دلوقتى مصر بقت حماده

قاعدين سوا نحكى حكاوى من زمان
عدت وعدى العمر هان
والباقى منه نشوف كمان
اللى قسى واللى جنا
واللى حياته كانت هنا

كانت شموع تقيد وتنطفى
دموع بتبرق مره وتختفى
نقلب دقايق ذكرياتنا
واد ايه م العمر فاتنا
واللى باقى حبة ذكريات

كانت الخطاوى طويله توصل للقمر
لكن خطاوى اليوم يادوب على قد النظر
كانت يادوب لمسه نلمس كفوفه
ولما يجى الغايب نفرح نشوفه
ماهو حته من هنا ساكن فى قلب قلبنا
ايوه حايجى يضمنا ويصبر الاه والضنا

واذان بصوته جنبنا
الصلاه خير من النوم
نقوم وننفض الهموم
واهه النهارده عدى يوم
وعدى قبله الف يوم
واحنا يادوب بنعبى هموم
ولما يزيد الهم نضحك نبتسم
والبسمه يادوب فرحة حيرانين

عايزنى احكى ايه احكى فى ايه
احكى وطن ياااه
داكان زمان ايام ما كنا مرتاحين
كان يجى واحد من عند الوطن
يقف يغنى تلات امم يابور سعيد
وماسك فى اليمين جنزير حديد
يامين عفى يقدر يكتفنى
وكنا نسمع لصوت حفنى
وكنا عايشين الامل

كان البلد كله عمل
تروح هنا تلقى عمل
تروح هناك تجيب ا مل

كنا نسمع الغناوى الطبيه
بنغم صبا
والطفل مولود تلقاه
حبا

البحر كان كان كله خير
والبر كمان كان كله خير
كنت بالقرش تجيب العيش والغموس
دلوقتى الجنيه مابقاش فلوس

ماتقول عايزنى احكى ايه
احكى مصر المصريين
مصر مين يامغرمين
ايام ماكان ماحد يبات جعان
سبحانه يعلم ايه مخبى ورا البيبان

تقوللى مصر
دلوقتى مصر بقت حمادة
دلوقتى مصر سايطه وسادة
دلوقتى مصر مالهاش اعاده

أخى يسري
تحية لك أيها الشاعر الواعد
و القادم على طريق الإبداع
خالص ودي

كنت بادور وابحث عن الوتر الظاهر انى
لمسته الشاعر الكبير عا طف الجندى
انت حاسس قوى بمعاناة الناس
عشان كدا اكرمتنى بالمرور الكريم
اشكرك

مقارنه صعبه اخى يسرى

بين الامس واليوم .. امس لن يعود .. واليوم محدود .

الاصاله والمحبه والامان انتهوا من زمان .

مودتى وتحيتى اخى يسرى ..

الاخ الشاعر/ يسرى عثمان
سعدت بمرورى من هنا واتمنى من الله
أن يعود الأمس ولانظل نتحسر على تلك
الايام جميل هو حرفك وفى انتظار المزيد
تحياتى ليك دمت بخير

الاخ العزيز استاذ يسرى
لقطه جميله وتساؤلات عن معنى الوطن فى زمان انفلات الكثير من القيم و المعايير
ابدعت اخى فى عقد مقارناتك عن هذا المعنى الجميل لتمس اوتار القلوب بكل حرفيه
تحياتى لك و لحرفك الجميل
كل التحيه

فى كل مره اجد حروفك اروع واروع
ايها الرائع يسرى عثمان
تحيتى لجمال حرفك
دمت ودامت روعتك

مين قال الاصالة والامان مش موجودين
طول مانت موجود الاصالة والامان موجودين
والحب والود وعدوله ابسط ياعم

الشاعر الجميل عماد ماتتعبشى نفسك
انت بتقول احلى بكتتتتتتير

الشاعر الرائع /يسرى عثمان

كلمات حضرتك ولا اروع معانى ومضمون

معاتبة راقية فى حب الوطن وما كان من فعل الزمن

تقبل مرورى واعجابى بما قدمتم اخى

الشاعرالفنان رافت المصرى
اشكر مرورك الكريم وبعدين
انت عامل زى يوسف شاهين
بتقول اللى احنا لسه ماقولناهوش

الكبيرة مقام وذوق وفن عزة
كانت اغانينا بنغم صبا
الطفل مولود تلقاه حبا
دلوقتى دنيا تانيه ومصرتانيه
لكن يا مصر انا مش ايبك
لنا حامشى ولا سايبك
حا ادفى فيكى من بردك

وادارى بيكى من شردك
منا منك

بسمه الورد كلك ذوقااشكرك