صناعة محلي مش صيني

مفتتح

يا واخد جزمتي مني

امانة عليك تلمعها

فضلت انا ياما مستني

اقول يمكن يرجهعا
..........

ما سيبتش غيرها ليه يا حويط؟

ولو صندل يكون مقطوع

بجد شريها بالتقسيط

على بعادها انا موجوع

ولا صعبتش على غالي

لبست الشبشب العالي

أخبط بيه لحد البيت
...
ماسيبتش غيرها ليه يا حويط؟

سعادنك قلت دا مرتاح

يجيب غيرها ولا يهمه

ما تعرفش ان انا فلاح

مداري ف بدلتة همه

دخلت أصلي ويادوبك

خرجت فاجئني ملعوبك

نزل عرقي وعقلي راح

سعادتك قلت دا مرتاح
...
صناعة محلي مش صيني

ودي الحاجة اللي فضلا لنا

كساد وبطالة يا عيني

وتوها ف كل اعمالنا

منين غيرها اجيب تاتي

وكانت هيه شيلاني

ولسه قسطها ف ديني

صناعة محلي مش صيني
...
مسامح فيها يا معلم

هنيه لك ومن قلبي

بلاش تنساها واتعلم

وخد عبرة وشوف غلبي

نصيحة عينها ماتسبهاش

لآ ادعي عليك ماتتهناش

واعري دماغي واتظلم

مسامح فيها يا معلم
...
ولو كنت انت مش تعبان

فاايه يرميك على دا المر

وجيبك لو يكون عمران

ل كانت تعجبك وتمر

تعالى ندعي ع الضيقة

يولع فيهابحريقة

وع اللي بفقرنا فرحان

دا لوكنت انت مش تعبان

إَلهي تهدي حكامنا

على المساكين بقي يبصوا

نشوفهم مرة قدامنا

بأحولنا هنا يحسوا

يعم الخير يلاقينا

ولا نسرقش بعضينا

ولا حاجة تروح منا

إلهي تهدي حكامنا!!!

إلهي تهدي حكامنا!!!

ههههههههههههه
حقيقى جميلية وخفيفة الظل وفكرتها فى منتهى الروعة
سلمت يمينك , تحياتى

هههههههههههههههه اخى الكبير الشاعر الرائع يسرى حنفى وحشنى كلامك والله ايه الروعة دى يا باشا تقبل مرورى تحياتى لى عودة ان شاء الله

يا اخى حرام عليك ارحم
و ادعى له ما تدعى عليه
الهك باللى بيه اعلم
و لو هايص هيسرق ليه
(حرامى جزم )دا واد واقع
و لو( فرود) ما مد ايديه
لجزمه يجيبها م الكانتو
"بلاش تزعل "بربع جنيه
ههههههههههههههههههههههههههه
حبيبى استاذ يسرى
ارجو ان تقبل مداعبتى المرتجله بكل الحب
وشكرا لك لهذه الروح الجميله فى نقد واقعنا المؤلم بهذه الرؤيه خفيفة الظل و التى هى من اهم سمات اولاد مصر راسخى الاصل
تقبل ودى و احترامى اخى الحبيب وشكرى لك و لكلماتك الممتعه الموجعه

اخوك المصرى

ههههههههههههههههه
تثبت رائعتك ولى عوده
لجمال حرفك استاذ يسرى
دمت بحب

هههههههههههههههههههههههه

والله اخى يسرى لولا الندوه لكنت قلت

احلى كلام على نصك الجميل ده .

جايلك وانتظرنى ...

ههههههههههه

فكرة جميلة وجديدة

تسلم ايدك [i]

الشاعر المصرى الأصيل
المبدع الأستاذ يسرى حنفى سرحه
موضوع جديد فى التناول .. وعلى الرغم
ان هذه الحادثه يتعرض لها الكثير من الناس
الا ان احد لم يقف عندها ليتأملها ..
او يراها بالعمق الذى رأيته بها لتطرح لنا
القضيه الأساسيه الناتج عنها هذا التصرف
فالسارق والمسروق تعرضوا للسرقه فهم داخل
بوتقه واحده ويشربون من نفس الكاس .. وان كانت
قصيدتك تحمل حادثه بعينها الا ان بها رمزيه تشير
بها الى الى تدهور العلاقات الأنسانيه داخل مجتمعنا
المصرى .. المشكله اننا لم نعد نشعر بألام بعض
واستقوى كل منا على الآخر .. فنوجه اسلحتنا ودئما
فى الأتجاه الخطأ ...
ابيات مضحكه مبكيه لواقع مر
دام ابداعك استاذ يسرى
ودمت بخير .. وعام طيب Very Happy

الاستاذ الفاضل ميدو 90

اشكرك اخي العزيز علي مرورك

الجميل الذي اسعدني كثيرا واطربني

الله لايحرمني من مرورك الرائع

الاستاذ الشاعر \حمدي شيبة

الله يكرمك استاذ ولايحرمني

من مرورك الجميل الذي أسرني

تسلم ياغالي ,خالص ودي وتقديري Very Happy

الاستاذ الشاعر الرائع \رأفت المصري

اشكرك أخي العزيز علي كلماتك الجميلة

ومرورك العطر الذي اسعدني غاية السعادة

الله لايحرمني مرورك الكريم .خالص ودي

الشاعر الجميل/يسرى حنفى سرحه
بجد بجد انا مبسوط وضحكت من قلبى
ضحك السخرية ملّى حوالينا حتى الحرامى
صعبان عليك من غلبه واللى شايفه
نص رائع وممتع احييك عليه
وبالفعل جميل ماأبدعت ايها الشاعر الجميل
تقبل تحياتى ودمت بألف خير

الأخ العزيز يسري حنفي سرحه تحياتي وكل عام وأنت بخير أحييك القصيدة بجد رائعة تجمع بين خفة الظل وجدية الموضوع عالجت موضوع كبير وصعب للغاية بمنتهى خفة الظل أحييك ومزيد من الإبداع

الشاعرة عزة الزرقانى كتب:: [center]
ههههههههههههههههه
تثبت رائعتك ولى عوده
لجمال حرفك استاذ يسرى
دمت بحب

........................

أشكرك استاذة عزة للمرورالعطر

وتثبيت العمل ورايكِ الذي طالما

اسعدني واضاء صفحاتي المتواضعه

في انتظار العودة شاعرتنا العزيزة
............................. Very Happy

السلام عليكم
اخى ورفيق الدرب يسرى حنفى
ما اروع هذة القصيده كما يقولون فى المسرح الكوميديا السوداء
بجد هى كوميديا سوداء يلا بقه نغير سوى النشاط ونديها كوميديا
نتقابل على خير يا صحبى ان شاء الله
تقبل مرورى

عادل عوض سند كتب:: هههههههههههههههههههههههه

والله اخى يسرى لولا الندوه لكنت قلت

احلى كلام على نصك الجميل ده .

جايلك وانتظرنى ...

................................

الاستاذ العزيز والشاعر الاستاذ\عادل عوض سند

الله يوفقك ديما لما فيه الخير و الله بجد مرورك ده

بيسعدني وبيرفع هامتي الي عنان السماء لانك

حسْاس جداً وجميل جداً فابتشوف كل حاجة جميلة

في انتظار العودة استاذي العزيز.خالص ودي

الحبيب المسروق

يسرى بيه

تحياتى ياحبيبى

لو كانت بنى ومقاس 43 يبقى هيه اللى انا اشتريتها بـ 10

اجيبهالك امتى

هههههههههههههههه

تحياتى اليك ياواحشنى كتير

وكل سنة وانت طيب

الاستاذ الشاعر حماده ابو طالب

اشكرك أخي عميق الشكر على مرورك الجميل

الذي اسعدني غاية السعادة مع خالص ودي تقديري
Very Happy

طب اقول لك ايه
استاذ يسرى
غير الله عليك
قمه الابداع زجليه فى
منتهى الجمال والحرفيه
ادام الله عليك ابداعك
تحياتى

فاطمة حمزة كتب:: الشاعر المصرى الأصيل
المبدع الأستاذ يسرى حنفى سرحه
موضوع جديد فى التناول .. وعلى الرغم
ان هذه الحادثه يتعرض لها الكثير من الناس
الا ان احد لم يقف عندها ليتأملها ..
او يراها بالعمق الذى رأيته بها لتطرح لنا
القضيه الأساسيه الناتج عنها هذا التصرف
فالسارق والمسروق تعرضوا للسرقه فهم داخل
بوتقه واحده ويشربون من نفس الكاس .. وان كانت
قصيدتك تحمل حادثه بعينها الا ان بها رمزيه تشير
بها الى الى تدهور العلاقات الأنسانيه داخل مجتمعنا
المصرى .. المشكله اننا لم نعد نشعر بألام بعض
واستقوى كل منا على الآخر .. فنوجه اسلحتنا ودئما
فى الأتجاه الخطأ ...
ابيات مضحكه مبكيه لواقع مر
دام ابداعك استاذ يسرى
ودمت بخير .. وعام طيب

...................

الاستاذة الشاعرة المتألقة \فاطمة حمزة

كل عام وانتِ بكل خير اشكرك على كل هذا الرد

الجميل وعلى روعة التحليل والتواصل الروحي

والله أختي العزيزة هذا ما كنت اقصده فعلاً

لقد اتسعت الفجوة بينا كثيراً واصبحنا مهلهين

الا ما رحم ربي نحتاج للعودة بجد للأنتماء

وللتراحم وللترابط . أختاه الله لايحرمني مرورك

الذي اسعد به غاية السعادة دمتِ بخيرخالص ودي

[quote="الشاعر عماد عويس"]

الشاعر الجميل/يسرى حنفى سرحه
بجد بجد انا مبسوط وضحكت من قلبى
ضحك السخرية ملّى حوالينا حتى الحرامى
صعبان عليك من غلبه واللى شايفه
نص رائع وممتع احييك عليه
وبالفعل جميل ماأبدعت ايها الشاعر الجميل
تقبل تحياتى ودمت بألف خير

[/quote
....................

الاستاذ الشاعر عماد عويس

اشكرك أخي العزيز على مرورك الكريم

الذي اسعدني وردك الواعي وتفاعلك مع النص

بكل ما فيه وهذا أن دل فا يدل على وجود شاعر

واعي يتفاعل مع كل ما يحدث حوله .تسلم اخي

ولا حرمني الله مرورك الجميل

الاستاذة الفاضلة\د عطيات ابو العينين

الف شكر وتحية لمرورك العطر على متصفحي

الذي أزداد رونقاً وبريقا بكلماتك الطيبة الجميلة

التي اعطت لنفسي السرور والشعور بذاتي الشاعر

اشكرك عيق الشكر مع خالص ودي وتقديري

الاستاذ الشاعرالجميل محروس عطرب

اشكرك اخي العزيز على مرورك العطر

الذي اسعدني غاية السعادة وهاكذا انت

اخي صاحب قلب كبير وفكر واعي اشكرك

دام لي مرورك الكريم خالص ودي وتقديري

د /صلاح طاهر كتب:: الحبيب المسروق

يسرى بيه

تحياتى ياحبيبى

لو كانت بنى ومقاس 43 يبقى هيه اللى انا اشتريتها بـ 10
......................

الاستاذ الشاعر الكبير\د. صلاح طاهر

اشكرك استاذي العزيز علي تفاعلك معي

بس هي مش بني ايه الحكاية دي حاجة ذادت

عن حدها ونساوي اكتر من كدة اتنين جنيه

عموماً انا ربنا اكرمني وجبت غيرها بالتقسيط

والله واحشني كتير وواحشاني تعليقاتك الجميلة

ربنا ما يحرمني منك وكل عام وانت طيب

مع خالص دعائي بالصحة والسعادة
.................................
اجيبهالك امتى

هههههههههههههههه

تحياتى اليك ياواحشنى كتير

وكل سنة وانت طيب

....................
يارب اشوفك قريب الف الف سلامة استاذي العزيز

أخي الحبيب شاعرنا الجميل الأستاذ/ يسري

وأنا باقرأ كلماتك الجميلة تذكرت هذه الكلمات لبديغ خيري، وتلحين وغناء سيد درويش

مليحة قوى القلل القناوى

رخيصة قوى القلل القناوى

قرب حدانا وخد قلتين
................................

خسارة قرشك وحياة ولادك

ع اللى ماهواش من طين بلادك

ده ابن بلدك ما يبلفكشى

ما تعدموشى ولا يعدمكشى

دمك من دمه ما يفرقكوا شى

مليحة قوى القلل القناوى

رخيصة قوى القلل القناوى

قرب حدانا وخد قلتين
........................

الدنيا مالها يا زعبلاوى

شقلبوا حالها وين المداوى

شوفوا البلاوى ده البنك ناوى

يرفع دعاوى علشان يتاوى

فى فلوسنا واحنا متقندلين

مليحة قوى القلل القناوى

رخيصة قوى القلل القناوى

قرب حدانا وخد قلتين
........................

مش بزيادانا بقينا عرة

وكل حاجة من شغل بره

ده الفقر طول قلع عينينا

وخلا غيرنا قلس علينا

يادى الفضيحة يا ناس حرام

مليحة قوى القلل القناوى

رخيصة قوى القلل القناوى

قرب حدانا وخد قلتين
........................

ولحد ميتى ما نفوقش واصل

والبيه مقعمص قاعد يواصل

يشرب فى بيرة ويا منيرة

واحنا فى حيرة جد وكبيرة

انتعنا بقى يا جد الحسين

مليحة قوى القلل القناوى

رخيصة قوى القلل القناوى

قرب حدانا وخد قلتين
........................

وبدون أدنى مجاملة أو محاباة وجدت كلماتك لا تقل خفة ظل أو تجسيد أو عكس للصورة عن هذه الكلمات..والفارق الوحيد أن كلمات بديع خيري للشعر الغنائي..فقط

أهنئك على عملك العظيم ومن رائع إلى أروع

أخوك

طارق منيب

» قصيدة "برسيم صيني " أحمد عبد الفتاح العوامري
» صناعة العسل فى المنيا
» صناعة السفن الحربية فى المانيا
» احدث مدفع بحرى صناعة روسية
» مصرية وللة الحمد مدفع المنصورية وهو صناعة مصرية خالصة