اغضب ومتغلطش

موضوع: اغضب ومتغلطش الثلاثاء يناير 04, 2011 8:38 am

من وحي المبادره التي اطلقت بعد الحادث الشنيع والتي تحمل اسم( اغضب ولا تخطيء)

اغضب ومتغلطشي

ياحبيبي انا امك خايفه عليك
حضناك وفي نني العين بداريك
اسمعني وفكر في كلامي
مين غيرك حاسس بالامي
انا نفسي تكون قوي وشديد
وتزيل الخوف من ادامي
وفي وسط الشده ابص الاقيك
بهلالك نور لي طريقي
وفي وسط الضلمه بتهديني
واخوك بصليبه عكازي
بيكون سندي لما بأسي
بيمد ايديه مدله ايديك
ياحبيبي اغضب ومتغلطشي
غضبك ده شيطان لازم يمشي
ادي لاخوك خير ومتحسبش
الخير هيعود عليه وعليك
متسبش عدو يطيح فينا
يقلقنا ويحزن ليالينا
ويسبنا نعض في بعضينا
اسمع ياحبيبي الله يهديك
متكنش ارادتك مهزوزه
متقلش كلام ملهوش عوزه
اطرد شيطانك بمعوذه
انا امك واسمي المحروسه
محروسه من ربي اللي بيحميك
ياحبيبي اخو ك ده بيحبك
وفي ساعه الشده يكون سندك
متسبش شيطان يبعده عنك
اخو ك ده هو اللي فاضلك
من اي حواجز هيعديك

ادعو الله العلي العظيم القادر ان يهدي هذه البلد مسلمين ونصارى وان يجعلها بلد امن ورخاء وان يديم بيينا الموده والاخاء فهو ولي ذلك والقادر عليه

اللهم امين
كلمات رائعه جدا وتفاعل راقى مع الاحداث
سلمت شاعرنا /جمال درويش
ادام الله على مصرنا الامن والامان

الشاعر / جمال درويش
تحياتي لك
واحييك وبشده علي نبض كلماتك الجميله
وصدقك وتفاعلك مع هذا الحادث المأساوي الذي المنا جميعا مصريييين
دمت بود

الاستاذ الشاعر

جمال درويش

هكذا تكون المشاعر دون تعصب وملؤها المحبه .

كلماتك جميله وارجو ان يعيها كل من له عقل وقلب سليم

اخوه لاتفرقنا الازمات .. ولاتباعد بيننا الاحداث .

دمتى يا مصر عظيمه بأولادك . دمتى يا مصر الامان

دمتى يا مصر شامخه رغم ما يحيط حولك من مخاطر .

اشكرك اخى جمال على جمال قصيدتك .

مودتى وخالص تقديرى ..

رائع تفاعلك
والنصائح التى هديتها مصر فى كلماتك لولادها مسيحى ومسلم
تحيتى لجمال ماعبرت
واهلا وسهلا بك فيى بيتك ومنتداك ايها الراقى
دمت بحب

» إغضب ولا تسمع أحد .. شعر / فاروق جويدة
» اغضب وسيب لى الورق
» شاهدوا قصيدة اغضب بالريحانى
» اغضب للشاعر عاطف الجندي
» اغضب.. قصيدة للشاعر فاروق جويدة