ريشه

ريشه ف مهب الريح
أنا سيّد المجاريح
وف قلبى ده تباريح
وانتى بعيد ياامه!!
فين حضنك الفدادين؟
فين زهرك الياسمين؟
فيم يا امه قلبى حزين
البوسه والضمه؟؟؟
كنتى النهار والشمس
كنتى الكلام والهمس
كنتى اللى جاى والأمس
والصحبه واللمه!!!
قلبى الصغير شاب
جوايا ألف عذاب
من يوم ما نورك غاب
ماليش صحاب يا امه
دمعى بحور بتسيل
جوه القلوب مواويل
فيها الجراح مراسيل
تشكى البعاد يا امه
ريشه ف مهب الريح !!
طلعت سالم