شـــــــــــــاعر

قالوا شاعر
قلت أنا ميت
****
لما نزلت البحر لأول مرة
كان البحر كبير
دلوقت البحر ما عدش يكفى
هو البحر أتغير
ولا أنت اللي كبرت عليه


قالوا ميت
قلت أنا شاعر
****
لما كان عمرك تمنتاشر
وعملت غلطة عمرك
خمسة وعشرين سنة حبس
جوه نفسك
ولإنك مشاغب
مفيش عفو عنك
ولا زيارات
دلوقت انت خارج
بعمرك القديم
ولا بالسنين اللي اتحسبت عليك


قالوا ميت
قلت ميت
****
كنا كتير
لكن من طول السكة
زى المطر
كنا بنسقط الواحد بعد التانى

الرقيقه / عزه الزرقانى
دائما سباقه لفعل كل ما هو جميل

الشاعرة الواعده / الاميرة
دائما ما تفوح صفحاتى بعبير كلماتك
كونى دائما متواجده حتى أأتنس بكلماتك فهى تدفعنى الى بذل الكثير من الجهد

اخى الشاعر الكبير / عادل سند
لو لم اجدك فمن اجد
ادامك المولى عز وجل
( ماهو الكبير مش بالكلام )

اخى / محمد خضر الشريف
ايه يا عم الكلام الكبير ده ؟
هو انا قد كده
كل الحكايه انى نقطه ف بحر واتمنى انها تكون ف بحر الشعر ( بس مش بحر الخليل )
ع العموم
ربنا يديم عليك الكلام الحلو ده وما يحرمنيش من ذوقك وكرمك

اخى الشاعر الجميل / محسن الحارونى
اشكر شعورك الراقى بس عايز اقولك كلمه ف ودنك
مافيش حد كبير ع الشعر
كلتا بنتعلم ودى حقيقه مش اى حاجه تانيه
اتمنى ان تنال ما تصبو اليه

الجميله / بنوته مصريه
الاجمل هو مرورك الذى عطر صفحتى
بس عايز اقولك النص مش موزون ولا حاجه يمكن فيه مناطق موزونه غصب عنى زى عناوين الفواصل بس المحتوى ماظنش
دمت بكل حب

رائع استاذى نثرية جيدة ولكن بها روح التفعيلة
قد يكون لى عودة

شريف

الاخ الشاعر / شريف
منك نتعلم لذا
اجو ان تطلعنى على تلك المناطق التى تصفها بروح التفعيله
واكون لك شاكرا

الأخت / صفاء ناصر
اين انت ايتها الشاعره ؟؟؟
اشكر مرورك الكريم

الشاعر والزجال المتميز / محمد سرور
اشكر كلماتك الرقيقة
وأشد على يديك لكونك واحدا من قلائل مازالوا يتمسكون بهذا الفن الراقى الذى نحن فى أشد الاحتياج إليه هذه الايام وهو فن الزجل