منقوش شعر / شمس الصبر

هذه كلماتى أهديها إليكم أتمنى أن تنال إعجابكم.
منقوش على نبض القلب
على نبض قلوبنا نقشنا اسمك
ورسمنا وجوهنا على كفك
حطينا أحلامنا وياك
وحلفنا لنحقق حلمك
يافتاة أحلامنا ياعروسة
والكل بيجرى ورا قلبك
ليكى زفة ف اليوم كم مرة
وكل شاب بيشتاقلك
على بابك ملاييين جايين
لسماحة روحك طالبين
أرواحهم مهرك والشبكة
نصر يعزك طول السنين
مانتى الغالية يانبض القلب
حبك جوة ف ننى العين
يخلص منا كلام الحب
لو حتى زرعناه بساتين
ياللى ماغارت منك يوم
بنت جميلة ف ليلة العمر
على حبيبها العاشق ليكى
وشاغل بيكى الروح والفكر
سهرانة ليله بتمدح فيكى
حبيبتك دى ولا أجمل شعر
يسهروا ليلك يحكوا تاريخك
يرسموا عمرك نور الفجر
يكتبوا جرحك ع الأيام
يحلفوا بيكى لكل زمان
الشمع دمانا فى الزفة
والكوشة راس كل جبان
فرحك قرب ياعروسة
اغزلى م الورد الفستان
واعزفى ع الناى والمزمار
أعظم لحن من الألحان
من كل قلوبنا بنهنى
وتعيشى سعيدة ياحياتنا
سجل ياتاريخ فرحتنا
دى القدس الليلة عروستنا
بنزفها ع الأقصى الغالى
أحلى عريس بين كل اولادنا
بلغ كل بلاد الدنيا
إن القدس ف كل بيوتنا
ماهى منقوشة على نبض قلوبنا
كتبته / هنا عبد المجيد
الفيوم

الاخت العزيزه
جميل الموضوع و نتمنى ان نرى هذا العرس باعيننا عن قريب ان شاء الله
تحيات لك و لكلماتك الهادفه

جميل ما خطه قلمك

تحياتى

الاستاذه هناء عبد المجيد

نص به روحك الوطنيه . وامنيه نتمنى من الله

سبحانه وتعالى ان يتولها الاقصى وتنولها القدس

نص جميل لاينقصه إلا الوزن .

تحيتى وتقديرى ...

اهلا ومرحبا بك غاليتى
فى بيتك ومنتداك
وكلمالتك الوطنيه
والتى تحتوى على
الامل والحلم لعروستنا
الجميله مصر
تمنياتى بالمزيدمن الابداع
دمتى بحب

» كلام منقوش
» خلى توب الصبر حِصنك
» سنين الصبر
» طرح الصبر
» الصبر