ايه....دنيا (الجزء الاخير )

ياما ويا الليل فيه ناس بتبات
مش لاقيه الفرش اللى بتحتاج
وتبات بتئن ولا حد يحن
ولا ايد بتقدم ليها علاج
مش عايزه تزن وسابوها ترن
وبتدعى المولى يجيب افراج
والعيا بيهد مش راضيه تمد
فى اديها لغيرها من الاحراج
ولا حدش حس ولا شاف ولا بص
ولا قال عن حالهم يوم موال

********
ملايين نايمين على ارض بلاط
وغطاهم كان بس حصيره
وعيون باكيين ولا فادش عياط
عين وبصيره ايد وقصيره
لله شاكيين من غير اصوات
ولاهم طالبن غير تصبيره
وياريت لاقيين من قلب حنين
ولا حتى دموع عين الصيره
ولا حدش حس ولا شاف ولابص
ولا قال عن حالهم يوم موال

*******

ودى ناس بتعيش ربك مارضيش
غير يديها كل ما تحتاج
هو الرزاق وبدون تحويش
اموالها بتملا جميع لدراج
ورمالها كنوز ابخات وحظوظ
عايشين ومزاجهم احلى مزاج
من غير ماتعوز فى مسابقه تفوز
وبيخسر دايما المحتاج
وزمانها ودود وكمان ميت عود
فى عنيك ياحسود
لو شفت دجاجها مش اى دجاج
فى دهب بيبيض لو حتى مريض
والبيض شغال امواج امواج
وبتعمل بيه معلقه للبيه
الطفل عشان ينسى الازعاج
علشان يتربى زى الكبّه
وهى فى بقّه بدال العاج

ملحوظه
اناعندى معلقه صاج

وف قلب القصربتلاقى موجود
خدّام م البيض وخدم م السود
وحشم وعبيد افواج افواج
ولا حدش حس ولاشاف ولابص
ولا قال عن حالهم يوم موال

وادىناس بتعيش اكلها تحابيش
ولحوم وطيور وكبد عصفور
ودنادى بريش او من غير ريش
كفيار وسيمون وفيميه
وحاجات ما عرفش انا ايه
انا بسمع كدا بس مادقتوش
والحلو ياميش وعصير
وخشاف وفروته سلاط

ملحوظه

انا ماعرفشى غير خضره سلاط
واخدها ساعات كدا بالشروه
وابويا لحد ما سابنا ومات
كان بيخاف من ابو فروه !!

انتهت الملحوظه

واللوزوالجوز بين الوجبات
منجه وتفاح مايضرش هات
وتعالى ياتوتوشويه نخش
نتفرج حبه ايه فى الدش
هات الروموتات هات القنوات
هات لنا واحده فيها الفايده
ابعد ايدك عاللى مش
اما النوم والتأييل ماتقولليش
فى سرير كرانيش ومخدات ريش
والقطن سفنج
بتنام وكأنك واخد بنج
والاوضه تلف
و العقل فاضل له دقيقه ويخف
عن اذنك بس دقيقه ونص
على بال ما تحس وتشوف وتبص
وتغنى عليهم كام موال

الشاعر الجميل رأفت توفيق

هى الدنيا كدا اتخلقت كدا

على دا ودا

ناس معاها وناس معهاش

وناس بيضيع عمرها

ف ببلاش

وهى دايرة علينا

مافيش غير كدا

اسمح لى ايها الرائع

بتنسيق رائعتك وتكبير

الخط وتلوينه

دمت بحب

الاستاذ الشاعر

رأفت توفيق

زجليه كتبت فيها عن نوعيات مختلفه من البشر

والفرق الشاسع بينهم . فمنهم من لايجد قوت يومه

ومنهم من يبذر ويسرف .

احييك على جمال زجلك الجميل استاذ رأفت ..

مودتى وتقديرى ..

الشاعر الجميل رأفت توفيق ابدعت واحسنت فامتعتنى يا استاذ تقبل مرورى

» حوار القلب والعقل (الجزء الاخير)
» ايه...دنيا (الجزء الاول )
» ايه..... دنيا (الجزء الثانى )
» النزع الأخير
» حلا بسه يا دنيا