ولا تموتى ( الفائزة بجائزة فبراير 2011 )

وعيزانى أقول يا آمه

كما قبلى كتير ساءوا لكلمة يامه قالوها لك

وأنده من ورا قلبى وأقول يا حبيتى يا بلدى

وأحبك ليه

حبيبتى .. يعنى ساندانى

ولو ف الشدة سترانى

وأنا دمى اللى رخصته كتير علشان م يحميكى

رخص بيكى

صبح يتباع هنا وهناك كده ف النور وف الضلمه

عشان لقمه

وعيزانى أقول يامه

دروب الرزق مفتوحة وبحبوحة على الواسع

ورب الرزق

ما فرق ما بين عاصى وبين طايع

وقال اسعى

وأنا اللى سعيت

لغاية السعى ما استكفى

بقيت ماشى ف وسط الناس لا أنا شايف وباتكفى

بإيد ممدودة بشهادة عليها الختم والجودة

وإيد تانيه

بتتشمر وبتدور على رغيفها

ألاقيكى تحطى شروط

لا عاجبك ربنا يرحم

ولا عارفه طريق رحمه

وعيزانى أقول يامه

وأمى اللى بتتعبلى وتشقى كتير عشان أرتاح

ولو نبعد ، تعيش شوقنا

ولو ننزل ف بحر الكون تكون مجدافنا وشراعنا

وتحكم

فى ميزان قوتنا

بإيدها اللى ما تعرف ميل

ولا تخلى كبير فينا ولا صغير

يقول إزاى ولا اشمعنا

وأنا اللى عشت أحب الناس

كما كنتى توصينى

وقلت ألم وأجمع

ألاقيكى تقولى إرجع

بقيتى تخافى م اللمة

وعيزانى أقول يامه

نسيتى يوم ما قولتيلى ولا تخللى خضار عطشان

عشان خاطرك

رويت وردك وعليقك

لا قلت الورد كان أولى

ولا العليق مالوش لازمه

وآخرتها

بتسقينى جحود قلبك

دا أنا إبنك

أنا الشقيان

وعايش عمرى بأتمنى وبأستنى الفرج بكره

لا طول صبرى

ولا الحرمان بيشفعلى

ولا بكره سامعله آدان

يزيل الهم والغمه

وعيزانى أقول يامه

نسيتى إن أنتى قولتى زمان

ولا بيخاف من الكيال غير اللى كيله كان ناقص

أشوفك فى العيون ناقصه

يعز عليا نقصانك

وبتخافى لأيد على إيد تزود حرقة القرصة

دى قرصة جوع

بتقرص حتى فى الممنوع

تخلى العقل

ينسى الكل وكليله

ح يعمل إيه .. معاكى احتاس

لا عارف صبحه من ليله ولا شايفله فيكى خلاص

خلاص البطن بين قلبى وبين قلبك صبح مقطوع

وأنا اللى عشت ع الإخلاص

كما إنتى فطمتينى

وإنتى اللى نسيتينى

ماعاد همك غير إن عمرى ليكى يطول

وأفضل لابس العمة

وعيزانى أقول يامه

وحلةة انتى

وعشاقك كتير يتعدوا بالملايين

وانا عاشق

ترابك سر تكوينى

وزرعلك بهجة ف عيونى

ونيلك زاد شرايينى

وأنا عاشق

لبسمة نسمة صباحى بتحييكى وتحيينى

وهمسة ناعسة نعسانة تصحيينى

عيونها تقوللى يا راجلى

تعالى ارتاح فى بستانى

وشمسك هيَّ ضلتنا

وليلك نجمه سكتنا

بيهديها ويهدينى

وأنا عاشق

لكن يا عشق مش ناسى

ومين يقدر ينسينى هوان هجرك ونكرانك

وكنّة ايدى بالحسرة

وأنا اللى اديتك امبارح

وعايش يومى على شانك

وشايل لك أمل بكرة

وتدينى ما تدينى

ما بهتمش

وأنا اللى صبرت على جرحك ولميته

وجرحى لسه ما اتلمش

وطول عمرك كلامك فى رقبتى دين

وأنا سداد

تقوليلى تلف سنين ولا تخطى

أقول آمين

تقوللى خلى جوز أمك مكان عمك

أقول آمين

تقوللى طيع كبيرك يا بنى عميانى

أقول آمين

وأخرتها

وبعد العشق دا كله

فتحتى لغيرى أحضانك ، ويتمتينى ليه يامـه

نسيتى يوم ما كنا زمان أنا وانتى

بندفن سرنا وف بير

وكان كل اللى يتحداق ويتشادق

نسيبوه يقول

ونتغابى

ونقول فول

وكان بيصدق الغلبان

لكنه كان فى لحظة يلاقى مفسه مفيش

كأنه ما كان

نسيتى يوم ما قولتلى

أقوم وأرفع جيبنى لفوق لفوق

وصدقتك

وقلت خلاص ح ينسانى الضياع والظلم

وقوللتى يا مين ح يلحقنى ف سكة عيونى شيفاها وكانت حلم

أفوق

ألقى المصيبة فوق

وألاقى تحت متغيب

وحتى ف يوم ما كنتى زمان ما بين الأمهات الأم

وكل الناس تقول عنك

دا انتى اللى ومالك زى

وكان نفسى أصدقهم وتحمينى

ألاقينى

فى ليلة ويوم لا أنا اللى مات ولا اللى حـى

وألاقيكى

فتحتى ودانك الطاهرة

لمين قالوا

ومين زادوا

ومين صنف ف أولادك

ما بين آمنوا وبين حادوا

نستى طيب العشرة

وتاهت ريحة امبارح

وضاع من سكتى بكرة

وتاه الحلم ف الزحمة

وعيزانى أقول يا مـه

وعيزانى

وعيزانى

وعيزانى

ولا مرة سألتى إنت عايز أيه

تعالى نحط ما بينا حكم يعرف كتاب ربك

وهو يقولى ويقولك

تعالى نحط ما بينا حكم ولو كافر

ومش معقول على كفره كده بالظلم ح يجاهر

أنا عايز

وتفرق إيه ما بين عوزى وبين عوزك

أنا إنتى

أنا منك

وكل اللى أنا عايزه

أعيش وياكى يوم فى أمان

لغاية ما يحين موتى

ولاتموتى

ويبقى السطر ما بينا كتاب مفتوح

وأنا وإنتى

لا نرضى بظلم ولا عتمة

وساعتها

ح أقول يامه

مش عارف ممكن هنا اقول ايه
واعلق بايه وازاي
خليني اقول
انا لله وانا اليه راجعون
واللي خلف مماتش
واللي كتب مماماتش
واللي ابدع ساب ثروه تحييه الدهر كله
وبس

طاهر الصوفاني كتب:: مش عارف ممكن هنا اقول ايه
واعلق بايه وازاي
خليني اقول
انا لله وانا اليه راجعون
واللي خلف مماتش
واللي كتب مماماتش
واللي ابدع ساب ثروه تحييه الدهر كله
وبس

ولدي الحبيب طاهر الصوفانى تعجبنى كتاباتك
ولان المبدع لا يموت فاعلم بأنك ستعيش طويلا جدا لانك مبدع حقا
اتمنى التواصل واتمنى انى اعرف رأيك في كل قصايدي اللي هتنزل ف المنتدى
لا تبخل عليَّ بالفاتحة والدعاء

نحن نعرف من فتره ان الشاعر الكبير

مأمون كامل توفاه الله . وقد نشرنا نعى بذلك .

والآن نجد من يصمم على انه مأمون كامل .

وازعم انك احد ابنائه او اشقائه ..

وهذه لفته جميله لشاعر بالفعل لن يموت مادامت

اشعاره بيننا . فقد حزنت الشرقيه بكاملها لوفاة هذا العملاق .

شرفنا بك . اى ما تكون ولكن يكفى انك من رائحة هذا الشاعر

مودتى وخالص تقديرى ...

عادل عوض سند كتب:: نحن نعرف من فتره ان الشاعر الكبير

مأمون كامل توفاه الله . وقد نشرنا نعى بذلك .

والآن نجد من يصمم على انه مأمون كامل .

وازعم انك احد ابنائه او اشقائه ..

وهذه لفته جميله لشاعر بالفعل لن يموت مادامت

اشعاره بيننا . فقد حزنت الشرقيه بكاملها لوفاة هذا العملاق .

شرفنا بك . اى ما تكون ولكن يكفى انك من رائحة هذا الشاعر

مودتى وخالص تقديرى ...

يذهب الشاعر وتبقى كلمته

بغض النظر عمن أكون

اتمنى النظر للنص كنص شعري

وأشكرك أخى الكريم على مرورك الطيب الذي ارجو ان يدوم

جميل ورائع هذا الابداع الراقى
سعدت بمرورى من هنا لأستمتع بما
كتبه الشاعر القدير/مأمون كامل رحمه الله
وسعيد أيضا بمن نقله أيا كان وأهلا بتلك
الاعمال الجميلة والرائعة نص رائع وممتع
تحياتى وخالص مودتى

مشكور على القصيدة

الله الله على الابداع
اللى فعلا لازم يعلم فينا ونتعلم منه
تحيتى لجمال القلم المبدع
والقلم الناقل لهذا الصرح الادبى
شكرا لهذه الروعه والابداع
دمت بحب وخير

ملحوظه
تثبت بواسطتى
لروعة المضمون والشعر والشاعر

هذا نص مذهل

رحم الله الشاعر الكبير مأمون كامل

والحمد لله ان هناك من ينشر علينا هذا العبير الرائع من شعره وابداعه وروعتة

نص رائع ماتع ..مهما قلنا فيه لن نوفيه حقه
اللهم أجزه عنا خير الجزاء

دمت ايها الناشر بكل خير

وعيزانى أقول يا آمه

كما قبل كتير ساءوا لكلمة يامه قالوها لك

وأنده من ورا قلبى وأقول يا حبيتى يا بلدى

وأحبك ليه

حبيبتى .. يعنى ساندانى

ولو ف الشدة سترانى

وأنا دمى اللى رخصته كتير علشان م يحميكى

رخص بيكى

صبح يتباع هنا وهناك كده ف النور وف الضلمه

عشان لقمه

وعيزانى أقول يامه

دروب الرزق مفتوحة وبحبوحة على الواسع

ورب الرزق

ما فرق ما بين عاصى وبين طايع

وقال اسعى

وأنا اللى سعيت

لغاية السعى ما استكفى

بقيت ماشى ف وسط الناس لا أنا شايف وباتكفى

بإيد ممدودة بشهادة عليها الختم والجودة

وإيد تانيه

بتتشمر وبتدور على رغيفها

ألاقيكى تحطى شروط

لا عاجبك ربنا يرحم

ولا عارفه طريق رحمه

وعيزانى أقول يامه

وأمى اللى بتتعبلى وتشقى كتير عشان أرتاح

ولو نبعد ، تعيش شوقنا

ولو ننزل ف بحر الكون تكون مجدافنا وشراعنا

وتحكم

فى ميزان قوتنا

بإيدها اللى ما تعرف ميل

ولا تخلى كبير فينا ولا صغير

يقول إزاى ولا اشمعنا

وأنا اللى عشت أحب الناس

كما كنتى توصينى

وقلت ألم وأجمع

ألاقيكى تقولى إرجع

بقيتى تخافى م اللمة

وعيزانى أقول يامه

نسيتى يوم ما قولتيلى ولا تخللى خضار عطشان

عشان خاطرك

رويت وردك وعليقك

لا قلت الورد كان أولى

ولا العليق مالوش لازمه

وآخرتها

بتسقينى جحود قلبك

دا أنا إبنك

أنا الشقيان

وعايش عمرى بأتمنى وبأستنى الفرج بكره

لا طول صبرى

ولا الحرمان بيشفعلى

ولا بكره سامعله آدان

يزيل الهم والغمه

وعيزانى أقول يامه

نسيتى إن أنتى قولتى زمان

ولا بيخاف من الكيال غير اللى كيله كان ناقص

أشوفك فى العيون ناقصه

يعز عليا نقصانك

وبتخافى لأيد على إيد تزود حرقة القرصة

دى قرصة جوع

بتقرص حتى فى الممنوع

تخلى العقل

ينسى الكل وكليله

ح يعمل إيه .. معاكى احتاس

لا عارف صبحه من ليله ولا شايفله فيكى خلاص

خلاص البطن بين قلبى وبين قلبك صبح مقطوع

وأنا اللى عشت ع الإخلاص

كما إنتى فطمتينى

وإنتى اللى نسيتينى

ماعاد همك غير إن عمرى ليكى يطول

وأفضل لابس العمة

وعيزانى أقول يامه

وحلةة انتى

وعشاقك كتير يتعدوا بالملايين

وانا عاشق

ترابك سر تكوينى

وزرعلك بهجة ف عيونى

ونيلك زاد شرايينى

وأنا عاشق

لبسمة نسمة صباحى بتحييكى وتحيينى

وهمسة ناعسة نعسانة تصحيينى

عيونها تقوللى يا راجلى

تعالى ارتاح فى بستانى

وشمسك هيَّ ضلتنا

وليلك نجمه سكتنا

بيهديها ويهدينى

وأنا عاشق

لكن يا عشق مش ناسى

ومين يقدر ينسينى هوان هجرك ونكرانك

وكنّة ايدى بالحسرة

وأنا اللى اديتك امبارح

وعايش يومى على شانك

وشايل لك أمل بكرة

وتدينى ما تدينى

ما بهتمش

وأنا اللى صبرت على جرحك ولميته

وجرحى لسه ما اتلمش

وطول عمرك كلامك فى رقبتى دين

وأنا سداد

تقوليلى تلف سنين ولا تخطى

أقول آمين

تقوللى خلى جوز أمك مكان عمك

أقول آمين

تقوللى طيع كبيرك يا بنى عميانى

أقول آمين

وأخرتها

وبعد العشق دا كله

فتحتى لغيرى أحضانك ، ويتمتينى ليه يامـه

نسيتى يوم ما كنا زمان أنا وانتى

بندفن سرنا وف بير

وكان كل اللى يتحداق ويتشادق

نسيبوه يقول

ونتغابى

ونقول فول

وكان بيصدق الغلبان

لكنه كان فى لحظة يلاقى مفسه مفيش

كأنه ما كان

نسيتى يوم ما قولتلى

أقوم وأرفع جيبنى لفوق لفوق

وصدقتك

وقلت خلاص ح ينسانى الضياع والظلم

وقوللتى يا مين ح يلحقنى ف سكة عيونى شيفاها وكانت حلم

أفوق

ألقى المصيبة فوق

وألاقى تحت متغيب

وحتى ف يوم ما كنتى زمان ما بين الأمهات الأم

وكل الناس تقول عنك

دا انتى اللى ومالك زى

وكان نفسى أصدقهم وتحمينى

ألاقينى

فى ليلة ويوم لا أنا اللى مات ولا اللى حـى

وألاقيكى

فتحتى ودانك الطاهرة

لمين قالوا

ومين زادوا

ومين صنف ف أولادك

ما بين آمنوا وبين حادوا

نستى طيب العشرة

وتاهت ريحة امبارح

وضاع من سكتى بكرة

وتاه الحلم ف الزحمة

وعيزانى أقول يا مـه

وعيزانى

وعيزانى

وعيزانى

ولا مرة سألتى إنت عايز أيه

تعالى نحط ما بينا حكم يعرف كتاب ربك

وهو يقولى ويقولك

تعالى نحط ما بينا حكم ولو كافر

ومش معقول على كفره كده بالظلم ح يجاهر

أنا عايز

وتفرق إيه ما بين عوزى وبين عوزك

أنا إنتى

أنا منك

وكل اللى أنا عايزه

أعيش وياكى يوم فى أمان

لغاية ما يحين موتى

ولاتموتى

ويبقى السطر ما بينا كتاب مفتوح

وأنا وإنتى

لا نرضى بظلم ولا عتمة

وساعتها

ح أقول يامه

الشاعر الكبير والاب الغالى / مأمون كامل
من شدة جمال القصيدة أنا مش عارف أقول ايه
أنا لو قلت لك كلمه أقول يامه
دا عملوا الشعر علشانك واقول يامه
وروحك نسمه بتهفهف وهيمانه
تقديرى لعملك الرائع ولشخصك الكريم

حقيقة ..

كل ما فى هذه الصفحة عظيم ورائع

الشاعر والشعر والناقل

رقى أدب

وعظيم إخلاص

وحياة برغم الموت

تعلمت هنا دروسا كثيرة

رحم الله شاعرنا وأبقى أثره

لنتعلم ونرقى

لا تنسوه بالدعاء

والله مش عارف ارد بايه

قولت كل الكلام اللى يتقال

واللى مش يتقال

لا تعليق يليق بهذا الابداع

الشاعر عماد عويس كتب:: جميل ورائع هذا الابداع الراقى
سعدت بمرورى من هنا لأستمتع بما
كتبه الشاعر القدير/مأمون كامل رحمه الله
وسعيد أيضا بمن نقله أيا كان وأهلا بتلك
الاعمال الجميلة والرائعة نص رائع وممتع
تحياتى وخالص مودتى

الشاعر عماد عويس أشكرك يا ولدي لمرورك الرقيق
وإن كنت في حاجه لقراءتكم لأعمالي لتثبيت اسمى في الدنيا
فأنا أشد احتياجا إلى دعائكم والفاتحة لتثبيت مكانتى بالجنة إن شاء الله
دمت بخير يا عزيزي

زهرة برية كتب:: مشكور على القصيدة

ابنتى الشاعرة الكبيرة الصغيرة / زهرة برية
شكرا على مرورك الطيب الذي ارجو ان يدوم
على أمل ان اسمع رأيك في النص

الشاعرة عزة الزرقانى كتب:: الله الله على الابداع
اللى فعلا لازم يعلم فينا ونتعلم منه
تحيتى لجمال القلم المبدع
والقلم الناقل لهذا الصرح الادبى
شكرا لهذه الروعه والابداع
دمت بحب وخير

الشاعرة الرقيقة الصافية كماء النهر / عزة الزرقانى

أشكرك مرتين شكر خاص على مرورك على قصيدتى وشكر آخر لتثبيتها
دمتى بكل الخير يا ابنتى

محمود جمعة كتب:: هذا نص مذهل

رحم الله الشاعر الكبير مأمون كامل

والحمد لله ان هناك من ينشر علينا هذا العبير الرائع من شعره وابداعه وروعتة

نص رائع ماتع ..مهما قلنا فيه لن نوفيه حقه
اللهم أجزه عنا خير الجزاء

دمت ايها الناشر بكل خير

ولدي الغائب الحاضر محمود جمعة كم منيت وجودك في ندوة المنتدى الشهرية
لكن ربنا يردك بالسلامه يا بنى
اشكرك على المرور الذي ارجو ان يدوم

رضا توفيق كتب:: الشاعر الكبير والاب الغالى / مأمون كامل
من شدة جمال القصيدة أنا مش عارف أقول ايه
أنا لو قلت لك كلمه أقول يامه
دا عملوا الشعر علشانك واقول يامه
وروحك نسمه بتهفهف وهيمانه
تقديرى لعملك الرائع ولشخصك الكريم

ولدي الشاعر القوي جدا رضا توفيق
اشكرك لتلك الكلمات التى يعجز قلمى عن الرد عليها
دمت بخير يا بنى
واتمنى ان اقرأ لك الكثير والكثير

فؤاد66 كتب:: حقيقة ..

كل ما فى هذه الصفحة عظيم ورائع

الشاعر والشعر والناقل

رقى أدب

وعظيم إخلاص

وحياة برغم الموت

تعلمت هنا دروسا كثيرة

رحم الله شاعرنا وأبقى أثره

لنتعلم ونرقى

لا تنسوه بالدعاء

مرورك هذا وسام على صدري يا بنى
الشاعر فؤاد
دمت شاعرا قويا قادما بقوة
ربنا معاك يا ابنى يوفقك ترضي ربك ومتخليش قلمك يخسرك ثواب ربك
شكر أول على مرورك وشكر آخر على دعائك
رحمة الله علينا جميعا أحياءا وأموات

حماده ابوطالب كتب:: والله مش عارف ارد بايه

قولت كل الكلام اللى يتقال

واللى مش يتقال

لا تعليق يليق بهذا الابداع

ما يليق بهذا الإبداع يا بنى هو تشريفك لصفحتى بالمرور والتعليق
دمت بخير يا بنى
تذكرنى بالدعاء والفاتحة

قصيده اكثر من رائعه

استمتعت بمرورى عليها

معانى جميله استنشقت عبيرها الخلاب

رحم الله الشاعر الكبير مأمون كامل

وكل الشكر لمن قام بنقل ابداعات الشاعر الكبير

الذى سيظل باعماله بيننا

تقبل مرورى وتقديرى

مأمون كامل "هعيش بيكو" كتب:

عادل عوض سند كتب:: نحن نعرف من فتره ان الشاعر الكبير

مأمون كامل توفاه الله . وقد نشرنا نعى بذلك .

والآن نجد من يصمم على انه مأمون كامل .

وازعم انك احد ابنائه او اشقائه ..

وهذه لفته جميله لشاعر بالفعل لن يموت مادامت

اشعاره بيننا . فقد حزنت الشرقيه بكاملها لوفاة هذا العملاق .

شرفنا بك . اى ما تكون ولكن يكفى انك من رائحة هذا الشاعر

مودتى وخالص تقديرى ...

يذهب الشاعر وتبقى كلمته

بغض النظر عمن أكون

اتمنى النظر للنص كنص شعري

وأشكرك أخى الكريم على مرورك الطيب الذي ارجو ان يدوم

هذا النص لايكتبه إلا شاعر كبير

يتكيء على مخزون ثقافى هائل والفيض الشعرى عنده لاينضب

قصيده تمتاز بالنفس الطويل والذىة يمتلكه المتمكنون فقط .

حيث الحرص على عدم هروب التفعيله وعلى عدم تفكك الفكره

والمحافظه على ترتيب السرد .

ورغم الموضوع قد كتب فيه معظم الشعراء وهو العتاب المصاحب

بالود والمحبه للام التى تناست ابنائها الام الكبيره .

إلا اننى اقرأه اليوم لثانى مره وكأننى أقرأ الجديد حيث المهاره فى التناول

والابداع فى تركيبة الصوره الواضحه على النص .

اكرر . سوف تبقى بيننا ما حيينا وسوف يعيش حرفك مادامت الارض تدور .

خالص مودتى وتحيتى ...

هذا النص لايكتبه إلا شاعر كبير

يتكيء على مخزون ثقافى هائل والفيض الشعرى عنده لاينضب

قصيده تمتاز بالنفس الطويل والذىة يمتلكه المتمكنون فقط .

حيث الحرص على عدم هروب التفعيله وعلى عدم تفكك الفكره

والمحافظه على ترتيب السرد .

ورغم الموضوع قد كتب فيه معظم الشعراء وهو العتاب المصاحب

بالود والمحبه للام التى تناست ابنائها الام الكبيره .

إلا اننى اقرأه اليوم لثانى مره وكأننى أقرأ الجديد حيث المهاره فى التناول

والابداع فى تركيبة الصوره الواضحه على النص .

اكرر . سوف تبقى بيننا ما حيينا وسوف يعيش حرفك مادامت الارض تدور .

خالص مودتى وتحيتى ...

[/quote]

ولدي العزيز عادل عوض سند أدام الله بقاءك شاعرا مجيدا
ودام لي مرورك
ما توقعت يوما ان يأتى بعدي من يحمل كلماتى الى شعراء رائعين امثالكم
سعدت بتواجدي معكم
لا تنسانى بالفاتحة والدعاء

جدو مأمون وحشتنى قوي قوي قوي عندي أخبار حلوه كان نفسي تسمعها كنت هتفرح بيها قوي قوي
ومرسي ليك كتير يا جدو انك نزلت القصيده دي ععشان حضرتك عارف انا بحبها قد ايه
الله عليك يا شاعر يا كبير
وقلتيلي ولا تخلي خضار عطشان
عشان خاطرك رويت وردك وعليقك
لاقلت الورد كان أولى ولا العليق مالوش لازمه

الله الله الله يا جدو
الله يرحمك ويسكنك فسيح جناته

قصيدة رائعة استمتعت بها وأسعدتنى ولم استطع ايقاف نفسي عن البكاء
وعايزانى اقول ياما
كما قبلي كتير ساءو لكمة يامه قالوهالك
وانده من ورا قلبي
واقول يا حبيبتى يا بلدي واحبك ليه
حبيبتى يعنى ساندانى
ولو ف الشده ساترانى
وانا دمى اللي رخصته كتير علشان ما يحميكي
رخص بيكي
صبح يتباع هنا وهناك كده ف النور وف الضلمه
عشان لقمه
وعايزانى اقول يامه

» وصيـَّـتي ( الفائزة بجائزة فبراير 2011 )
» رسالة إلى أمى ( الفائزة بجائزة فبراير 2011 )
» تغار الشفاه...ما أبخلك ( الفائزة بجائزة فبراير 2011 )
» عيدك أنا ( الفائزة بجائزة فبراير 2012 )
» حب الوطن ( الفائزة بجائزة فبراير 2012 )