دعاء الكروان

موضوع: دعاء الكروان الإثنين ديسمبر 27, 2010 7:13 pm

دعا الكروان بيقلقنى ويغلبنى ويحرمنى من النسيان
اتوه واسرح حزين بافرح يفكرنى بليالى زمان
من الشباك يطل الليل اقوم اجرى وانا فرحان
وقمر الدنيا يستنى افتح عينى بلهفة قلب جالة امان
يجينى النوم ابات مهموم اتوه تانى انام عطشان

دعا تانى من الكروان لنا صاحى ولا غفلان
سنين العمر فاتت لى خطوط بيضا شعور حرمان
حقيقه بتصرخ وتتعذب لا قلبى دق ولا حاولت يوم نسيان
ومين قال انى وحدانى وانا معايا نجوم الليل وقمر الدنيا ودعا الكروان

دعا تانى من الكروان يهل هلال فى خيالى اقول دا حبيب
اشوفه المسه واسرح فى دنيا الليل وانا حاسس انه غريب
اضمه اسكنه فى عينى واقول حايكون لى حبيب وطبيب
وارسم صوره م الجنة واهنى قلبى واتمنى يكون لى قريب
يجينى النوم اغيب تانى ف بحور حرمان وشوقى يغيب

واتوه اتوه اتوه
دعا تانى من الكروان
دعا باكى
اقول لعنية ياعيونى
ايه صحاكى وخلاكى
بتضوى مع نجمة ناسياكى
تعالى ننسى اننا اتحرمنا فى يوم
واللى فات مالعمر ماكان منا
وننسى سنين فاتت ولا ساءلت يوم عنا

وجفنى يفقد القدره ويغلبنى النعاس والنوم
انام انسى هوا الدنيا يبات قلبى حزين محروم
ونجمه بعيدة تضوى لى
وتصرخ لى تصحينى
حزينة بتبكى على الليل
اللى شاب بدرى
وعمرى كاءنة غمضة عين
تاه الكروان نام القمر
فى زحام النور
واملى تاه بين الامواج
فى وسط بحور

الاخ الشاعر الجميل يسري عثمان

جميل ورقيق هذا البوح الداخلي والرمزية الجميلة في استخدام دعاء الكروان وكانه نداء غيبي يعزف في كل مرة على وتر نفسك وروحك وقلبك عزفا داخليا ..يخرج لنا هذا البوح الرقيق

اعجبتني اخي الكريم وامتعتني قصيدتك
انت شاعر موهوب ..وان كنت اعتب عليك رقم حسك الموسيقي العالي الا انك تترك الموسيقي تهرب منك احيانا وانت قادر كما اري على مراجعة ذلك ولكن هذا حدث في مرات قليلة

الشاعر الجميل أحييك ايها الكروان الصادح

ولي شرف المرورك الاول
تقبل مروري وخالص تحيتي

[b]

الشاعر الجميل يسرى عثمان الحقيقه احييك على عملك الرائع وكلماتك الذهبيه التى ظهرت بين طيات حروفك ودعاء الكروان
ورغم وجود هنات بسيطه فى عملك ألا انه أحسن عمل قرأته لك لذلك اشكرك ايها الرائع على اجتهادك لتكون اكثر ابداعا
دمت بحب
ملحوظه
تثبت بواسطتى
لروعة الحرف[
/b]

الشاعر والاخ العزيز
كتبت فابدعت
تقبل مرورى

الشاعر الرائع/يسرى عثمان

كلمات بديعة المعانى سلم نبض قلمك الراقى

تقبل مرورى واعجابى بما يقدمتم

دعا .. باكي

ااقول لعنيه ياعيوني

ايه صحاكي ... وخلاكي

بتضوي لنجمه ناسياكي

الله ... الله .. الله يااستاذ يسري

والله العظيم انت موهوب

وعندك جمل عبقريه بجد

الله ينور عليك .. تحياتي

الاخ الحبيب والجار الجميل

يسرى عثمان

من اجمل ما كتبت . قصيده اخذت منك الوقت ولكن

خرجت جميله فى النهايه .

القادم احلا إن شاء الله .

مودتى وخالص تقديرى ...

الاستاذ الشاعر/ يسرى عثمان
جميل أن ينبض حرفك بما كتبت
نص رائع وجميل والقادم أفضل
تقبل مرورى ودمت بألف خير

عًٍليَكَمً آلسٌِِّلآمًوٍرٌٍحٍّمًة آللهٍَ وٍبٌَِرٌٍكَآتُِِّْة
اخى الشاعر يسرى عثمان بجد شئ جميل
وان شاءالله نرى لك اعمل متميزة تقبل مرورى
وتقبل وافر الاحترام

الاستاذ الشاعر يسري عثمان

جميل ايه المبدع في الموضوع

والتناول والسرد قصيدة بجد احييك

عليها لما فيها من جماليات وابداع

تسلم الايادي والقريحة.. تقبل مروري

الشاعر الجميل الكبير 0جمعة0
كنت نفسى تقرا لى علشان انا لما بقرا لك
انبسط قوى واحس انك بتقول السهل الممتنع
حاجة تحير
اشكر مرورك الجميل
على فكرةاى ملحوظة فى الميزان
روح للاستاذ عادل سند اوزن عندة
انا ماعنديش ميزان

الاستاذة الشاعره الكبيرة
روز مارى المنتدى
باحاول اوضب وارتب واحفلط
باانيلها وبتتكركب منى
ارجو ان تقبلوا اناتى على عواهنها
وعلى فكره انا حاقول كلام زى حدف الطوب
بس فى اخره حاتقولوا اللة

بيتهيء لى دا لون من الفن
ياريت تقبلوه
اشكر ملاحظاتك وراءيك بينفعنى

الفنان الشاعر محمد ىسرور
يااخى انت دايما تجبر خاطرى
اللة يجبر خاطرك يا شيخ

بسمة الورداللة
اللة عليكى وعلى مروركالعاطر
ذوقتى صفحتى ببسمتك
اشكرك

رمز المنتدى الشاعر الكبير اللى بيكبش
مفردات ممتعة ويحيرناويحطلها موسيقى تسهرنا واحنا علشان نرد نبات على نارنا
ياعم حانروح فين بس انا ناوي لك على رد
يليق ولو شوية باءبداعاتك المبهره
الفاضل عطيه شواش

حبيبى عدوله مالكشى دعوة
ابعد عن طريقى بدال ماخد منك الرتبه واطلعك معاش
ماعاش حد يزعلك
الناس قالوا لى انى باوزن وحش انا باقول
انا ما عنديش ميزان من اصلة
ووصيتهم يوزنوا عندك

اشكر طلتك الرائعة

الجميل الأستاذ
يسرى
كتبت فابدعت إلا قليل!!!!!!
تقبل مرورى

اخى الشاعر الجميل يسرى عثمان رائع ما ابدعت وقد امتعتنى فعلا تحياتى الخالصة تقبل مرورى

عزيزى الشاعر يسرى عثمان

تحياتى لك أيها المبدع ، وتقدم ملحوظ

يحسب لك ، وحتى لاأجامل ، أو أكرر

أضم صوتى لأخى الرقيق محمود جمعه

حتى نراك مبدعا فى أجمل صوره ، فما

كتبته اليوم مؤشر واضح ، لموهبة خلاقه

ستفرض نفسها على الساحة الأدبية قريبا.

تقبل تحياتى .

ملحمة شعرية فوق الوصف

تحياتى [i]

الأستاذ الشاعر والمبدع
يسرى عثمان
الكروان من الطيور التى ترتبط لدينا بالحزن
وكراونك اعاد فينا هذا الأحساس ..
وهذا النداء الذى اعتدنا ان تنرجم به
صوته .. الملك لك لك يا صاحب الملك
وكأنه يبلغنا رساله فى زحمه الدنيا لم
نعد ننتبه لها
جميل ما امتعتنا به استاذ يسرى
دام اباعك وتميزك .. ودمت بكل خير
وعام طيب بأذن الله Very Happy

الشاعر الفنان الممتع

عماد عويس اشكر مرورك الكريم لعله
تكون عجبتك اناتى

اخى الشاعر محروس عطرب
شكلك حنين وقلبك حنين
ورايك يخلى الحجر يلين
اشكر مرورك الكريم

الشاعرالامير يسرى يا اخى كل اسم يسرى
متعبين قصدى كويسين وبالنسبه لى
كلامك بيان سكوتك امان
فعايلك تيجان على الراس تزين

الشاعر الكبير صلاح طاهر
انا لسه باقول بسم الله
شوية وحاقول كويس
اشكر تواضع مرورك الكريم
وعندك تواضع كمان صدر واسع
ياساجد وراكع عبادة وتدين

» إلى آمنة(دعاء الكروان)
» كركر الكروان
» جرح الكروان بينزف
» دعاء الشفاء من حبه
» دعاء