عبدالوهاب خليل/ عاطف عاشور

اهـــداء إلي حبـيـبـنـا
سيادة اللواء/عبد الوهاب خليل
بمناسبة مقعد البرلمان
2011 /2015

أصيل والأصل زيـنــة
وعليه مليون دلـــيـــل
في قرية أو مدينــــــة
عبـد الوهـاب خليــــل

بنحبه..وقبـــــل حتــي
ما نشوفـه ونعــرفـــه
وحبايبُه فــ كل حتـــه
رجــالــه يشـــــرفـــوا

لا عمــرُه يردّ واحـــد
احتاجــه ف أي شيء
أبونجــم تملـى صاعـد
أبو قلب أبيض جرئ

مبروك عليك يا باشــا
وعلينا وعلى الجميــع
وكـّلا وألف حاشـــــــا
حقوقنا ف يوم تضيــع

عقبال ما فــ يوم نبارك
على شئ أكبر فـ بالي
والله .... وتستحـــقــه
لو تنصفـنـــــا الليالـي

أقصد كرسي الـوزارة
أو حاجة ف مستـــواه
وان قالى صاحبي لآآآ
حـ اقوله ألــف آآآآآآه

عبد الوهـاب"علامة "
واللى ف وزنة قَليـــل
دي الحكمـة والشهامة
عبــد الوهــاب خليـــل

عاطف عاشور

الاخ الحبيب الشاعر

عاطف عاشور

مبروك لسيادة اللواء / عبد الوهاب خليل .

ياترى حزب وطنى ولاّ ............. ؟؟؟

آه .. ما انت عارف ان انا اكبر مؤيد للحزب

ههههههههههههههههههههههههههههه

الاستاذ / عادل
كان مستقلا
وكان نازل أمام الاستاذ مصطفي القياتى ابن عمه
ورئيس لجنة الاسكان بالمجلس المنحل الذي قابلنى قدرا بالجيزة
فقال لي لو محتاج أى شيء في أي وقت تعالي إليّ بمقر الحزب امام مديرية الأمن
كلاهما لم أر منه إلا كل الخير والحمد لله أدعوه أن يغنيني عن جميع الخلق
ولكن لا نهضم الناس حقوقها
والحمد لله نم الصلح بينهما بعد نجاح اللواء عبد الوهاب خليل
وفق الله الجميع لما يحب ويرضي
ووقانا شر الفتن
مودتى أيها الجميل
عاطف

الاخ الحبيب الشاعر

عاطف عاشور

انا لا أقلل من شأن الرجل .

ولكن فى قولى { حزب وطنى .. ولاّ .. }

اقصد ان نجاحه كان مضموناّ ولو لم يأخذ اى صوت

كما حدث فى كثير من الدوائر الإنتخابيه .

ولكن رجل بتلك الصفات انا أؤيد نجاحه طالما يجيب المحتاج

وانا معاك .. ربنا يغنينا عنهم .

اردت التنويه فقط ..

صباحك وطنى .. ومساؤك مبارك ..

مودتى وتقديرى ..

عادل عوض سند كتب:: الاخ الحبيب الشاعر

عاطف عاشور

انا لا أقلل من شأن الرجل .

ولكن فى قولى { حزب وطنى .. ولاّ .. }

اقصد ان نجاحه كان مضموناّ ولو لم يأخذ اى صوت

كما حدث فى كثير من الدوائر الإنتخابيه .

ولكن رجل بتلك الصفات انا أؤيد نجاحه طالما يجيب المحتاج

وانا معاك .. ربنا يغنينا عنهم .

اردت التنويه فقط ..

صباحك وطنى .. ومساؤك مبارك ..

مودتى وتقديرى ..

أحب هذا الرجل
وأرى أننا نحتاج لمثلة في الدائرة

صباحك وطنى ومساؤك مبارك يبقي ليلتك ك....

كوبيا .. اصلى مش فاهم ..

طب فهمنى ؟؟

هههههههههههههههههههههههههه

يكفيك شرها
مع انى سمعت عنها بس

والمصحف أنا شامم ريحه وحشه في الموضوع

حتقول ولا أفضحك ؟؟؟؟؟؟ظ

م/عطية شواش كتب:: والمصحف أنا شامم ريحه وحشه في الموضوع

حتقول ولا أفضحك ؟؟؟؟؟؟ظ

قاااااااااااااااااااااااااابض
استريحت ؟؟؟؟؟؟؟؟؟؟؟؟
ننيم المبدأ حبتين بقي
وبعدين نقيمه بالعمل تاني
وبعدين الراجل مستقل
لا عاجبك وطنى ولا مستقل
طب نعملكو أيه بس؟؟

اللواء / عبد الوهاب خليل
ضابط شرطه سابق
مدير الامن السابق لمحافظة 6 اكتوبر
وهو رجل من الرجال القلائل ومن خيرة الرجال
وخدوم جدا لاهل بلده بمنطقة الصف وضواحيها
لدرجة انه كان يخصص حجره بمكتبه لاستقبال اهل بلده اثناه خدمته
والعمل الجاد على حل مشاكلهم
وهو محب جدا لعمل الخير ومساعدة البسطاء
فى تقديم حلول لمشكالهم
وهو محبوب جدا جدا وله شعبيه جارفه بالصف وضواحيها
تلك نبذه بسيطه عنه للغايه
ومبروك له عضوية مجلس الشعب
فهو يستحقها عن جدارة
وليس لى به ادنى صله
ولكن ما سمعته عنه من اهل بلده
ودائرته
عصام

قولهم يا عم عصام
العالم دي شكاكة وكل حاجة عندهم لازم تكون مدفوعة الثمن
وبعدين أنا اللى حقبض بردو ؟؟؟
دا غلباااااان على رأي عادل إمام
شكرا ياعم الباشمهندس / عصام سالمان
والله دي معلومة جديده على كمان موضوع الحجرة ده
على فكرة هوه كمان كان شخصيته قويه ومحبوب
وسمعت إن الداخليه بعد ما طلع معاش اتصلوا بيه عشان القلق اللى كان في العمرانية
وهو اللى حل الموضوع لأن إخواننا المسيحيين بيعزوه جامد
والله أعلم
ربنا يولى من يصلح ويصلح من يتولى
عاطف عاشور

» إلي :حسام خليل- تعليقا علي
» عاطف عاشور
» نفسي / عاطف عاشور
» ماجتش ليه؟/عاطف عاشور
» كنت محقا / عاطف عاشور