فرسان المائده المستديره

لو درعى منى حا ينكسر

وسلاحى م الإيد راح يطير

مش حا استجير

ولا حا اطلب العون والمدد

لا انت الولد .. ولا انت موصوف بالجلد

مع ان فى كتاب القصص

قارى بطولاتك كلها

أدمنتها .. رددتها .. امّنتها

وده قبل ما اعرف انها

كانت حروف جوه الورق

الحبر فيها بيكشفك

والحق ميّه بتشطفك

تظهر ملامح منظرك

وتكبّرك .. بللوره أصلاّ صنعتى

قعرتها من فكرتى

علشان تضخّم { قِلّتك }

وبسرك الشكل الجديد

تصهر .. تشكل فى الحديد

تصنع قيود الهيمنه

الطاعه .. جيش الميمنه

الطاعه .. جيش الميسره

يرجع ورا اصحاب سيوف المملكه

دى سيوف ما تعرف فزلكه

اصحاب معارك كلها

كاشفه ملوك الصعلكه

علشان كده لازم تموت فى غمدها

وان شفت يوم سيف ينسحب

رايح اطعنه

وطعنتنى .. وطعنتنى

والطعنه جت بين الضلوع

صابت مكان .. كان مطرحك

دا مأمّنك .. ومفرّحك

ولاعمره فكر يجرحك

يا { أرثر } العهد الحديث

دا ما فيش حديث فى المملكه

إلا على سيفى انا

دنا { لانسلوت }

من غير سلاح باقتل اسد

لو الف طعنه فى الجسد

مش راح نموت

وباعلى صوت

انا لسّه واقف عالقدم

مش حا انهزم .. ولا حا انهدم

زلا عمرى حا اشعر بالندم

لو اطعنك .. ما ارعنك

مش اى فارس ينقتل من طعنتك

لكن { حذارى سيدى }

الطعنه منى ف مقتلك

الطعنه منى ف مقتلك

5 / 3 / 1999

جراح الحرف ودكتور الكلمه
القدير عادل عوض سند
أسمح لى بتثبيت رائعتك
على ان اعود لجمال حرفك
دمت بكل حب ووخير وابداع

شاعرنا الكبير/ عادل عوض سند
ايه الجمال والروعة والكلمات الكبيره دية
جميل ما ابدعت وأتمنى لك المزيد دائما من هذا العطاء الوافر فأنت نهر لا ينقطع العطاء رضا توفيق

أخى الشاعر الكبير عادل عوض سند
قصيدة جميلة كعادتك تكشف و تبين المستور
فى أمر شخص ما و تتكأ على التراث العالمى فى المائدة المستديرة
لتقدم لنا لوحة جميلة و مقنعة أيضا
دمت بخير
على فكرة ثبت القصيدة و جيت أعلق لقيت الأخت عزة كتبت ثبتتها
ههههههههه
و ده فى حد ذاته شيء جميل و يدل على الحرص على قراءة كل جديد
دمتما فى خير

رااااااااائع جد ما قرأت
صيغة الكلمات ابهرتنى والفكر العالى فى القصيدة يشيد بك ايها الرائع
سعيد بقراءتى لك

ايه يا بابا الكلام الجامد اخر 3 حاجات ده
لا وبتغيظنا بقا وكاتب التاريخ
لما الجمال ده كلو من سنه 99 يبقا احنا عمرنا ما هنعرف نكتب شعر بقا
ده مش حسد يا بابا ده أر كده على خفيف

ماشاء الله

كلمات ولا اروع فى المعانى والكلمات

الشاعر الكبير /عادل عوض

استمتعت بهذه اللوحة الفنية الراقية خاتمة ولا اروع

سلمت لنا ودام ابداعكم الراقى الذى نتعلم منه وننهل منه الكثير والكثير

تقبل مرورى المتواضع وأحترامى الدائم شاعرنا القدير

استاذنا و اخى الفاضل استاذ عادل عوض سند
ما اجمل معالجتك للفكره و بلورتها متكئا على خلفيه ثقافيه رائعه كروعتك و روعة حرفيتك فى اختيار الحرف و بلورة الصوره
تحياتى لك استاذنما
و شكرا لك و لحرفك الممتع
كل تقديرى

المبدع الكبير والشاعر القديرالاستاذ/ عادل عوض سند
كم هى جميلة رائعتك وكم أستمتعت بما أبدعت وكم أنت ممتع
وجميل ايها القدير نص ما أروعه وماأجمله كم أنت وطنى وعاشق
لبلدك كتبته من أحدى عشر عاما ولكنه واكب الاحداث المؤسفة الاخيرة
بس انت جبت م الاخر ومالاخر كده انا بستمتع لما بقرأ ليك وبحس بمتعة
عجبنى المقطع ده قوى وحسيت بيك كأنك فارس وقادرتحميها من أى حد

يا { أرثر } العهد الحديث

دا ما فيش حديث فى المملكه

إلا على سيفى انا

دنا { لانسلوت }

من غير سلاح باقتل اسد

لو الف طعنه فى الجسد

الرائع والمبدع والقدير سعدت بمرورى من هنا
تحياتى ليك وخالص مودتى

إيه ده ياجبار ...

الملك آرثر ولانسلوت حته واحده

هو احنا قدك ياعمنا ؟؟

والله العظيم قناة ال mb2 دي حتبوظ

اخلاقك وانا خايف عليك...

أأقولك ؟؟

مانيش مغير من طبعي

ياللي مليت ف الطبع جروح

عشان ماتحرقش صوابعي ..

الطبع يطلع بعدالروح

عمي عادل

جميل قوي الكلام ده

وذي ما أستاذ عاطف قال

قصيدة جميلة كعادتك تكشف و تبين المستور
فى أمر شخص ما و تتكأ على التراث العالمى فى المائدة المستديرة
لتقدم لنا لوحة جميلة و مقنعة أيضا
كتبت بشاعريه حرفيه عاليه

ولكني أعرف من الشخص

أكيد أبراهيم نصر بتاع الكاميرا الخفيه

ههههههههههههههههههههه

أبن أخيك

جمال الدليل
___________________________

المبدع الكبير أبويا الغالى بابا عادل سند

ما أقدرشى انى استجير

غير بالأمان

لما بيلمح

طرف توبنا ف الإيمان

ينطق ف لحظة همسته

بين عصفورين

عايشين على سكة سفر

أيام زمان

ساعة ما كان العسكرى

صفارته بتأش الضلام

بين اللى خان

عهد الوطن

ومغمسه ف خير الولاد

على جوفه الشبعان عطن

ولا تشتهية

غير كل حشرة زائفه

أصبح مهان

لما اندفن

على سور خيانته

ف التراب

لا طال يعيش جوه الوطن

ولا طال وطن جوه يعيشة ف التراب

والله يا بابا

دا من وحى إبداعك الرائع

أصل بصراحة إبداعك

مالوش حل

وعندك صور ما حصلتش

ربنا يزيدك دايماً يارب

Very Happy

عزيزى الشاعر الرائع عادل سند
لم يضف آرثر ولا لانسلوت ولا أى من فرسان المائده المستديره لقصيدتك أية اضافه تذكر لأنهما فرضا نفسهما فرضا ليستضيئا بعملك الرائع وليولدا من جديد على يديك
محمود عبد الحليم

اخى العزيز وحبيب قلبى الشاعر الكبير المتألق دائما
الاستاذ عادل عوض

تحياتى وتقديرى وشكرا على امتاعنا برائعة من روائع
قصائدك الجميلة 0 ايه ياعم الجمال ده من التراث العالمى
الى شعر العامية وشاعرها الاصيل عادل عوض سند
وانا راييى ان تترجم تلك القصيدة الرائعة بكل اللغات 0
ليستمتع بها الجميع0

ودمت بكل خير ومحبة وسعادة ودام ابداعك الرائع 0

ما أروعك
لما بتنكش جوايا الوجع
يابو البدع
ما أبدعك
لما بتخوض المعركه
بسيف الحروف
ما أشجعك
الرائع عادل عوض سند
كعادتى بك دائما فارس
قصيده قويه صورا ومعانى
نظمت على دقات طبول الحرب
دمت مبدعا ودمت جميلا

الشاعرة عزة الزرقانى كتب:: جراح الحرف ودكتور الكلمه
القدير عادل عوض سند
أسمح لى بتثبيت رائعتك
على ان اعود لجمال حرفك
دمت بكل حب ووخير وابداع

الاخت الشاعره

عزه الزرقانى

اشكرك على تثبيت القصيده

وفى انتظار العوده .

شكرى وتقديرى ...

رضا توفيق كتب:: شاعرنا الكبير/ عادل عوض سند
ايه الجمال والروعة والكلمات الكبيره دية
جميل ما ابدعت وأتمنى لك المزيد دائما من هذا العطاء الوافر فأنت نهر لا ينقطع العطاء رضا توفيق

اخى الحبيب الشاعر

رضا توفيق

الجمال هو مرورك والروعه هى كلماتك .

شرفت بحضورك البهى وكلماتك العطره .

كل الشكر اخى رضا . ولاتحرمنى من هذا الشرف ..

مودتى وتحيتى ...

عاطف الجندى كتب:: أخى الشاعر الكبير عادل عوض سند
قصيدة جميلة كعادتك تكشف و تبين المستور
فى أمر شخص ما و تتكأ على التراث العالمى فى المائدة المستديرة
لتقدم لنا لوحة جميلة و مقنعة أيضا
دمت بخير
على فكرة ثبت القصيدة و جيت أعلق لقيت الأخت عزة كتبت ثبتتها
ههههههههه
و ده فى حد ذاته شيء جميل و يدل على الحرص على قراءة كل جديد
دمتما فى خير

اخى الحبيب الشاعر الكبير

عاطف الجندى

مرورك وسام وسمو لنصى المتواضع

كل الشكر على كلماتك .

وبعدين يكفى مرورك . ثبّت النص ام لم تثثبت واحد .

كل الشكر اخى عاطف

وتقبل منى خالص مودتى وتقديرى ..

الحاوى كتب:: رااااااااائع جد ما قرأت
صيغة الكلمات ابهرتنى والفكر العالى فى القصيدة يشيد بك ايها الرائع
سعيد بقراءتى لك

الاستاذ الفاضل

الحاوى

شرفت بك وبأول مرور على اعمالى .

وسعدت على سعادتك بقراءة نصى المتواضع .

كل الشكر والتقدير . فوجودك سرنى .

مودتى وتحيتى ..

كل الكلام راح واستخبى

من خوفه ما يوفى جمالك

ده الحرف منك

ينكتب له

ميت قصيده

وبرضوا ماتكفى

وانا لو فضلت العمره كله

اكتب كلام

عمره ما هيوفى

الشاعر الكبير المبدع الرائع

جراح الحروف والقلوب

أبى واستاذى عادل عوض سند

قصيده اكثر من رائعه

واستخدامك لفكره المائده المستديره

مع تطريز القصيده بمجموعه من الصوره

العاليه جعلنى لا اجد تعليقك مناسب

يليق بأبداعاتك المميزه

فأرجوا ان تتقبل خربشاتى المتواضعه

تقبل مرورى وتقديرى

دعاء العطــار كتب:: ايه يا بابا الكلام الجامد اخر 3 حاجات ده
لا وبتغيظنا بقا وكاتب التاريخ
لما الجمال ده كلو من سنه 99 يبقا احنا عمرنا ما هنعرف نكتب شعر بقا
ده مش حسد يا بابا ده أر كده على خفيف

الابنه الجميله المشاغبه

دودو

منا لازم اغيظك .. امال انا كاتب التاريخ ليه ؟؟؟

وبعدين ياريت تقرى كده على طول . قرك وشه حلو عليه .

القصيده اللى فاتت قريتى عليه الحمد لله صباعى اتفتح غرزتين .

هههههههههههههههههههههههههههههههههه

بسمة الورد كتب:: ماشاء الله

كلمات ولا اروع فى المعانى والكلمات

الشاعر الكبير /عادل عوض

استمتعت بهذه اللوحة الفنية الراقية خاتمة ولا اروع

سلمت لنا ودام ابداعكم الراقى الذى نتعلم منه وننهل منه الكثير والكثير

تقبل مرورى المتواضع وأحترامى الدائم شاعرنا القدير

يا بسمة الورد النديه

والله منتظر ردك الرائع ده من السنه اللى فاتت

ههههههههههههههههههههههههه

شرفت بك وبكلماتك التى اعتبرها دفعه للابداع والتميز

وهذا ما انتظره منك . لا اعرف كيف اشكرك استاذتى

ولكن تقبلى منى خالص التحية والتقدير ...

رافت المصرى كتب:: استاذنا و اخى الفاضل استاذ عادل عوض سند
ما اجمل معالجتك للفكره و بلورتها متكئا على خلفيه ثقافيه رائعه كروعتك و روعة حرفيتك فى اختيار الحرف و بلورة الصوره
تحياتى لك استاذنما
و شكرا لك و لحرفك الممتع
كل تقديرى

اخى الحبيب الشاعر

رأفت المصرى

ولان رأيك يهمنى فقد سعدت جداّ بسماعه

من خلال تعليقك الجميل الذى شرف قصيدتى .

فانت من الشعراء الذين احترم قلمهم وفكرهم .

كل الشكر والتقدير على مرورك .

مودتى وخالص تحيتى ...

الشاعر عماد عويس كتب:: المبدع الكبير والشاعر القديرالاستاذ/ عادل عوض سند
كم هى جميلة رائعتك وكم أستمتعت بما أبدعت وكم أنت ممتع
وجميل ايها القدير نص ما أروعه وماأجمله كم أنت وطنى وعاشق
لبلدك كتبته من أحدى عشر عاما ولكنه واكب الاحداث المؤسفة الاخيرة
بس انت جبت م الاخر ومالاخر كده انا بستمتع لما بقرأ ليك وبحس بمتعة
عجبنى المقطع ده قوى وحسيت بيك كأنك فارس وقادرتحميها من أى حد

يا { أرثر } العهد الحديث

دا ما فيش حديث فى المملكه

إلا على سيفى انا

دنا { لانسلوت }

من غير سلاح باقتل اسد

لو الف طعنه فى الجسد

الرائع والمبدع والقدير سعدت بمرورى من هنا
تحياتى ليك وخالص مودتى

اخى الشاعر الجميل

عماد عويس

على فكره انا مش قدك يا عم ..

ههههههههههههههههههههههههه

نورتنى وشرفتنى . واقسم اننى فى غاية سعادتى

عندما قرأت تعقيبك الرائع .

وبعدين احنا حا نروح جنبك فين ؟؟؟

انت شاعر جميل وانا فعلاّ استمتع عند قراءة اعمالك القيمه .

لاحرمنى الله من ذوقك العالى وحسن حديثك المثالى .

كل الشكر اخى عماد .

وتقبل منى مودتى وخالص تقديرى ...

م/عطية شواش كتب:: إيه ده ياجبار ...

الملك آرثر ولانسلوت حته واحده

هو احنا قدك ياعمنا ؟؟

والله العظيم قناة ال mb2 دي حتبوظ

اخلاقك وانا خايف عليك...

أأقولك ؟؟

مانيش مغير من طبعي

ياللي مليت ف الطبع جروح

عشان ماتحرقش صوابعي ..

الطبع يطلع بعدالروح

ايه اللى خلاك تحشر صوابعك فى البوتاجاز ؟؟؟

هههههههههههههههههههههههههههههه

الشاعر الكبير والصديق اللدود

م / عطيه شواش

على فكره النص ده من 11 سنه واكتر .

من ايام النسخه الاولى بطولة روبرت تايلور . يعنى قديمه .

وايه يغير من طبعك

ما دام اخدت عليه ممتاز

م الفرحه تحشر ف صوابعك

حرقته وف فرن البوتاجاز

اتهيأ لى صعب تلاقى له قطع غيار ..

مستنى تطمنى عليه ..

» مساجلات فرسان العامية
» فرسان اكتوبر 73 شعر محمد البهنساوي
» فرسان الشقا رد على قصيدة فارس بلا فرس للكبيرة زينات القليوبى