عاشقة الشعر
عضو سوبر ماسى
الدولة : 
عدد الرسائل : 754 نقاط : 843 تاريخ التسجيل : 24/06/2010
بطاقة الشخصية
مرئى للجميع:
 |  موضوع: يا حبيبتى ياااااااااااااامصر  الجمعة فبراير 04, 2011 5:06 pm | |
| يا حبيبتي يا مصر
حكمة اليوم والامس وكل يوم
كيف اعاودك وهذا أثر فأسك
اقرأها و فكر وقرر
من اهم انجازات عصر ما بعد الثورة هى مجانية التعليم.....و اى اسرة فى مصر بتبيع اللى وراها و اللى قدامها علشان الدروس الخصوصية!!!!
يعنى ابويا يسافر و يتغرب و يوفر شقة لولاده من فلوسه محدش دفع له فيها حاجة....... و ييجى بطرس غالى يفرض عليها ضريبة عقارية.!!!!!!!!
يعنى حسنى مبارك يعمل سور لقتل اطفال غزه ..... ويطلع واحد يقولك البرادعى عميل لاسرائيل !!!
يعنى وزير مالية عمل قانون الضرائب العقارية وقال هيدفع عن القصور بتاعته ....... وبعدين يطلع يتعالج على نفقة الدولة
يعنى وزير صحة شريك فى كبرى مستشفيات البلد )دار الفؤاد) و مراته تتعالج على نفقة الدولة
يعنى ناس غلابة و مش لاقيين الزلط حتى ... وعضو مجلس الشعب يطلب منهم ثلث قيمة قرار العلاج على نفقة الدولة رشوة عشان يتعالجوا على نفقة الدولة
يعني نزود و نمد الغاز لإسرائيل مدعم لعشرين سنه جايه و المصريين مش لاقيين أنبوبه بوتاجاز
يعني وزير الإسكان يبقي سمسار اراضي !
ووزير التعليم يبقي بلطجي قديم !
ووزير الصحه بيتعالج علي نفقة الدوله
!
يعنى جمال مبارك يسرق فلوسنا وارضنا ويوزعها على اصحابه ..... و ييجى واحد يقولك اللى تعرفو احسن من اللى ما تعرفوش
يعنى تبقى واثق أيام اختيار الدولة المضيفة لكأس العالم 2010 ان مصر هاتخدها هاتخدها لإنعدام الامن فى جنوب أفريقيا و عدم و جود بنية تحتية فى المغرب و فجاة تاخد صفر كبييير من لجنة الفيفا
يعنى يطلع واحد فى التلفزيون يقولك آه البرادعى ...عارفه عارفه دا حمدى غيث بتاع انا البرادعى يا رشدى.........
يعنى يبقى عندك ثلث آثار العالم فى مدينة واحدة بالأقصر و تلاقى دولة زى تونس عدد السائحين فيها اكتر من عندك
يعني تترشح في الانتخابات عن فئة (العمال) وتنجح فتعيش عيشة (الملوك(
يعني الحكومة تمنع التدخين جوه القطار علشان تحافظ علي أرواح الناس ..... ويروح القطار بكل اللي فيه مخيش في قطار تاني.
يعنى تبقى الدول العربيه اللى مكانش حد يسمع عنها زى الإمارات وقطر والبحرين كلها نظام ونضافه------ وحنا اللى كنا بنعلمهم من 30 سنه الزبالة وعدم النظام في كل مكان ورئيس الوزراء بيقول ان وجود الزبالة بالكثرة دي بيدل على الغنى الي عايش فيه الشعب المصري
يعني تبقي نسبة التحرش الجنسي بالفتيات في الشارع المصري والمواصلات العامة اكتر من 80% ......والحكومة تطالب بخلع النقاب
يعني لما الشعب ما يلاقيش سكن ويروح يسكن في الجبل ويقع عليه يقولوا عشوائيات
يعني لما الناس تتغرب ولما تيجي ترجع تركب عبارة تعدي بيها البحر والعبارة تغرق وحوالي 1500 واحد يموتوا ..... يطلع التحقيق انهم ماتوا بنزلة برد عشان لما غرقوا ماكانوش عاملين حسابهم وماتقلوش هدومهم
يعنى قناة ال BBC فيها مذيعات محجبات... و تلفزيون بلد الأزهر بيمنع ظهور المذيعات المحجبات!!!!!!!!!!!
يعني مصانع الحديد كانت بتبيع الطن ب2000 جنية وييجي بقدرة قادر احمد عز محتكر الحديد يبيعه ب8000 جنية ......... تيجي الحكومة تعمل له قانون تفصيل مخصوص ليه عشان تحميه من بطش الناس
يعني يبقي اليهود نهبوا فلوس العالم عشان الهولوكوست الوهمي ..ويتباهو بقتل اسرانا في تليفزيونهم ومحدش يقولهم حاجه !
يعني يعملوا قانون ضرائب جديد على العقارات ....... والشعب الي مش ناوي يدفع يموت نفسه عشان يجيب الاقرار ويتباع في السوق السودا كمان
لما وزير التربية والتعليم المسئول عن تخريب الثانوية العامة وتعديلها اكتر من مرة خلال 4 سنوات والغاء سنة 6 من الابتدائي ..... يكون رئيس مجلس الشعب وممكن رئيس جمهورية كمان في حالة وفاة الرئيس
يعني قطارين بيخيشوا في بعض ..... واللي يتحاسب الكومسري وفي مقولة اخرى البقرة الي كانت واقفة على القضبان
يعنى تروح مستشفى حكومى وتجيب كل حاجة على حسابك(قطن وشاش وأدوية ) ناقص كمان دكاترة وممرضين ووزير المالية وزوجة وزير الصحة بيتعالجوا بالملايين على نفقة الدولة
يعني تبقي عندك بحرين و نيل قناة السويس و11 بحيره وبتستورد السمك من بره
!
يعني يتحرق مجلس الشورى ..... والشعب يدعي ربنا ان النواب يكونوا جواه
لما الاعلام الحكومي والخاص مش همه الشعب الي مش لاقي ياكل ولا يلبس ولا يسكن وطبعا بدون عمل ....... وهمه كله يعرف مين قتل سوزان تميم والمحكمة هتحكم بايه في قضية مرتضى منصور وشوبير !!!
لما الدايرة الي فيها 2500 صوت ..... مرشح الحزب الوطني ياخد لواحده 13000 صوت
يعنى لما يكون المزارع مش عارف يزرع ارضه بالقمح علشان نحتاج امريكا ------------ ولما يزرعه ياخدوه ارخص من المستورد 3 مرات
لما يمنعونا من زراعة القطن الي بنتميز بيه وبعد كده يروحوا يبيعوا مصانع الغزل والنسيج لمستثمرين يهود يسرحوا العمالة ويقطعوا الشركات ويبيعوها اراضي على النيل
"يعني كلنا خايفين علي مستقبل مصر واللي ماسكينها خايفين علي مستقبلهم هما"
لما يكون الملاك فى الرحاب بتدفع 12 جنيه على المتر مسطح بدل فرق الصيانه ---------- يقوم الباشا هشام طلعت يدى سوزان 50 مليون من جيب امه
يعنى لما تكون اقصى سرعه للسيارة 20 كيلو فى الساعه علشان الطرق متنيله بستين نيله والبلاعات طالعه فى وسط الشوارع واحيانا مفتوحه -------- يطلعوا لنا بقانون حزام الامان وصندوق الطبى علشان ابو مراة الننوس يبيع ويغتنى من دمنا
لما الموظف فى الحكومة بياخد اد مرتبه 500 مرتب رشاوي و يقولك مش عارف يعيش علشان الزيادة السكانية!!!!
لما يكون عندنا مجلس قومى للمرأة و اعلى معدلات طلاق فى الوطن العربى!!!!
لما يكون عندنا مجلس قومى لحقوق الانسان و اعلى معدلات اعتقالات و تعذيب فى اقسام الشرطة.....
لما وزير الاسكان الحرامى يبيع ملايين الامتار ببلاش للمستثمرين مخالفة لقوانين الدوله ------------ ويبيعوا لنا المتر ب 3000 جنيه فى القاهره الجديده
و لما وزير الاسكان يقول لو مخصصتش الآراضى للعائلة أمال هخصص لمين ,,,يبقى اللى اختشوا ماتوا!!!!
و لما بيصرفوا ملايين الجنيهات على المهرجانات و المؤتمرات كل سنة و اول ما يحصل كارثة - كالزلزال او السيول – يقول للشعب اتبرع للضحايا!!!!!
لما طلعت السادات قال بقين على الهوا تترفع عنه الحصانة و يتسجن فى اقل من شهر... و ممدوح اسماعيل صاحب العبارة يسافر من صالة كبار الزوار!!!!!
يعنى تيجى تشترى شقه فى اسكان مبارك لمحدودى الدخل تحسبها تلاقيها واقفه عليك بسعر السوبر لوكس
لما الرئيس يحتفل بليلة القدر و يوزع جوائز على حفظة القرآن الكريم.... و لما الاخوان ييجوا يعملوا حاجة ايجابية - زى مشاريع خيرية او حتى يوزعوا شنط رمضان - يعتقلوهم و يقولوا لا للدولة الدينية
!!!!!!
و لما يعملوا قانون مرور جديد..... و ضحايا حوادث الطرق سنويا اعلى من نسبة اللى ماتوا فى حرب أكتوبر
للأسف منقوووووووووووووووول
***** السؤال بقى بعد كل ده فى 30 سنة ممكن تتغير فى 9 شهور
بالله عليكم لا تخذلوا مصر
| |
|
عاطف الجندى
المدير العام
الدولة : 
 عدد الرسائل : 14290 الهواية : الشطرنج
نقاط : 13287 تاريخ التسجيل : 01/05/2007
بطاقة الشخصية
مرئى للجميع:
| | موضوع: رد: يا حبيبتى ياااااااااااااامصر الجمعة فبراير 04, 2011 7:08 pm | |
| عاشقة الشعر
حقيقة أحييك على هذا المقال الرائع
الجامع لأشياء كثيرة من الفساد الذي استشرى فى البلد
دمت بخير
و لمصر الحب كله | |
|
عادل عوض سند
نائب المديرالعام
الدولة :
عدد الرسائل : 19900 نقاط : 20417 تاريخ التسجيل : 07/01/2009
بطاقة الشخصية
مرئى للجميع:
| | موضوع: رد: يا حبيبتى ياااااااااااااامصر السبت فبراير 05, 2011 3:29 pm | |
| الفاضله عاشقة الشعر
والله اضحكنى اكثر مما ابكانى .
هذا المنقول المفترض يُطبع ويُنشر ويُوزع
على جميع افراد الشعب المصرى ليعرفوا مدى
الفساد التى كانت تعيشه البلاد .
كل الشكر والتقدير ... | |
|
عاشقة الشعر
عضو سوبر ماسى
الدولة :
عدد الرسائل : 754 نقاط : 843 تاريخ التسجيل : 24/06/2010
بطاقة الشخصية
مرئى للجميع:
| | موضوع: رد: يا حبيبتى ياااااااااااااامصر الأحد فبراير 06, 2011 5:23 pm | |
| - عاطف الجندى كتب:
- عاشقة الشعر
حقيقة أحييك على هذا المقال الرائع
الجامع لأشياء كثيرة من الفساد الذي استشرى فى البلد
دمت بخير
و لمصر الحب كله [color=darkblue] الأستاذ الشاعر الرائع / عاطف الجندى
جميعنا يعلم هذا الفساد وما خفى كان اعظم انما اذكر بأثر الفأس- هذه الحكاية تروى عن امان تم بين اثنين متناحرين و عندما امن احد الاطراف للاخر هم بقطع رأسه بفأس ولما فشل ظل أثر الفأس بالأرض ولما طالبه بان يعطيه فرصه أخرى لاثبات حسن النوايا قال له ( كيف اعاودك وهذا أثر فأسك)- فأس النظام لم تخطأنا بل أصابت رؤسنا جميعا واثر الأصابة واضح فكيف نعاوده مرة اخرى و ندعه يخدعنا مرة اخرى [/color/] | |
|
حسام خليل
شاعر
الدولة :
عدد الرسائل : 1816 نقاط : 2159 تاريخ التسجيل : 07/01/2009
| | موضوع: رد: يا حبيبتى ياااااااااااااامصر السبت فبراير 12, 2011 4:49 am | |
| وبضدها تتميز الأشياء
الحمد لله الذي كشف الغمة
ونسأل الله أن يحفظ أن مصر واستقرارها
شكرا جزيلا عاشقة الشعر | |
|
