فين لمة زمان

كبرنا يا دنيا ومعانا
بيكبر همنا ويعلى
وكل ما نجري دنيانا
بتاخد حلونا وتغلا
زمان الحاله دنكانه
لاكن الفقر كان نعمه
وبرضو الخير ما كان ياما
وعيشنا ببركة اللمه
،
فين لمة زمان
والناس الطيبين
والحب اللي كان
اتغيرت السنين
،
في ليالي الشتى
وف عز المطر
بنتجمع سوى
وبيحلو السهر
على درابيزة ياسمينا
يا ما لعبنا الكوتشينه
وأخدنا كتير وادينا
ف غناوي وسمر
،
وف برحاية بتنا
ياما لعبنا الكوره
أنا وولاد حتتنا
ضد بنات قدوره
كتاكيت أخر حلاوه
يخربيت الشقاوه
ف عيون بنت الجيران
الطعمه الأموره

قد يتحسر الانسان منا عندما يتذكر طفولته وايام صباه

الشاعر الجميل

رضا عثمان

ايام جميله وذكريات محفوره لاتنطمس ابداّ .

نشكرك على كلماتك الجميله وموضوعك الجميل .

مودتى وتحيتى ..