الاعلانات المصرية

كوكـــــــو واوا وشيكا بيكا *** أيه كمــــــان يا اعلانات
فيديو تلفزيون وسيمـــــــــا *** غزو واحتـــــل الشاشات
المذيعـــــــــة جت وقالــت *** هاى يا شلة قولنـــا هاى
بعد فقــــرة إعلاناتــــــــــنا *** المسلسل دوغـرى جاى
قولنا هنريــــــــــح شويــــه *** من كلامهم ع الصابون
زيست لوكس وفاى كمــان *** كترهم حــــــرق العيون
ولا بيريل الفتـــــــــــــــوة *** جاى ومعجون بالليمون
المذيعة لمــــــــــــــا قالت *** المسلسل ليـــه ما جاش
والحروب الاعلانيـــــــــه *** غزو دايــــم ما انتهاش
مرة تانية فى متش كورة *** كنا قاعدين مشتاقيـــن
والجميع عمال يخمـــــــن *** يا ترى الفوز لميــــــــن
جت سماره بالملايــــــــه *** وف إديها زيت أوليـــن
قولنا تانى إعلاناتكـــــــم *** ليله كوبيه وشايله طيــن
إرحمكنا يا خلايــــــــــق *** من سمـــــوم الاعلانات
قدروا زوق المشاهـــــــد *** إيلى بينكم زوقــــــــه مات
ولا يستأصل مـــــــرارة *** سببت له كتير أهـــــــــات

ههههههههههههههههههههههههههههههه
ههههههههههههههههههههههههه
هههههههههههههههههههههه
هههههههههههههه

هخلص ضحك وارجعلك

ولدي العزيز رضا توفيق نص ساخر جدا معبر جدا استمتعت به من اول حرف لآخر حرف
بارك الله فيك يا ولدي

أخى الحبيب الشاعر/ طاهر الصوفاتى
انت لسه كل الوقت ده بتضحك
تحياتى

أخى الحبيب الشاعر/ طاهر الصوفاتى
انت لسه كل الوقت ده بتضحك
تحياتى

دى دعايه مجانيه يا عم رضا و للا ايه؟
ههههه
والله فعلا يا اخى اواحد مرارته اتفقعت
انا اللى فارسنى
انى مش لاقى علاقه بين مادة الاعلان
و مياصة المؤديات
لدلك
قلتلهم
قلبى اتهرى حزنا على اخواتى اهل الاعلانات
من قلة المال يا وله لابسين يا عينى حمالات
دلى على بتوع العصير
دلى على شعورهم حرير
قوم اشترى بكرات كتير
فورا باقوم انا من سكات

الاخ الزجال الجميل

رضا توفيق

زجليه هادفه ناقده لاذعه لاسعه .

لكن مين بيحس ؟؟؟؟؟ هيه دى المشكله ..

انت عارف لو قلت لك انا كرهت التليفزيون حا تصدقنى ؟؟

كرهونا فى كل حاجه . حتى وسيلة التفريج عن النفس قرفونا

منها . اتفرج على الاجنبى وانت تستريح ..

احييك على حرفك الجميل واعمالك النقديه الجميله .

مودتى وتحيتى ...

الأب الكبير/ مأمون كامل
شكرا لكلماتك الجميله
والله أنا سعيد جدا بمرورك على أعمالى
لك منى كل الحب والتقدير ربنا يطول لنا فى عمرك

الأخ الشاعر / رأفت المصرى شكرا لمرورك ولكلماتك الجميله
بالنسبه لمياسة المؤديات دية اسمها انفلونزا المياسه ودى منتشره جدا فى المجتمع المصرى

الشاعر الكبير / عادل سند
شكرا لمرورك ولتعليقك وانا اعمل بنصيحتك واتفرج على الاجنبى احسن

شاعرنا الجميل /رضا توفيق
والله يأخى جيت على الوجيعة اللى جوة البيت ،مش كفاية اللى برة
لازم يحرقوا دمنا ويعلو ضغطنا ، نفسى فى قناة بدون اعلانات ،مفيش غير كارتون الاطفال ،يمكن عايزين يرجعونا عيال من تانى ، نسمع الكلام ،وننام بدرى .
ههههههههههههه
شكرا" لابداعك

الأخ الفاضل / حمدى البابلى
انا سامع انهم بيفكروا يعملوا اعلانات كرتونيه فى قنوات الاطفال
يعنى الاعلانات ورانا ورنا
احنا نحاول نشرب كركديه علشان نضبط الطغط
سعيد جدا بمرورك

» "اخواتى اهل الاعلانات"
» الذات المصرية
» انا احب البنت المصرية والعربية
» الفضائية المصرية
» الشرطة المصرية