صوت الشباب

موضوع: صوت الشباب السبت فبراير 05, 2011 8:07 am

صوت الشباب

***

( اللهم اجعل هذه المحنة منحة للهداية ولا تجعلها منحة للغواية اللهم امين )0

***

طب قوللى بعد الظلم ايه
ماتقول يابيه
وحياة كبيرنا اللى حكم فينا وسلم
ولا هان عليه
يراضينا حتى بكلمتين
طب نعمل ايه
ح نعيش ليالى الظلم والا نتقهر
والا نتحدى الليالى المظلمة
بكتر السهر
وننام ساعات نحلم بعيد اللى انتصر
ع اللى اغتصب ارض الميعاد
والا ننادى كلنا
ونقول تعالى ياصبحنا
ماتغيبشى او تبعد بعيد
يمكن تبشرنا بجديد 00

***

متتقولناش نصبر يابيه
زى ما ايوب صبر
ايوب صبر سبع سنين
وما قالشى آه
لحد ما المولى شفاه
واحنا رضينا بالقدر
وصبرنا طول مداه
وآه وآه والف آه
ماقولنهاش ابدا كده
الا لما الكيل طفح
ما تقول يابيه طب نعمل ايه
نعيش ليالى الظلم والا نتقهر
والا نتحدى الليالى المظلمة
بكتر السهر
وننام عناد نحلم
بعيد اللى انتصر
ع اللى اغتصب ارض الميعاد
والا ننادى كلنا
ونقول تعالى ياصبحنا
ماتغيبشى او تبعد بعيد
يمكن تبشرنا بجديد
من قبل ما يفوت الميعاد
وبدمنا نكتب بايدنا المظلمة
لكننا فوضنا لله امرنا
ولا عمرنا ح نعيش كده فى ذلنا
يانعيش كرام فى دنيتك
يا ننول شهادة كلنا 00000000
0000
0000
طب قولنا باللاه عليك
قول يالا بعد الظلم ايه
وحياة كبيرنااللى حكم فينا وسلم
ولا هان عليه
يراضينا حتى بكلميتن

***
***

( اللهم اجعل هذه المحنة منحة للهداية ولا تجهعلها منحة للغواية اللهم امين )
فوزى الشربيى

موضوع: رد: صوت الشباب السبت فبراير 05, 2011 1:17 pm

صدقنى بعد الضلمه نور

وشبابنا كسر الف سور

بس وحياتكم كفايه

طلعو الصهاينه م الجحور

استاذى القدير

فوزى الشربينى

تحيتى لجمال حرفك

دمت بحب

ملحوظه

تثبت بواسطتى

لروعة الحرف

موضوع: رد: صوت الشباب السبت فبراير 05, 2011 2:33 pm

الأب الغالى والشاعر الكبير أستاذى فوزى الشربينى

أولاً يارب تكون بخير وصحة

فى ظل هذه الأحداث

التى أوجعتنا جميعاً

ثانياً ماهذا الجمال

فى طرح الوجع

القلب ف الهم يااتوجع

يا غلبنا

ما كانش قادر يرتجع

قلناها من عشرين سنه واكتر كمان

ايام زمان

ف المريلة

وفيونكتين ويا الضفاير تعبانين

حمل الوطن

شايلينه خصله ف شعرهم

بتسطر القلب الحزين

خايف ف لحظه

نفترق على ضفيتين

ضفه معارض كفته هاتكون لمين

ضفه مؤيد جوه خوفه عاش أنين

والله حضرتك منا عارفة الكلام دا كاتبته ازاى

بس السبب إبداع حضرتك الراقى

من هنا ابعث سلامى ودعائى لمصر

وكل أهالى الأسكندرية الكرام

وربنا يزيح الغمه

موضوع: رد: صوت الشباب السبت فبراير 05, 2011 3:43 pm

الاخ الحبيب الشاعر الكبير

فوزى الشربينى

تحيتى لحرفك وتفاعلك الفورى للاحداث

اسمح لى بعوده لقصيدتك .

تحيتى لحين عودتى ...

موضوع: رد: صوت الشباب السبت فبراير 05, 2011 3:49 pm

الأستاذ الشاعر / فوزى الشربينى

لقد صبرنا كثيرا

اليوم يوم الدعاء لله عز وجل ان يخرجنا من هذه المحنه الى بر الامان ويهدينا جميعا ويجمعنا على قلب رجل واحد لنصرة الحق

احترامى وتقديرى لتفاعلك الجميل

موضوع: صوت الشباب السبت فبراير 05, 2011 5:21 pm

الاخت العزيزة الغالية الشاعرة الغنائية المتألقة دائما
الاستاذة عزة الزرقانى

تحياتى وتقديرى وشكرا على مرورك الغالى وتعقيبك الجميل الذى دائما يسعدنى كثيرا وشكرا على تثبيت كلماتى المتواضعة 0

ودمتى بكل خير ومحبة وسعادة 0 وتحيا مصر آمنة مطمئنة0

موضوع: رد: صوت الشباب السبت فبراير 05, 2011 6:22 pm

الكبير

الشاعر الأستاذ

فوزى الشربينى

تحياتى بقدر ابداعك الراقى

يا(جنينة) من زرعنا == سقيناها بآلمنا

ماهو بردة كنا السبب == والفضل لٍقلامنا

وان كان ده مش ملحوظ == والكل حارب فيه

ماتيلا قوموا بـــــقا== ونعيشها ايامنـا

موضوع: رد: صوت الشباب السبت فبراير 05, 2011 6:55 pm

الشاعر الرائع فوزى الشربينى رائع ما ابدعت باحساسك العالى بالمحنة تحياتى

موضوع: صوت الشباب الأحد فبراير 06, 2011 7:39 am

الابنة العزيزة الغالية الشاعرة المتألقة دائما
الاستاذة رشا فؤاد

تحياتى تقديرى وشكرا على مرورك العاطر وتعقيبك
الجميل الذى اسعدنى ويسعدنى دائما ومداخلتك
الرائعة التى اضافت الى كلماتى المتواضعة جمالا
وابداعا ومضمونا رائعا 0

دمت بكل خير ومحبة وسعادة ودامت مصر آمنة مطمئنة

موضوع: صوت الشباب الأحد فبراير 06, 2011 8:45 am

اخى العزيز وحبيب قلبى الشاعر الكبير المتألق دائما
الاستاذ عادل عوض

تحياتى وتقديرى وشكرا على مرور الغالى والدائم
على قصائدى المتواضعة وانا فى غاية الشوق فى انتظار تعقيبك الذى دائما بالطبع سوف يفيدنىويسعدنى كثيرا0

ودمت بكل خير ومحبة وسعادة ودامت مصر آمنة مطمئنة0

موضوع: صوت الشباب الأحد فبراير 06, 2011 12:52 pm

الاخت العزيزة الاستاذة الفاضلة
عاشقة الشعر

تحياتى وتقديرى وشكرا على تفضلك بمرورك الغالى
وتعقيبك الجميل على كلماتى المتواضعة لقد شرفت
وسعدت كثيرا بهذا المرور والتعقيب الجميل 0 نعم
كما تفضلتى لا يسعنا الان الا الدعاء بالخروج من
هذه المحنة بسلام ويجعلها الله سببا للهداية 0

دمت بكل خير ومحبة وسعادة ودامت مصرآ منة مطمئنة 0

موضوع: صوت الشباب الإثنين فبراير 07, 2011 8:04 am

اخى العزيز واستاذنا الفاضل الشاعر الكبير
الدكتور صلاح طاهر

تحياتى وتقديرى وشكرا على مرورك الغالى وتعقيبك
الرائع الذى دائما يسعدنى ويثلج صدرى واضافتك
الرائعة التى زانت كلماتى المتواضعة 0

دمت بكل خير ومحبة وسعادة واعتذر عن تاخيرى فى الرد ودامت مصر آمنة مطمئنة 0

( اللهم اجعل هذه المحنة منحة للهداية ولا تجهعلها منحة للغواية اللهم امين )

اللهم آمين

موضوع: صوت الشباب الخميس فبراير 10, 2011 10:33 am

اخى العزيز الشاعر المتميز والمتألق
الاستاذ حمادة ابو طالب

تحياتى وتقديرى وشكرا على مرورك العاطر
ودمت بكل خير ومحبة وسعادة ودامت مصر آامنة مطمئنة0

» حال الشباب
» رمز الشباب
» إلي فئة من الشباب
» إسقيها ترياق الشباب
» الشباب والزواج