الناس في مصر هتولع = محمد خضر الشريف

زجليات

الناس في مصر هتولع
محمد خضر الشريف

الناس في مصر هتولع
بتشيش بتحشش بتولع
ع القهاوي ع المصاطب
العمر بيضيع وييضيّع
يا اسطى عبده ياحرامي
حسابك كم جاني الوجع
وحياة أبوك هاتلي الولع
حجر سطل يعدل دماغي
وحجر عالي آخر دلع
معذور حسين ويا محمد
الزهر أحسن م الودع
امانينا طاولة وضمنه
رجولتنا فوق كل جدع
م الغلب اللي عايشينه
مش راضي عنهم يتعتع
وشايفين ايه وناضرينه ؟؟
حكومة ماشية وبتشغلع
مرسيدسات بتطفي تولع
وفلوس مخفية بتتبرقع
ستات وبنات بتتمرقع
وشباب مش لاقي يدلع
خرجوا في مظاهرات
لشوارع بتغلي بتولع
بيقولوا نعملوا حاجه
يمكن نزيل عنا الوجع
ولسانهم:" أنا الشعبُ"
أنا اللي انطفى تاني هيولع
بعيد أمجادي اللي راحت
يا تاريخ سجل هنا وسمّع
احكي حكايتي دي واشهد
المصري صحي وبيلعلع

الاخ الحبيب

محمد خضر

وياليتهم يتركونا نقول ما بداخلنا .. ولكن .

ولكى يقال ان فى مصر ديمقراطيه تركونا لمدة يوم واحد فقط .

ثم امر العادلى بتفريق المظاهرات بشتى الطرق ولم يفلحوا .

وكانت الفاجعه عندما استخدم البوليس الرصاص الحى لتفريق

المظاهرات . والعنف لاينتج إلا العنف . وهذا ما سوف يكون

من الشعب المطحون والذى تناسته السلطه وداست عليه بوزارة

رجال الاعمال الذين اغتنوا من دم هذا الشعب المكلوب .

مودتى وتحيتى ...

ياعم أنا غلبان مش سياسي
أنا حكواتي وبس ياسياسي
بقول ونخع من راس راسي َ
وخوفي انكتم جوه في لباسي
وحاطط على بابي ترباسي
بدعي من ساسي لراسي
يكفيك ربنا شر الوسواسي
هههههههههههههههههههههههههههه

أنا غلبان منيش سياسي
أنا حكواتي وأنت سياسي
بقول أهو ونخع من راسي َ
وخوفي انكتم جوه لباسي
وحاطط على بابي ترباسي
بدعي من ساسي لراسي
يكفيني الوسواس الخناسِ
هههههههههههههههههههههههههههه

ياخضر قول وغنِّي = وبقلبك لا تترك عنِّي
مهما اللَّيل عليك يطول = انشالله بتوصل متهنِّي
************
ـ الأخ محمد خضر الشَّريف
شكراً لقصيدتكَ التي تبثُّ فيها أحاسيسكَ وشجنكَ
ودمتَ بخير

إلى المبدع الكبيرالشاعر /سلوم الياس سلوم

دمت لمحبي الكلمة الوهاجة، وبيتاك فيها رقي أدبي عال غال..
لك ودي كله.. وشكرا على تعقيبك الأحلى والاجمل، وفرصة طية أن تعرفت على شخصك النبيل.

» صوت لأجمل قصيدةعامية 2 يناير2011
» !قس قذر = شعر: محمد خضر الشريف
» عراقية !! =شعر: محمد خضر الشريف
» قصة قصيرة- "صحن فول"!! محمد خضر الشريف
» استطلاع رأي = محمد خضر الشريف