السكة فاضية

السكة فاضية
والطريق بيئن من صمت الشوارع
واللى راجع من بلاد الحب سامع
صوت نحيبى
ذكريات العمر بتحدد مغيبى
مشهد الحب اللى مات مقتول بيوجع
مش هيرجع
فارس الاحلام يدافع عن حبيبه
انتظار الموت فى لحظة حب
هيخليه جبان
مهما كان عنتر قوى بيموت قتيل
فى النهاية
عبلة مش شايلة الجميل
ميت دليل
ميت دليل انك خسرت المعركة
وخسرت وياها الرهان
واللى كان حلمك زمان اصبح سراب
كله غاب
كله فى اللحظة دى
ليه بنتحدى التراب
اختلاف الحلم مش معناه نجاح
واللى راح م العمر مش ممكن يعود
والوعود مبئتش تخدع
واللى مش ممكن هيرجع
هوا حلمى وسط احلام الخلايق
حلم تايه
بين ظلام اليأس والجرح المميت
مش هينفع لانتظار
والقرار مبئاش فى ايدك
القرار بقى غصب عنى
تغرسى السكين فى قلبى
وتأمرينى انى اغنى
طب هغنى ازاى وصوتى
ضيعه كتر الصياح
واللى فاضل تمتمات
صوتى راح
مش هيطلع
زى صبح امبارح المصلوب فى ليلك
فين دليلك بامتلاكى
مين مشرعلك هلاكى
فين ملاكى ...؟؟؟
كلمينى .. فهمينى .. واقنعينى
زى عادتك
انى مش عايز سعادتك
وانى ظالمك وانى ضدك
وانى بتعمد أصدك
لأ بحبك
بس لازم تسمعينى تفهمينى تلحقينى
قبل متسافر
بحبك

الله عليك يا استاذ ابراهيم
رائع
صوررائعة وتجربة شعرية اروع
تقبل مرورى

انتظار الموت فى لحظة حب
هيخليه جبان

بروف كبير والله