انا يا مصر مش ايبك

سنين العمر فى جبينك ضيا عينك
تشوفى ابنك بقى رسمك
ودنيا تقسى وتمطر
حنان من قلبك اتقطر
يملا ابنك الدنيا حاجات تانيه
ما يعرفها البشر والناس
حنان احساس لمة ناس
سلام فى الحرب بكرامه
نهار بصحيح تهب الريح
يضيع الولد الاسمر وتبقى انتى
ام الدنيا يا غاليه يامصر

ضمينى يا بلدى يا غاليه مانا تعبان
مانا شارب ومتجرع كاسات حرمان
والاحزان تهديها وتبنى لى شط امان
ما هو انتى الدنيا والدنيا مش كنا وكان
ماهو انتى بكره واللى جاى وكل اوان
آوانى قلبك ودفانى ليه بقى صوان
ده حتى الورد فى ايديا بقى دبلان
والفرح الحلو فى عنيا كأنه ما كان
دا ياما كنتى تداعبينى تلاطفينى تداهنينى

ولما اسكن صدرك الدافى الاقى النهش فى عيونى
ياعينى النهش فى النينى
لكنك ساكنه فى جفونى

ماهو انتى يا مصر اختارتى زمان ايبك
وملكتيه وسيدتيه وصبيتى حنان قلبك
ولما استبد وطاح وهبتى له سنين عمرك
ولما جابلك الهودج بيتهادى بعروس العرش
قولتى انا شجرة الدر انا الهنا انا الهم
ولطختى سقف التاريخ برزاز الدم

انا يا مصر مش ايبك
ولا هبعد ولا سيبك
دافيا فيكى من بردك
وضلى بيكى من شردك
يا غاليه يا بلدى
يا غاليه يا مصر

يسري عثمان الجميل
ما أجمل أن نغني للوطن
و ما أعذب أن يصدر نشيدنا
ملتحفا بنبض قلوبنا
دمت رائعا
أخوك

اخى الحبيب الشاعر

يسرى عثمان

نقسنا تحبنا زى ما بنحبها يا اخى ..

بس تستاهل والله . مهما تقسى برضه بنحبها .

كلماتك جميله وبها شكوى صيغت بجمال .

سلمت ايدك اخى يسرى .

مودتى وتحيتى ...

الفاضل الكريم الشاعر عاطف الجندى
اللى جوايا انا باحطه على الورق
زى ماهو غجرى اشعث اغبر
لكن فى الآ خر باقول اللة
اخاف اوزناو اوضب يضيع الاحساس
اعتبرنى با اهلل فى لمة ناس
من الآهةاللى فى النفس وساكناها

يمكن توصل للموجوعين تواسيهم

هى دى مصر وربنا يتولانا
يا استاذ عادل
ودلوقتى مصر بقت حمادة
مصر طبخه سايطه وسادة
مصر خلاص ما لهاش اعادة

الأستاذ الشاعر

يسري عثمان

أحييك على وطنيتك الرائعه

لك مني كل التقدير و الأحترام

أخوك الصغير

جمال الدليل

_________________________

الحبيب الشاعر

يسرى عثمان

قولت كل اللى جوانا

تسلم ايدك

الفنان الشاعر جمال الدليل
مصر ما كانتش كدة

كان ولسه شوية بواقى لمل تقابل ابن بنت الجيران يقول لك ازيك ياخالى
ولما تسأل عن ابن ابن الجيران
تقول ابن ابن عمى

وكانوا كل الصعايدة يجولوا واد عمى
دلوقتى ما حد يعرف حد

الفنان الجميل حمادة ابوطالب
هى دى مصر ام الدنيا دايما بيضحك عليها
ودايما فى سنين هنا وسنين عجاف
اليومين دول هم السنين العجاف
وربنا يعديهم على خير

الشاعر المتميز يسري عثمان

كل كلامك زي الفل وطني وطني

بجد حاجة جميلة وحب صافي لآم الدنيا

التي ليس لنا غيرها ربنا يحميها من الاعداء

وكل المكايد التي تنصب لها بعد بعضها الله أكبر

على كل حاسد وكل طامع وكل جاحد أمين يارب

خالص ودي وتقديري

ماهو انتى يا مصر اختارتى زمان ايبك
وملكتيه وسيدتيه وصبيتى حنان قلبك
ولما استبد وطاح وهبتى له سنين عمرك
ولما جابلك الهودج بيتهادى بعروس العرش
ولطختى سقف التاريخ برزاز الدم
****
الشاعر الاستاذ يسري عثمان
احييك علي هذا العمل الوطني الجميل
مااجمل ان نكتب للوطن وعن الوطن ونفرغ مشاعرنا المتناقضه تجاه متناقضاته الكثيره

تحياتي لك دائما

الشعر الجميل والفنان الساهل الممتنع يسرى
المحير المريح المتعب اللذيذ
ا دايما انا باحتاج لرائيك

طاهر ابوعلى انا باحس ان انت مش شاعر زى حالانتا لما بقرا مواضيعك انت و ا عطيه شواش باحس انكوا الالفه بتاع الفصل
يعنى بتوع سنه سته اول
الا على فكره انت عجوز والا ماخلصتش مدرسه
ههههه تحياتى واشكرك

شكرا أخى يسرى على هذا النبض الجميل
تقبل خالص ودي

اشكر الطله الجميله جميله عود يا زمانى بأهلى وجيرانى واللمه الجميله
شكرا للاداره