إفهم بقى

الشاعر الكبير / فؤاد إبراهيم
بصراحة ...
مش لاقى كلام أقوله بعد هذا الجمال وبعد هذه الروعة
لا فض فوك يا أخى
دمت مبدعا

ولدي العزيز فؤاد كان نفسي اكون وياكو ف الدنيا عشان احييك بنفسي
بس عملت اسقاط هايل في:
كان هابيل عابد لربه

واخوه قتل

لما نوح ركب السفينه

وإبنه قال حسبى الجبل

وابراهيم بيحطم الأصنام بإيده

كان أبوه بإْديه بينحت مِيت هُبَلْ

موسى فى الوادى المقدس

خالع النعلين خشوع

وصحابه ساجدين للدجل

واما عيسى قال محمد

كان طبيعى ..

بجد رائع يا ابنى


بارك الله فيك

فؤاد66 كتب:

إفهم بقى .. !

إنى برىء

وان الحكايه مِ البدايه

كلها متلفقه

إفهم بقى

صدقنى انا عندى الشجاعه إنى اقوللك

إنه انا

وان كان ده حق

انا كنت ححرق ميت كنيسه

وألف معبد ..

واعترف إنه أنا

لو كنت انا

لكن أنا ..

مؤمن بإن العنف باطل

وان قتل الأبرياء بالظلم باطل

واختلافنا فى العقيده شىء طبيعى

مِ الأزل

كان هابيل عابد لربه

واخوه قتل

لما نوح ركب السفينه

وإبنه قال حسبى الجبل

وابراهيم بيحطم الأصنام بإيده

كان أبوه بإْديه بينحت مِيت هُبَلْ

موسى فى الوادى المقدس

خالع النعلين خشوع

وصحابه ساجدين للدجل

واما عيسى قال محمد

كان طبيعى ..

ناس تصدق .. ناس تكدِّب ..

ناس تآمن ..

ناس تقول ده كلام خبل

وانا وانت ممكن عادى جدا

نختلف فى المِلَّه

لكن مش طبيعى يكون خلافنا فى الوطن

الدين لرب الدين

وأرض الله لكل الناس سكن

سامعك بتهتف فى المظاهره

القبطى دمه مش رخيص

ولقيتنى بهتف جنب منك

أيوه دمى ماهوش رخيص

مانا أصلى قبطى للنخاع

والقبطى يعنى المصرى

لكن للأسف ..

ويا السنين المعنى ضاع

مفضلش منه غير فصول المهزله

والمسأله ..

مبقتش دين ولا ناس بتعبد ربها

دى سياسه والساسه بتعلن حربها

واحنا السلاح ..

واحنا الجنود ..

واحنا الضحايا ومش كفايه

لأ ... وحنشيل ذنبها

مستنى إيه ...

علشان تحط إْديك فى إيدى ..؟!

دى الحيطان اللى مابين بيتك وبيتى

زى ما سنَدِت وليدك

سنِّدت خطوة وليدى

ضفرت إسمك بإسمى

سجلت عيدك وعيدى

وْعمرها ما حاشتنى عنك وقت شده

وْعمرها ما اتعلمت

إزاى تمارس لعبة التصنيف

طول عمرنا عايشين محبه

وعمرنا ما مسكنا سيف

أنا قبلتى الكعبه الشريفه

وقبلتك أقصى شريف

والأقصى ده كان قِبلتى وقبلة جدودى

وعمره ما استنكر وجودى

فَ ليه بتوصفنى عدو

ترفضنى ليه ولا ارفضك

وعدونا واقف بيرصدنى بعين

والتانيه واقفه بترصدك

يغرس بذور حيَلُه الرُّخاص

تطرح سنابل من رصاص

يسحر خيالك يوهمك

إنه الخلاص

تهتف له ويلبى الندا

بس الحكايه مش كده

واللعبه أكبر من كده

ورصاصُه قبل ما يحصد الدقات فى قلبى

حيحصُدك

وساعتها لو عاوزين نعيش

ونفك حبل المشنقه

إنت تقدس فى العريش

وانا كعبتى فى الغردقه

نركع زنا ..

نفطر حشيش

نرضى بْحصار الشرنقه

وان ثرنا مره وقلنا لأ

حيعيد زمان المحرقه

إفهم بقى .. !

دمت نبض الشعب والوحده

الرائع الشاعر الاستاذ فؤاد ابراهيم

هذا أعقل وأعمق وامتع ما قرات منذ أحداث القديسين

أحييك على فكرة ومضمون وطريقة تناولك لموضوع قصيدتك الجميلة


بس الحكايه مش كده

واللعبه أكبر من كده

ورصاصُه قبل ما يحصد الدقات فى قلبى

حيحصُدك

وساعتها لو عاوزين نعيش

ونفك حبل المشنقه

إنت تقدس فى العريش

وانا كعبتى فى الغردقه

نركع زنا ..

نفطر حشيش

نرضى بْحصار الشرنقه

وان ثرنا مره وقلنا لأ

حيعيد زمان المحرقه

إفهم بقى .. !


هذا العمق في فهم الحكاية / اللعبة أثار أعجابي الشديد بفهمك الراقي الواعي

أحييك وأشد على يديك

انت مبهر ورائع ومدهش

خالص التحية والتقدير

الله الله الله

دا احلى رد شوفته من اول الحادثة دى

دمت بخير

الشاعر الصديق :فؤاد ابراهيم
دراية بالتاريخ وتلخيص للأحداث وتصوير جميل وإحساس رائع
تحياتى وتقديرى وخالص حبى ودوام الإبداع

الشاعر المبدع ..فؤاد .....إفهم بقى .....إنه أمر جميل وموجع
أمر بالحب لك وأمربالإعجاب بك وأمربالوجع مما نحن فيه
تقبل تحياتى وسعادتى بعملك الرائع ........ طلعت سالم

شاعرنا المتألق وأخونا الفاضل فؤاد إبراهيم

الله الله الله بجد

قصيدة رائعة ونهاية أروع

وكلام كتير جداً يتقال فيها مالوش نهاية

قصيدة نحتاج أن نقرأها كثيراً

لأننا نقرأ فيه حالنا جميعاً

وما نراه من وجع وألم

ضفرته فى حروف إبداعك

لتروى حزننا على هذه الإحداث المؤسفه

لكن مين يفهم

ولذلك أحير فيك العنوان

إفهم بقه

تحياتى لروعة إبداعك الذى أسعدنى

الشاعر الرائع فؤاد الله عليك ابداع ولا اروع واحساس عالى بالمسئولية تجاه الوطن تقبل مرورى

الشاعرة عزة الزرقانى كتب:

الله عليك شاعرنا المتفرد بالجمال
فؤاد ابراهيم
تثبت رائعتك اولا ثم اعود لجمال حرفك البناء
دمت بحب

اللع عليكى إنتى استاذه عزه

دايما سباقه للمتابعه والتشجيع

ودايما مرورك من ارق المرورات بصفحاتى

أشكرك كثيرا شاعرتنا الجميله

وأراك دوما بكل الحب

المبدع / فؤاد ابراهيم
تحياتي لك اولا
وثانيا اصفق لك تقديرا لروعة وجمال قصيدتك
التي كتبت بوعي شديد وابداع متميز
دمت بود