دمع السكات

موضوع: دمع السكات الأربعاء ديسمبر 15, 2010 11:35 am

يا مصر يا ام الطيبين

أرضك بتنده ف الشروق

عطشانه لحظه ترتوى

منك بشوق حب وحنين

دمعة عينين إبنك هناك

يبكى ف توهة غربته

مر السنين فيه تحلمه

يرجع ساعات

يزرع ف أرضك بسمته

عارف معاكى قسمته

مرسومة على نور الطريق

متبروزة ف الإعلانات

تعويذه ف حروفها اللجام

ويا اللى قام

فارس وفارد ع البشر

خطوة حصان

ترمى ترابها ع اللى كان

ف الفكر دا مالى المكان

لحظات بتحلم الإنعدام

ف الذكريات

حكايات كتير

سالب وموجب ف الطريق

والقشه لو تنقذ غريق

لازم يصمم ف العبور

خط الغباء

مالك زمام الإسئلة

بين السطور

من سين لجيم الخاتمه

مارد عجيب يتمنى لحظة يختمه

ويا القلم

متحضرين المحضرين

وف النهايه مكتفين

ف كل لحظة نفسهم

ف الحاضرين

يادى الوجع

كان بس ليه ويل القسى

يا مؤمنين

عايش حياتكو

ف اللسان

مر وحنضل بالقوى

يا مصر يا ام الطيبين

ليه الملامح تتلوى

بين الكفوف متشققه

مر الشقى

ف الرمح بين الحيرانين

ف مين ومين يسبق آمين

حلبه صراع تسألنا

من بين النفس

تطلب معين

لحظة حكاية

تتحكى بين السنين

ولا عمرهاش ويا الحدث

طرحت سؤال

موضوع: دمع السكات الأربعاء ديسمبر 15, 2010 11:51 am

الابنة العزيزة الغالية الشاعرة المتميزة جدا والمتألقة على الدوام
الاستاذة رشا فؤاد

تحياتى وتقديرى وشكرا على امتاعنا برائعة من روائع قصائك
الجميلة 0 ايه ياست الكل الروعة والجمال دة فى الصياغة بالكلمات
الرقيقة الراقية والصور الرائعة 0

دمتى بكل خير ومحبة وسعادة ودام ابداعك الرائع وتقبلى مرورى
الاول المتواضع 0

حلبه صراع تسألنا

من بين النفس

تطلب معين

لحظة حكاية

تتحكى بين السنين

ولا عمرهاش ويا الحدث

طرحت سؤال
******
أعجبت كثيرا بهذا الجزء
متألقة كعادتك يارشا
ودائما ألمس في قصائدك الحس العاطفي
وهذا ان دل على رقة المشاعر
دومتِ متميز ياشاعرتنا الرقيقة

الرائعه دوما
والمتميزه اكيد
الشاعره الجميله والمبدعه ..رشا فؤاد
دمع السكات وصمت الأنين
نخر عضامنا من سنين
خلى الوجع فينا ارتجع
وتبت قدمنا المحبوسين
جوه سلاسل ظلمهم
والقسوه اللى فى قلبهم
تحرق آهاتنا المكتومين
------------------------
ابيات شديده التواضع تنحنى تقديرا
لرائعتك يا رائعه
تقبلى مرورى ودمت مبدعه Smile

الابنه الغاليه الشاعره

رشا فؤاد

ينسق النص ويكبر الخط اولاّ

ويتم تثبيتها ..

ثم لى عوده لتلك القصيده .

رائعة رشا رائعة
رغم الا لا م الموجعة
ولله مهما احكى عنك
عمرى ما قول غير مبد عة

يا مسحراتى تعالا
اصرخ وصحينا
مركبنا ليه أخفقت
مرستش عالمينا
ياما سمعنا خطب
وكلا م كتير مكتوب
مختوم بختم الشعار
بصمه أفند ينا

يا قلبى رايح فين
ونسيتنى يا با شا
قا ل لى لأجمل كلام
مد هش على الشاشة
رد يت عليه قلتله
يا قلبى مش ح تعود
قا ل لى دا نادر وجود
بنت فؤاد رشا

من مرسى مطروح

Cool

الشاعرة الجميله / رشا فؤاد

كتبتى فأبدعتى وعبرتى فاتقنتى وامتعتينا معاكى

كلماتك بديعهوراقية دائما

اسلوبك مميز فعلا

تقبلى مرورى واعجابى بما تقدمى

الله الله الله يا رشا
بجد كلمات جميلة اوى وغاية فى ابداع الوصف
لكم منا من يعتريه شعور بداخله ويريد ان يعبر فيصمت ويعجز قلمه ولكن هيهات هيهات ان يعجز قلمك ايتها الشاعرة الجميلة رشا
تقبلى مرورى خالص ودى وتقديرى وتحية خاصة لشخصك

موضوع: رد: دمع السكات الخميس ديسمبر 16, 2010 8:32 am

الأب الفاضل والمبدع الكبير أستاذى فوزى الشربينى

لقد شرفتنى بالفعل فى مرورك المتفرد على عملى المتواضع

الذى زادة شرفنا تقديرك الكريم

وبهاء حرفك بين سطورك

التى تتحدث عن نبل شخصك الكريم

ميرسى جداً لحضرتك

ربنا يخليك لينا

Very Happy

موضوع: رد: دمع السكات الخميس ديسمبر 16, 2010 9:52 am

الله عليكي يا استاذة رشا

بجد روعة فصيدة تحفة

من ما تحتويه من ابداع

وصور بقدر ما هي موجعة

الا انها حقيقية مع الاسف

تسلم ايديكي استاذة رشا

رغم صغر سنك الا انك

سباقة ولديك بعد نظر وعمق

بسم الله ما شاء الله

سعيد جداً بتقدمك الدائم

خالص ود وتقدير.عمك يسري

موضوع: رد: دمع السكات الخميس ديسمبر 16, 2010 4:10 pm

الشاعرة الرقيقة/ رشا فؤاد
ابداع راقي وكلمات عميقة واسولب صار له شخصيته
قلت جدا هناتك وما راه ثقيلا على الاذن مثل

لحظات بتحلم الإنعدام

وبعض الاملاء التاء والهاء والهمزات

تقبلي ثقل كلماتى
مودتى

موضوع: رد: دمع السكات الخميس ديسمبر 16, 2010 4:44 pm

حلوة كتير يا رشا

موضوع: رد: دمع السكات الخميس ديسمبر 16, 2010 5:37 pm

موضوع جميل رشا كاعادتك

واسعدنى جدا تمسك بالمضمون لنهاية القصيده

تحيتى لروعتك رشا

ودائما مع ابداعك وروعتك

دمتِ بحب

موضوع: رد: دمع السكات الخميس ديسمبر 16, 2010 6:59 pm

الأستاذة رشا .

أرى دائما في شعرك تميزاً وتفرد

وحس عاطفي رائع .

رغم الالام الكثيرة التى بالنص .

تحياتي لكِ ولنصك الذى عشت معه كثيراً .

موضوع: رد: دمع السكات الخميس ديسمبر 16, 2010 7:03 pm

الرائعة رشا
ما أجمل أن نحلم لهذا الوطن و ما أقسى دمع السكات
عندما يكون بسببه
كتبت فأبدعت أيتها الرائعة
خالص ودي

موضوع: رد: دمع السكات الخميس ديسمبر 16, 2010 8:36 pm

الشاعرة المتميزة جدا رشا فؤاد

ما أجمل أن نتوحد مع المعانى الشاعرة بنا

لكم أنا سعيد بمصافحة إبداعك الراقى

تقبلى أرق تحياتى

الابته الغاليه الشاعره

رشا فؤاد

نص به بصمتك المميزه . والتى لا تتكرر ..

اسنهلال رائع بالنداء الى مصر مع التنبيه الذى يشوبه

العتاب . وبحرفيه اخذتى القاريء بهواده الى المعاناه

التى يعانيها هذا الابن الذى لاتشعر به الام فى قولك :

دمعة عينين إبنك هناك

يبكى ف توهة غربته

مر السنين فيه تحلمه

يرجع ساعات

يزرع ف أرضك بسمته

عارف معاكى قسمته

مرسومة على نور الطريق

متبروزة ف الإعلانات

تعويذه ف حروفها اللجام

ثم تعودى بنفس الحرفيه الى قلب الموضوع والذى يغلب عليه

الرمزيه والاسقاط .

انا لست بناقد ولكن محاوله لاظهار بواطن الابداع فى هذا النص

تقبلى مرورى مع خالص تقديرى ...

رشا فؤاد كتب:: يا مصر يا ام الطيبين

أرضك بتنده ف الشروق

عطشانه لحظه ترتوى

منك بشوق حب وحنين

دمعة عينين إبنك هناك

يبكى ف توهة غربته

مر السنين فيه تحلمه

يرجع ساعات

يزرع ف أرضك بسمته

عارف معاكى قسمته

مرسومة على نور الطريق

متبروزة ف الإعلانات

تعويذه ف حروفها اللجام

ويا اللى قام

فارس وفارد ع البشر

خطوة حصان

ترمى ترابها ع اللى كان

ف الفكر دا مالى المكان

لحظات بتحلم الإنعدام

ف الذكريات

حكايات كتير

سالب وموجب ف الطريق

والقشه لو تنقذ غريق

لازم يصمم ف العبور

خط الغباء

مالك زمام الإسئلة

بين السطور

من سين لجيم الخاتمه

مارد عجيب يتمنى لحظة يختمه

ويا القلم

متحضرين المحضرين

وف النهايه مكتفين

ف كل لحظة نفسهم

ف الحاضرين

يادى الوجع

كان بس ليه ويل القسى

يا مؤمنين

عايش حياتكو

ف اللسان

مر وحنضل بالقوى

يا مصر يا ام الطيبين

ليه الملامح تتلوى

بين الكفوف متشققه

مر الشقى

ف الرمح بين الحيرانين

ف مين ومين يسبق آمين

حلبه صراع تسألنا

من بين النفس

تطلب معين

لحظة حكاية

تتحكى بين السنين

ولا عمرهاش ويا الحدث

طرحت سؤال

[color:a72b=blueize=24]]]الشاعرة الجميلة/رشا فؤاد
صور ومعانى واهات موجعه ولكنها خدمت
النص جيدا والمضمون ممتاز والبداية والنهاية
رائعة احسنى وتقبلى مرورى ودمتى بألف خير[/center] Very Happy

دمع السكات ؟؟؟؟

كان فين ومات

ماتغيريش الأ سئله

لما البنات

تسأل حاجات

يبقي وقعنا ف مشكله

السقا مات

زغم انه فات

علي كل شجره مائله

مالقاش جذور

تنفع بخور

فتبقي فين المعضله ؟؟

اضحك ودموعي ع الخدود سراسيب

اه يا زمان الغربه .. سيب وانا سيب

واحن لصدرك واصرخ من غير صوت

زي ماقالت روشا بــ ( دمع سكوت )

قالت كل مصايب الدنيا ... إلا الموت

الله يسامحك يارشا وجعتي قلبي

هو انا ناقصك ؟؟؟؟

موضوع: رد: دمع السكات الجمعة ديسمبر 17, 2010 8:35 am

الجميلة شكلآ وموضوعا رشا فؤاد.
نص رائع .دائما مفرداتك جذابة وبراقة تجبرنى على قراتها مرة واثنين وتلاتة .
دمتى بتالق وخير

موضوع: رد: دمع السكات الجمعة ديسمبر 17, 2010 9:52 am

الأخت العزيزة مريم

الرقة الحقيقية تكمن فى روعة تعليقك

ومشاعرك النبيلة إتجاهى وإتجاه ما أكتب

فدائماً أنتى رائعة ومحبه

ميرسى بجد

تعليق روعة

Smile

رشا فؤاد المتميزة دائما
بجد يا رشا ارى هنا ابادع حقيقى منفرد بيكى وباسلوك المميرز الى انا اعرفة من وسط مليون شاعرقصيدة تناجى مصرنا الحبيبة ددمتى متميزة ورائعة رشا
اخوكى
تيمو

يامصر با ام الطيبين قلبي اتعصر خمره

يسكر العربيد والعابد وابو العيون حمره

واشرب بنفس الكاس ولا ارتوي فيكي

كن اللي ماسك في ايدك قابض علي جمره

عجبي
****

الشاعرة الراقيه رشا فؤد وصفتي فابدعتي الوصف

تحياتي لك

موضوع: رد: دمع السكات الجمعة ديسمبر 17, 2010 4:18 pm

ما شاء الله عليكى يا رشا
انت شاعرة جميلة
و كل أدواتك مكتمله الآن
بقرأ لك علشان أستمتع بجمال كلماتك

موضوع: رد: دمع السكات السبت ديسمبر 18, 2010 9:37 am

يا مصر يا ام الطيبين

أرضك بتنده ف الشروق

عطشانه لحظه ترتوى

منك بشوق

جزء رقيق في قصيدة رقيقه لشاعره في منتهى الرقه

دام ابداعك يا استاذه رشا

» وجع السكات