| | خماسيات |  |
|
+23تيمو هبه سلامة عبد المولي طاهر الصوفاني عاطف الجندى يسري حنفي سرحه عمرو زتون حمدى شيبة مريم yousry_osman د /صلاح طاهر حسام خليل فاطمة حمزة دعاء العطــار محمد خضر الشريف بسمة الورد رشا فؤاد عادل عوض سند عاطف عاشور محمود جمعة عصام سالمان الشاعرة عزة الزرقانى م/عطية شواش 27 مشترك |
|
| كاتب الموضوع | رسالة |
|---|
م/عطية شواش
مشرف العامية
الدولة : 
عدد الرسائل : 2959 نقاط : 3060 تاريخ التسجيل : 21/06/2010
بطاقة الشخصية
مرئى للجميع:
 |  موضوع: خماسيات  الثلاثاء ديسمبر 07, 2010 8:00 pm | |
|
بعض الكلام له شكل الخنجر وبعض الكلام له شكل الجرح
خماسيـــــــــــــــــات
يابو الندم يازعيق
الفجر جاي ع الريق
فين لما اصالح مين
صبر الزلط ع الطين
مش كل أخ شقيق
..........
السجن جبه غميق
والسجانين مطاليق
والمسجونين مساكين
بياكلهم الملاعين
زي الكلاب ع الريق
..........
سناره الصياد
جايبه السمك بميعاد
والطعم شكله علاج
يصدقه المحتاج
الجوع أبو الإلحاد
..........
سامع آدان الديك
والفجر بيعديك
كسلان تروح الغيط
ولا انت أصلك خيط
في جبه المماليك
..........
شيخ البلد سيبو
يفرد الاعيبو
عمرك ماتصبح حر
إلا اما تعرف مر
النحل من طيبو
..........
ياللي انت أبوك حداد
صنع سيوف وغماد
بتعمل ايه بالكور ؟؟
والجمر لما يفور
دمك علي البراد
..........
القلب قبل السيف
دا العوم علي التجديف
والفهم قبل القول
دا الغوله تولد غول
يغني عن التعريف
..........
قاعد لي تحت الشجر
لما يزول المطر
لاضله نفعت فيك
ولا القعاد يعفيك
جبنك يذيد الخطر
..........
الدنيا ليه بتغم ؟؟
وودانها ليه بتصم
وان جيت تمد البوز
تاخدها م البزبوز
يدخل آفاك ف الكم
..........
ولما طال العود
دخلت جحورها الدود
والبلبل الصداح
سمي الغناوي كفاح
كان القفص موجود
..........
ولأنك مش فاهم فرق الواحد
م المليـــــــــــــــــــــــــــــار
غير حبة أصفار
فيبقي الجمع يمثل إيه ؟؟
علي قد لحافه تطول رجليه
علي قد مايبقي خزين البيت
بنقيد النار
..........
بتحبي بلدك ياوهيبه ؟؟ مافيهاش عيبه
بس اللي حازز والخيبه
ليه حب مصر ممسينا ومصحينا
وهي أبدآ ولا مره راضيه علينا
ونص مصر الحبيبه .. ف التخشيبه
..........
لو تاكل الدنيا ف نوبه
وإدينا عاجزه ومصلوبه
ونص مصر الحراميه م المنو.......
هليبه وولاد جنيه
لو نص مصر المنهوبه تحدف طوبه
..........
حاطط أخرنا ف أولنا
وحكومه جايه تدهولنا
مع إن جيبنا مافيش حاجه
لا خلو بيضه في دجاجه
وان قلنا حاحا تأولنا
..........
العشره منكم ببريزه
قفل لي علي طوخ والجيزه
واقرا الجرايد لما تبات
في الميه وتطلع ف غازات
تاكل وتشرب بالفيزه
..........
ومين يجمع سوا ؟؟
العله ولا الدوا
الجرح نام مفتوح
والريحه لما تفوح
يقدر يطيب .. إن نوي
..........
ماليش كتير ف الهوا والهوا ريس
وبلدنا عايزه نحبها كويس
حمار ف حب الوطن ولا ألف متثقف
وقف يا شيخ العرب والنبي وقف
مش قادر افهم إصول اللعبه وأتسيس
..........
عابر سبيل عطشان
والميه ف الدكان
سألت ميت بقال
قالوا نبيع ف الحال
بأمر م السلطان
..........
قصر الكلام وقليل
لاقتني جنب النيل
ماليت حفان بالإيد
أتاري قفل حديد
محطوط علي التوكيل
..........
عابر سبيل يا حباب
من دوله الإرهاب
عطشان في ارض الخير
إلهي يا مونشير
تتحرموا م الإنجاب
..........
نطه وفوت جنب الحوت
عد مصايف وابني بيوت
دنيا غروره
زي الكوره
واقفه علي دماغنا وبتشوط
..........
حادي بادي
سيدي محمد البغدادي
والبغداد راحت في الهيله
وماحدش غتها من العيله
والدور حيلف علي بلادي
..........
حادي بادي مين التاني ؟
حيفرط ف عشاه علشاني
الدنيا هتصبح استيكه
تتمسح ف سطور أمريكا
صحيني ان نمت علي وداني
..........
أمانه يابو خيمه زرقه
توعدنا بمفارقه
الناس دي راحه تهبش
وتقب ماتقبش
الناس دي جايه سارقه
..........
مهبوله إدوها طبله
فلزمن تبقي أبله
في الصبح تعدنا
وان غبنا تمدنا
عشان جايه لنا حبله
..........
الشعب ف إيده سلطه
والديك آدن أونطه
عشمان يخطي نوح
وقاعد ع السطوح
مع إنه جي غلطه
..........
نلاعبكم ماتلاغونا ؟؟
نحايلكم تحكمونا
شعبك راضي
عشان مش فاضي
وحيطلع نأبك علي شونه
..........
قام الديك علي حد السيف
قال البرد ف عز الصيف
مين حيغيته م السياف
لو آدن من بعد ما شاف
عايش فيها وميت ضيف
..........
حتغمض عين الحجاب
وتكسر كل الأبواب
تملا فراغ البطن وإيدها
تدعي لك تيجي تولدها
مولانا بيدي بلا حساب
..........
مين قالك يابو عقل جاموسي
تتزوق وتعيش بفلوسي ؟؟
مش سايبك لو حتي حا موت
مش حتسامح .. إلا القوت
وحقول بالعربي وبالروسي
..........
نام يا مغفل واشبع نوم
واغرق ف الفته اما تعوم
وكفوفنا القابضه علي الدكه
فكت والرك علي الفكه
جيالك والخوف معدوم
..........
مين في بلدنا حيفرد حيلو ؟؟
ويلف التعلب من ديلو
وندوخ زي مادوخنا
ويحوط علي كل فراخنا
بالبلغه ويقلع يديلو
..........
مين قالك يا بو عقل حميري ؟؟
مين قالك تحكم من خيري
مش هيه مداوله وقلناها
وان كان ع اللقمه قسمناها
خبيتها ونمت علي سريري
..........
تكشيره فوق الوش
خاليه البكش والغش
كارهينو من قولو
والحكمه من بولو
حارقه الطبق والدش
..........
دي ماكتش اكله دي
اسهل من العادي
يا شيخ هنيه لك
وان حد بصالك
سلط عليه دادي
..........
الحاله والدنيا
متصابه بالتنيا
كإن جيش الروم
معدي ع الفيوم
وقاصدنا بالعنيه
..........
يامصر خبينا
إنشاله في مارينا
ولما حيعدوا
دبحونا واتغدوا
يمكن تحبينا
| |
|
 | |
الشاعرة عزة الزرقانى
شاعرة
الدولة :
عدد الرسائل : 10688 نقاط : 11193 تاريخ التسجيل : 27/04/2009
بطاقة الشخصية
مرئى للجميع:
| | موضوع: رد: خماسيات الثلاثاء ديسمبر 07, 2010 8:18 pm | |
| [b]
تثبت روعتك أولا
ثم اعود لروعة حروفك
شاعرنا القدير الكبير
مهندس عطيه شواش
دمت بكل حب
وخير وسعاده وسلام[
/b] | |
|
| | |
عصام سالمان
شاعر
الدولة : 
عدد الرسائل : 546 نقاط : 663 تاريخ التسجيل : 16/05/2010
بطاقة الشخصية
مرئى للجميع:
| | موضوع: رد: خماسيات الثلاثاء ديسمبر 07, 2010 8:49 pm | |
| | |
|
| | |
محمود جمعة
مشرف العامية
الدولة :
 
عدد الرسائل : 3372 64
نقاط : 3785 تاريخ التسجيل : 04/06/2010
بطاقة الشخصية
مرئى للجميع:
| | موضوع: رد: خماسيات الأربعاء ديسمبر 08, 2010 4:44 am | |
| استاذي الكبير الشاعر المهندس عطية شواش
أية يا عمنا ده ؟؟ مفيش كلام اقوله على خماسياتك ..لانها اجمل من اي كلام
واجمل من اي جمال ..
حكمة ووعي وفهم وصياغة وصور وتعبيرات ومتعة ...كل غاية في الروعة
دمت لنا شاعرا كبير ومبدعا فذا
وبكل خير وسعادة | |
|
| | |
عاطف عاشور
شاعر
الدولة :
عدد الرسائل : 3490 الهواية : ترقرق الحب في عينيّ وانسكب .. لما شعرت بأن البعد قد قرب
نقاط : 3769 تاريخ التسجيل : 05/05/2010
بطاقة الشخصية
مرئى للجميع:
| | موضوع: رد: خماسيات الأربعاء ديسمبر 08, 2010 5:08 am | |
| ياللي انت أبوك حداد
صنع سيوف وغماد
بتعمل ايه بالكور ؟؟
والجمر لما يفور
دمك علي البراد
الكبير / م عطية شواش
هذه الخماسية وحدها قصيدة
فما بالك بما تبقي
بس على فكرة
الجماعة زعلانين منك وبيقولولك مش متحملين الرباعيات
داخل علينا بخماسيات كمان
خف قبل ما يزعلوا منك وبعدين دول زعلهم وحش
ههههههههههههههههه
يا ابو الكلام شفتشى
مطلوب تلم الدور
استر بقي واختشي
من حارسين الزور
أصل انت دايما كدا
ما تقولش غير الحق
لكن في بلدي الحق
دايما يقف ف الزور
مودتى
عاطف | |
|
| | |
عادل عوض سند
نائب المديرالعام
الدولة :
عدد الرسائل : 19900 نقاط : 20417 تاريخ التسجيل : 07/01/2009
بطاقة الشخصية
مرئى للجميع:
| | موضوع: رد: خماسيات الأربعاء ديسمبر 08, 2010 6:51 am | |
| والله حا نجيلك تانى
قوم وإلقانى
عاللحم لابس قفطانى
وحا ارد عليك
من غير شباشب او غيره
آه من خيره
قارفنا دايماّ بشخيره
عايز يداديك
وإيده دايماّ مبروكه
زى الشوكه
حالف لاتدخل عمبوكه
علشان يرضيك
جايلك يا جميل .. استننانى ..
مش حا اغيب عليك ... | |
|
| | |
رشا فؤاد
شاعرة
الدولة :
عدد الرسائل : 3436 نقاط : 4037 تاريخ التسجيل : 25/04/2009
بطاقة الشخصية
مرئى للجميع:
| | موضوع: رد: خماسيات الأربعاء ديسمبر 08, 2010 9:27 am | |
| أستاذى المبدع الكبير عطية الشواش والله دا كلامك روعة ف المعنى لحروفه انا سامعه الدنيا لما تناديله وتقول الله خماسية لكن ف المعنى واعرة ولامعه مع كل حرف ف عين دمعه من قوه ف كلام يوجعنا لما بيوصف أوجاعنا ونقول بريه يا سلام على الإبداع يا أستاذنا طب والله أستمتعت واستفدت واتعلمت أبداع رائع وراقى أضاف إلى معلوماتى الكثير تحياتى لروعة إبداعك  | |
|
| | |
بسمة الورد
مشرفة ركن الخواطر
الدولة :
عدد الرسائل : 3174 نقاط : 3319 تاريخ التسجيل : 07/04/2010
| | موضوع: رد: خماسيات الأربعاء ديسمبر 08, 2010 2:39 pm | |
| شاعرنا القدير/عطية شواش
اكيد لما الكبار يكتبوا كلنا سمع هس وبس
اعجز وربى عن الرد امام كلماتكم البديعه التى تسعدنا دائما بها
سلمت ودمت هكذا كما انت مبدعا رائعه
احترامى الدائم
| |
|
| | |
محمد خضر الشريف
مشرف اللغة العربية
الدولة :
عدد الرسائل : 637 64
الهواية : رئيس تحرير وصحفي وكاتب وشاعر وقاص
نقاط : 1008 تاريخ التسجيل : 27/10/2010
بطاقة الشخصية
مرئى للجميع:
| | موضوع: هفضحكو يا أوباش =محمد خضر الشريف الأربعاء ديسمبر 08, 2010 3:24 pm | |
| الكبير قوي قوي "عطية شواش " وبس، بدون ألقاب.. لأنك أكبر منها..
فعلا زي ماقالوا:"لاعطر بعد عروس" ودا مين اللي يقدر يقول بعد قولك قول؟
بس طلعت معاي "خربوشة" من وحي الخماسيات بقولها زي ماطلعت مني، وأمري لله:
خماسياتك ياشواش
ماشيه ف حارات الناس
من غير طاقية ولاشاش
كاشفة وشها والراس
تنكش هموم الناس
والكلمة مبتوره
بالأصل والصوره
والغنوة محظوره
جوا حناجر الناس
ماشية وبتحادي
وصاحبها بيهاتي
بطبلته ينادي
ياقلعه يامعادي
شبرا وابو رواش
بحيره ومنصوره
فين الناس ياناس
بتقول أنا هوا
من بره أوجوه
صوتي على القوه
هفضحكو ياأوباش
عدل سابقا من قبل محمد خضر الشريف في الأربعاء ديسمبر 08, 2010 3:56 pm عدل 1 مرات | |
|
| | |
دعاء العطــار
شاعرة
الدولة :
 
عدد الرسائل : 1554 35
نقاط : 1740 تاريخ التسجيل : 18/08/2010
بطاقة الشخصية
مرئى للجميع:
| | موضوع: رد: خماسيات الأربعاء ديسمبر 08, 2010 3:41 pm | |
| مش هتنزللي قصيدة "بنادي على كل خايب ف مصر" بقا انت عارف انا بجد بحبها
بس دي كمان جميله قوي انت عارف انا بحب كل قصايد حضرتك بس اللي نزل عليها المقص الرقابي فقط
فاهمني طبعا | |
|
| | |
فاطمة حمزة
أديبة
الدولة :
عدد الرسائل : 626 نقاط : 691 تاريخ التسجيل : 21/07/2010
| | موضوع: رد: خماسيات الأربعاء ديسمبر 08, 2010 6:03 pm | |
| الشاعر الجميل .. استاذنا المهندس عطيه شواش الحقيقه تنتابنى الحيره فى كيفيه التعليق على روائعك فلا اعرف من اين ابدأ وكيف انتهى وكل جزء فى خماسيتك يحتاج التعليق عليه صفحات ... فهذا الأبهار الذى تحدثه لنا قصائدك يجعل من اى تعليق نكتبه غير ذات قيمه استاذى .. انحنى تقديرا واعجابا لرائعتك وتقبل مرورى المتواضع ودمت بخير  | |
|
| | |
حسام خليل
شاعر
الدولة :
عدد الرسائل : 1816 نقاط : 2159 تاريخ التسجيل : 07/01/2009
| | موضوع: رد: خماسيات الأربعاء ديسمبر 08, 2010 7:10 pm | |
| يامصر خبينا
إنشاله في مارينا
ولما حيعدوا
دبحونا واتغدوا
يمكن تحبينا
الله عليك يا بشمهندس
قول واشجينا
يارب يكرمك
ويخليك لينا
وقابلني ع المينا
تقبل تحيتي ومودتي واعجابي الشديد بكل ما تكتب
| |
|
| | |
م/عطية شواش
مشرف العامية
الدولة :
عدد الرسائل : 2959 نقاط : 3060 تاريخ التسجيل : 21/06/2010
بطاقة الشخصية
مرئى للجميع:
| | موضوع: رد: خماسيات الأربعاء ديسمبر 08, 2010 7:45 pm | |
|
الرائعه / عزه الزرقاني
اشكرك ف ايه وف ايه
ليكي حدايا ربع جنيه
وشويه قرفه وغدوه
محبوكه بورده وغنيوه
ابعت لك ولا تخليه ؟؟
| |
|
| | |
د /صلاح طاهر
شاعر
الدولة :
عدد الرسائل : 1949 نقاط : 2069 تاريخ التسجيل : 05/12/2009
بطاقة الشخصية
مرئى للجميع:
| | موضوع: رد: خماسيات الأربعاء ديسمبر 08, 2010 8:05 pm | |
| | |
|
| | |
الشاعرة عزة الزرقانى
شاعرة
الدولة :
عدد الرسائل : 10688 نقاط : 11193 تاريخ التسجيل : 27/04/2009
بطاقة الشخصية
مرئى للجميع:
| | موضوع: رد: خماسيات الأربعاء ديسمبر 08, 2010 8:41 pm | |
| - م/عطية شواش كتب:
[b]
الرائعه / عزه الزرقاني
اشكرك ف ايه وف ايه
ليكي حدايا ربع جنيه
وشويه قرفه وغدوه
محبوكه بورده وغنيوه
ابعت لك ولا تخليه ؟؟
بتفكرنى بعم أيوب هههههههههههههههههههههههه
كان يشترى كل حاجه بقرش صاغ
اذا كان ح تقدر تجيب كل دا بربع جنيه
يبقى خليه أحسن وجيب لى بيه
أما أشوف بقى ح تجيب كل دا بربع جنيه أزاى
ههههههههههههههههههههههههههههه ماكنش حد غلب كل دا بربع جنيه
وأظنك كمان عايز الباقى صح
هههههههههههههههههه
| |
|
| | |
عادل عوض سند
نائب المديرالعام
الدولة :
عدد الرسائل : 19900 نقاط : 20417 تاريخ التسجيل : 07/01/2009
بطاقة الشخصية
مرئى للجميع:
| | موضوع: رد: خماسيات الخميس ديسمبر 09, 2010 6:45 am | |
| الاخ الحبيب الشاعر الكبير
م / عطيه شواش
هذه الخماسيات كتبت على فترات متباعده
وكل خماسيه لها حاله معينه من التجهيز النفسى للكتابه
وربما الزمتك الحاله التى تلتبسك ان تكتب اكثر من خماسيه
فى وقت واحد . ولكن الموضوع يصب فى السخريه من الوضع
القائم وإنتقاد النواقص فى مجتمعنا بل على المستوى العربى ككل .
هنا فكر مختلف عن ما نقرأه كثيراّ . هنا وعى كامل بمكنون القضيه
هنا قلم لاذع يعرف كيف يلسع عندما يريد .
ومن اجمل ما كتبت فى النقد تلك الكلمات التى بين أيدينا .
تسمح لى آخد تعسيله واجيلك ؟؟؟ | |
|
| | |
yousry_osman
شاعر
الدولة :
عدد الرسائل : 737 70
نقاط : 845 تاريخ التسجيل : 17/10/2010
بطاقة الشخصية
مرئى للجميع:
| | موضوع: رد: خماسيات الخميس ديسمبر 09, 2010 7:57 am | |
| قالوا السجن نزهة
فندق خمس نجوم
السجن شبر وقبضة
كوم ناس على كوم
مابلاش ياعم سيرة
ماتجبلناش اللوم
كفاية احنا ف حيرة
معبيين بهموم | |
|
| | |
مريم
شاعرة
الدولة :
عدد الرسائل : 138 الهواية :
نقاط : 191 تاريخ التسجيل : 23/08/2010
| | موضوع: رد: خماسيات الخميس ديسمبر 09, 2010 4:03 pm | |
| بصراحة وبدون مبالغة وبدون مجاملة
خماسيات في قمة الروعة وبجد كمان شاملة
خماسيات تكشف كل واحد عامل عاملة
شكرا على هذه الخماسيات الرائعة شاعرنا العظيم | |
|
| | |
حمدى شيبة
شاعر
الدولة :
عدد الرسائل : 1123 نقاط : 1232 تاريخ التسجيل : 11/10/2010
بطاقة الشخصية
مرئى للجميع:
| | موضوع: رد: خماسيات الخميس ديسمبر 09, 2010 8:19 pm | |
| عمال تقول وتعيد
والقول قديم وجديد
مرسوم ومتزوق
وبحرفة متروق
خايف تروح لبعيد
الله عليك يا عم عطية اهو كده المكلام تقبل مرورى | |
|
| | |
م/عطية شواش
مشرف العامية
الدولة :
عدد الرسائل : 2959 نقاط : 3060 تاريخ التسجيل : 21/06/2010
بطاقة الشخصية
مرئى للجميع:
| | موضوع: رد: خماسيات الخميس ديسمبر 09, 2010 8:21 pm | |
| | |
|
| | |
عمرو زتون
عضو سوبر ماسى
الدولة :
عدد الرسائل : 680 نقاط : 726 تاريخ التسجيل : 22/06/2009
| | موضوع: رد: خماسيات الجمعة ديسمبر 10, 2010 4:48 pm | |
| الشاعر الجميل
عطية شواش
خماسيات راااااااااااااااااائعة جدآ
أمتعتني يا شاعر
تقبل مروري
عمرو زيتون
................ | |
|
| | |
يسري حنفي سرحه
شاعر
الدولة :
 
عدد الرسائل : 972 62
نقاط : 1019 تاريخ التسجيل : 24/04/2010
بطاقة الشخصية
مرئى للجميع:
| | موضوع: رد: خماسيات الجمعة ديسمبر 10, 2010 5:24 pm | |
| | |
|
| | |
م/عطية شواش
مشرف العامية
الدولة :
عدد الرسائل : 2959 نقاط : 3060 تاريخ التسجيل : 21/06/2010
بطاقة الشخصية
مرئى للجميع:
| | موضوع: رد: خماسيات السبت ديسمبر 11, 2010 1:41 am | |
| - محمود جمعة كتب:
استاذي الكبير الشاعر المهندس عطية شواش
أية يا عمنا ده ؟؟ مفيش كلام اقوله على خماسياتك ..لانها اجمل من اي كلام
واجمل من اي جمال ..
حكمة ووعي وفهم وصياغة وصور وتعبيرات ومتعة ...كل غاية في الروعة
دمت لنا شاعرا كبير ومبدعا فذا
فارسي النبيل / محمود جمعه
هذه الجموع .. لاأحد
ماتخفش مني
لم يعد في الوسع إلا
إني أحكي .. وافتكر
كل اللي فاكره ... زمان
كان لي سيف زيك كدا .. وحصان
الله يرحم الرجوله .. وحشتنا
وبكل خير وسعادة | |
|
| | |
عاطف الجندى
المدير العام
الدولة :
 عدد الرسائل : 14290 الهواية : الشطرنج
نقاط : 13287 تاريخ التسجيل : 01/05/2007
بطاقة الشخصية
مرئى للجميع:
| | موضوع: رد: خماسيات السبت ديسمبر 11, 2010 1:51 am | |
| أخى المبدع القدير عطية شواش
حقيقة هذه الخماسيات من أجمل ما قرأت لك
فكل خماسية بمثابة قصيدة على حدها تظهر فيها الروح الفلسفية بشكل كبير
كان عندنا رباعيات صلاح جاهين و تاسوعات صلاح اللقانى فى الفصحى و ماجد يوسف فى العامية
و الآن خماسيات عطية شواش
(
سامع آدان الديك
والفجر بيعديك
كسلان تروح الغيط
ولا انت أصلك خيط
في جبه المماليك )
هذه الخماسية و غيرها حقيقة أهنئك عليها
دمت بخير | |
|
| | |
yousry_osman
شاعر
الدولة :
عدد الرسائل : 737 70
نقاط : 845 تاريخ التسجيل : 17/10/2010
بطاقة الشخصية
مرئى للجميع:
| | موضوع: رد: خماسيات السبت ديسمبر 11, 2010 3:54 pm | |
| الشاعر الكبير الحاج عطية
سالتنى ازاى بنكتب حب فى زمن العز
ارجو متابعة ردى عليك قصيدة
شوفت جوة عنيكى دمعة | |
|
| | |
| | خماسيات | |
|
