تعرفها ؟

تعرفها؟
زى الشمس أما تشفها بتنور كل الاكوان
ضيها ياما لعلعل ملى سماها طيف والوان
اللى يا ما ربت اجيال وحضارة ميت الف عام
يعنى ايه اللحن يحلى من غير ما تقولها ف الموال
عرفتهايابن بلدى ولا مجتش لسه ع البال
تعرفها؟
هى الغندور بتتغندر يتغزلوا فيها الشبان
لبسه عقد لولى حباته خضره واطيان
فستنها انيق ورقيق منسوج من تلات الوان
ف وسطه دره ساطعه بترفرف تحمى الاوطان
تعرفها؟
هى اللى ياما سهرنالها وعزفنلها غنا والحان
ولما تاخد على خطرها ميملاش عينها اى انسان
مفيش سبب لحبها غير انى افضل احبها
مليانه خير بطبعها وكمان اصاله وحنان
عرفتها يابن بلدى ولا مجتش لسه ع البال

اصيله.مهرها غالى لا تتاقل بكنوز ولا مال
مالكنز فيها وف ترابها ملى قصورها دلال وكمال
بشوشه بتضحك لما تشفها تملى الدنيا سعاده وامال
تتمنى تعيش خدمها ماهى ست الحسن والجمال

انا ياما فضلت اشكى لها واحكى لها بقالى زمان
وان غبت عنها بحن لها حتى لو كنت ف اى مكان
ان ممكن اسيبك تغزلها وتغنلها
ترسم فى قومها وتحكلها
بس اوعى ياصحبى تزعلها
مش ح يكونلك فى الدنيا مكان

انا عرفك يابن بلدى ح ترد وتقولى ايه
ح تقول مغلبنا وتعبنا معاك كده ليه
هى كانت تقربلك ولا كانت عملتلك ايه
هقولك؟
حبيبتى ايوه بحبها كتيرعشنا ياما ضحت
علمتنا نصون عرضها لا ف يوم اشتكت ولا كرهت
وح فضل اعشقها وحبها ولا فرض فى خصله من شعرها
لانها ااست كتير وياما شالت و ربت

بتغزل فى عودها ورموشها محروسه يا بلدى م العين
ماعودها هو نيلها والورد مالى الشطين
ورموشها هى نخيلها زادت حلاوتها ضعفين
ماهى كلمه حلو يابلدى وكمان انتى كلمتين

يابن بلدى دى مش فزوره عشان تحتار فيها
دا كلمه من تلات حروف وال(ص) حرف ف وسطيها
هتقولى هى (مصر) دا ام الدنيا واللى فيها
[center]

كلمات جميله

تمنياتى لك بالمزيد من الابداع

دمت بحب

شكرا لكم اساتذتى ما زلت اتعلم منكم اشكر مروركم العطر