلاص يا مصر خلاص قتلنا فينا الخوف

الشاعرة الرائعة رشا فؤاد رائع ما ابدعت رباعية جميلة وهادفة تقبلى مرورى

الشعب قال كلمتُهْ... والرأي ع المكشوفْ
هنموت ونحيا بشرف نِتحدّى أي ظروفْ
إحنا اللّي طول عُمرنَا..
صابرين بقالنا سنينْ..
والكلمة من حقّنَا....
بس اللي يسمع مينْ.؟؟
بُركان غضب وانفجر..ملعون أبوه الخوفْ..

سنشارك حتى النهاية...

الشعب لما يثور يبقى رجع له الشوف

ثابت على مبدأه قاتل فى قلبه الخوف

الكل قام م النوم صحصح خلاص اهو فاق

كسّر قيود الظلم ما بقاش خلاص مكتوف

ابنتى العزيزة الغالية رشا فؤاد
رباعية جميلة وابداع راقي احييكي عليه
سلمت يداكي يا ابنتى
دمتى بكل الخير