العيب مهوش فى الامريكى"رد على الاستاذه عزه"

العيب مهوش فى الامريكى
ولا فى اليهودى الاصوليكى

العيب مهوش فيهم هوما
العيب فى ناس ملهاش همه
زى البرابر بتكاكى
فى الهايفه دايما و تحاكى
تقاليع مهش نبض اصولهم
و لا ليها اصل ف مشاويرهم

العيب فى ناس غاويه الكوره
و الشغل واخده لضروره
على بعض حاميه و نحروره
مع غيرها كتكوت له ازمه

العيب فينا احنا ف عمايلنا
فى غياب قلوبنا و ضمايرنا
فى صراع على الدنيا واكلنا
فى صوره مش هى الصوره

العيب فى امه كانت عزه
صبحت هالوك عايشه اللذه
اشهر كلامها صبح"مزه"
و كلام غناها صبح رمه

الشاعرة عزة الزرقانى كتب:

الشاعر الرائع رأفت المصرى
كم كان ردك جميلا
وقصيدتك اروع واروع
وبالتأكيد لازم نفوق نفسنا الاول
بس دا لايمنع اننا بجد مش ينفع نحبهم بأى شكل من الاشكال
تحيتى لجمال حرفك وابداعك الراقى ايها القدير
دمت بحب وخير

الاستاذه عزه
ربما اختلف معك
لانى انظر الى الانسان كانسان
بصرف النظر عن لونه او معتقده
فالانسانيه تجمعنا على حب الخير و الجمال و تقوى الله
و كل عن نفسه سيسأل
فهم اخذوا احسن ما عندنا
ونحن اخذنا اسوأ ما عندهم
فالعيب بنا نحن
فى ضعفنا
وتواكلنا
وقلة عقلنا
فحبهم او كرههم لن يغيرنا ما لم نرد نحن التغير
و الله المستعان

تحياتى

عادل عوض سند كتب:

الاستاذ الشاعر

رأفت المصرى

فعلاّ العيب فينا . علشان احنا رغم علمنا بمكائدهم

إلا اننا تركنا لهم الحبل على الغارب . ونعسنا .

ولابد من صحوه وان كانت متأخره قليلاّ لكم لابد منها .

نشكرك على كلماتك وتقبل مودتى وتحيتى ..

وياليت يحصل يا عم عادل
ربنا يهدى ويوفق
تحياتى لك

بنت النيل كتب:

نص جميل أستاذ رأفت
العيب فينا كعرب
أحنا اللى نستاهل كده

اتفق معكم
ربنا يهدى الجميع
وشكرا للمرور و التعقيب

بسمة الورد كتب:

الشاعر الرائع/رأفت المصرى

تفاعل راقى وبديع سلمت اخى
تقبل مرورى واعجابى ب
ما قدمت

بسمة الورد
كل الشكر لكم و لتفاعلكم الطيب
احترامى