بوسة مفك

موضوع: بوسة مفك الثلاثاء ديسمبر 21, 2010 1:53 am

السلام عليكم
هذة القصيده مستخم فيها لفظ عراقى هو ( ترنفيس ) ومعناه مفك
ايارب تعجبكم

الدرنفيس قال للبنسه******ما تيجى نسهر سهرايه

نركب سوا قطر سبنسه ***** وتقضى ليله ويايا

قالتلو امشى يا مسلوع ***** سنك مصدى ومخروع

طب دا الشكوش هو الاروع *****غزلنى قالى يا نجمايه
----------------
يا صنع اصلى ويابانى ***** بصى يا به دانا طليانى

بدماغ حديد والعمر مديد ***** عوزانى اقولك ايه تانى

اوم قولتلو بس يا فشار *****صاحبك ده عدلك بالمنشار

روح دوق لك على كام مصمار *****وانسى بقى دى الغنوايه
-------------
والدرنفيس اه يا عين امه***** سمع الكلام ونشف دمه

مكنش ابدا يتصور ***** البنسه تديه ف مشمه

قام قالها طب خلينا ***** صاحبنا يطلع بالزينه

معاه ياخدنا لوحدينا ***** واحضن وابوس ف القمرايه
--------------------
البنسه قالت يا خرابى ****** لأ دا انتا ناوى على عذابى

عمرك متلمسنى بعزلك ******* الا اما تكتب لى كتابى

انا عايشه ف الدنيا بشرفى*******ما حد داس يوم على طرفى

ده حتى لو عقدين عرفى ******* عمرى ما اوافق يا ضنايا
--------------------
عاوز تفعصنى وتبوس******* تعملى فيها واد خلبوص

وساعتها ترمينى بسرعه ******** وتقول عليا بنت ماجوس

فتح وشوف بتكلم مين ******* د احنا حديد مش بنى ادمين

لو حتى تحلف الف يمين ******* فشر ما سلم بهوايا
------------------
الدرنفيس قال يا حلاوة ********* يعنى وافقتى يا بقلاوة

فى لحظه يحضر المأذون **** والمهر حاضر ونقاوة

قالت موافقه بس اسمع ******* عاوزة جراب شيك م المصنع

يكون بيضوى وبيلمع ******* زغروده بقى ياللى معايا

» بوسة مفك معدله
» بركات بوسة الزند !!= محمد خضر الشريف