قتلت كل المصريين

تفتكر قتلت مين

قتلت مرقص قتلت حسين

دا بعملتك

قتلت كل المصريين

ضحكو عليك

خليك فدائى

روح وافدى دينك

واديك خسرتهم الاتنين

خسرت نفسك خسرت وطنك

واهم حاجه خسرت الدين

طول عمرنا رايحين جايين

امن بلدنا دا عهد ودين

ولا مسلمين ولا مسحيين

لو شفت مرقص ولا حسين

دول جمب بعض اهم ماشين

تقدر تفرق بين الاتنين

طب مين شمال طب مين يمين

طول عمرهم على كده عايشن

صوت الاذان دقه جرس

هى اللى تفرق بين الاتنين

ويخش سحس يصلى العيد

وصاصا واقف مستنيه

ومن وراه وبدون مايحس

يقول قفشتك يابن الايه

وبضحكة عالية وحضن بجد

احساس اخوة وحب بجد

واللى يوشفهم كده عن بعد

يقول اكيد الاتنين اخوات

ويومين ويجى عيد مرقص

وبفرحة مبسوط وبيرقص

وسحس واقف مستنيه

وبيباركله مش قلنا اخوات

وفجأة يحصل انفجار

وحسين من حضن مرقص طار

مين اللى فرق بين الاتنين

لا فى عدواه ولا بينهم تار

اشلاء كتيرة متراميه

وناس كتيرة متصابه

عدد الجثث عدى ال100

فى لحظة غدر كدابه

واسمع وشوف بقى من الحكايات

مين اللى عايش طب مين مات

وادى يا ناس مرقص وحسين

دول جمب بعض وميتين

العزاء لكل الاخوة المسيحين وكل المصريين ايضا وياريت اكون قدرت وصلت الفكره اللى كلنا عارفنها ....

الارهاب لا وطن له ولا دين
لاننا نسيج واحد فى وطن واحد
وطن كل المصريين

الارهاب كلنا ضده.

سلمت ايها الرائع وطبعا وصلت الفكرة بطريقه جميله احييك عليها
واهلا بك فى بيتك ووسط اخوتك ايها الرائع
دمت بحب وابداع

ربنا يخليكى يا استاذة
وشكرا لمرورك
واتشرف انى اكون واحد من اهل البيت
وربنا يحمينا من هولاء القتلى المجرمين

الاخ الشاعر

مودى

نشكرك على تفاعلك مع الحدث ورغم هذا الحزن

الذى خيم على مصر بأكملها . إلا اننى ارحب بك

شاعراّ جيداّ وسط نخبه من كبار الشعراء .

قصيده تناسب الحدث الجلل الذى هزنا جميعاّ .

مودتى وتحيتى ..

لا شكر على واجب استاذى العزيز
عادل عوض
وانا اشكر مرورك وردك الجميل
واتشرف بوجودى بينكم
وربنا يحمى ام الدنيا يارب

الأخ مودي
أهلا و سهلا بيك فى المنتدى
شعرك أعجبنى

اهلا بيك اخى /سمير عبود

وشئ يسعدنى

انه ما كتبت

يلقى اعجابك

ربنا يحميكى يا أم الدنيا

ما زال الطريق فى بدايته
أخى العزيز
اهتم و خذ الأمر بجدية
و أتوقع منك القادم الأفضل
إن شاء الله

متشكر جدا على كلامك

اللى والله

ادخل السعادة

الى قلبى

وان شالله

اكيد فى افضل

طول ما فى تشجيع

منكو ايها الاساتذة

» أنا اللي قتلت ياسين
» دستور المصريين ( إرتجالية مباشرة )
» المصريين
» للثوريين المصريين
» حلم معظم المصريين