سلامتك عليوه

سلامتك ياعِلوه
يابو الطلعه حلوه
يابهجة زماني
علي لساني غنوه

العين اللي صابت
ماقالت ماشالله
ف عيونك ماسمت
حافظ منها ألله

سلامتك عليوه
ياحلو وحليوه
ياهدية إلاهي
وروحي العليله

الأه لو تقولها
تأن في ضلوعي
صداها يقابلها
ألهَم ودموعي

سلامتك ضنايا
ياكل منايا
وكل مابطلب
من الدنيا غايه

ياربي ياقادر
ياجابر خواطر
تشفي عليلي
أكون عبد شاكر

سلامتك ياروحي
يابلسم جروحي
ياكبدي اللي دايب
يابوحي ونوحي

سلامة دماغك
ياريت اللي صابك
كان شرخين في قلبي
وباقي عمري لشبابك

سلامة البراءه
وضحكة عيونك
تسلم من جراءة
عيون كت تخونك

سلامتك عليوه
ياحلو وحليوه
يابو الطلعه حلوه
سلامتك ياعلوه

*****
اصيب ابني الصغير علي عمر سنتين علي اثر وقوعه علي السيراميك بشرخ في الجمجمه وتجمع دموي علي المخ ولكن رعاية المولي اصابتنا جميعا فالحمد لله والشكر لله علي الابتلاء وعلي تخفيف القضاء ادعوا معي الله ليتم شفائه فما اراكم الله مصيبة في عزيز لكم مع اعتزاري للجميع عن التقصير او الغياب
الحمد لله

يارب ياشافي ياعافي تشفيه
يارب يقوم بالسلامة ويهون عليكم الابتلاء وتنور ضحكته حياتك ويباركلك فيه
اللهم امين,اللهم امين,اللهم امين

الف سلامه لقرة عينك ابننا الصغير استاذ طاهر
شفاه الله و عافاه
جميل ان نكتب لننفس عنما يجيش بالصدر
و الاجمل ان نكتب عن قرة الاعين
بارك الله لك فى ابنك و شفاه و عافاه
و جعل لهفتك عليه فى ميزانك يوم ان تلقاه
تحياتى لك

أخي الحبيب / طاهر الصوفانى
قلبي معك
شفي الله ولدك ونجاه من كل سوء ، وبارك لك فيه ، وبارك له فيك
وأطال عمريكما وأحسن أعمالكما
وجمعك به في الجنة وجعله من الصاحين
"رب اشف أنت الشافي ، لا شفاء إلا شفاؤك ، شفاء لا يغادر سقما"
واعلم أن الله إذا أحب عبدا ابتلاه
وكلما ازداد حبه له زاد البلاء
مودتى ودعائي أخى الحبيب
عاطف

الاخ الحبيب الشاعر

طاهر الصوفانى

دعائى وخالص رجائى من الله عز وجل ان يشفى

نجلك شفاءاّ لايعقبه مرض ابداّ .

ونحمد الله سبحانه وتعالى على قضائه .

الحمد لله اخى طاهر وعجل الله له بالشفاء .

الف سلامه ودمتم بكل الصحة والخير ...

ربنا يحفظه من كل سوء اعمل حسابك العيال ياما بيحصل
لهم وفى الاخر ربنا حافظ
تعالى بقى انت قالبها غم اوى كدا
المساءلة كلها وقت وكانه ماكان
ودعوة من القلب من كل اعضاء المنتدى
حيبقى زى الفل
ياراجل يافل انت
وعايز اقول لك كل الى اسمهم على
مختلفين عن كل الناس
فتش فى اصحابك حتلاقى على لةطبيعة غريبة
يايكون زكى مرزق دمه خفيف بارد شوية
حليوة زيادة دماغة مخبوطة

ياعم ابنك دة شاب كروديا وانا اهه وانت اههه
العيل على ماكبروا شيبونا بكرة انتكمان تبقى عجوز
واللى كان كانه ماكان

عليوة ياروحى
يابلسم جروحى
ياورداية فوحى
بعطرك قوام

عليوة هدية
وننى ف عنية
واغلى مالية
بلاش الخصام

با طبطب عليك
وابوس لك ايديك
ولا سائل فية
واللة حرام
دايما تغضب
اروح لك تهرب
باحس ف ساعتها
حياتى ظلام

ولو ترضى عنى
حياتى تغنى
دا يبقى التمنى
ومسك الختام

الاخ العزيز شاعرنا الرائع/طاهر الصوفانى

الف الف سلامة على الابن الغالى

ونساله سبحانه ان يمن عليكم بشفائة العاجل

وان يجعل ما تلاقية فى ميزان حسناتك امين

الشاعر الرائع الكبير

الاستاذ طاهر الصوفانى

أسأل الله العظيم رب العظيم ان يشفيه

ويشفى مرضان ومرضى المسلمين أجمعين

اخى العزيز تلجم لسانى ودمعت عينى

على اثر ما حدث لابنك الغالى

ولا اجد من الكلمات ما يعبر عن ما داخلى

شفاه الله وعفاه من كل سوء

تقبل مرورى وتقديرى

اخى العزيز طاهر الصوفانى الف سلامة لعلى ويارب يشيل عنه ويقويه ويقويقك انت ومامته ويخليهولك ربنا وتفرح بيه على طول اللهم اشفى مرضانا ومرضى المسلمين جميعا

الشاعر الجميل
ابو الجميل
الطفل الحبيب
على
شفاه الله وعفاه مما فيه ويعانيه
وبارك الله لك فيه وطرح فيه البركه
انشاء الله وتشوفه عريس وجبلك الحفيد
حبيب قلبى
انشاء الله وبامره هيكون كويس
اخوك عصام سالمان

الف مليون سلامه

على ابنك استاذ طاهر

شفاه الله لك وحماه

دمت بخير وسعاده

ارجو ان تقول لنا اية الحال وعملت اية علشان
نكون فى الصوره
بس والله الواد ده سكه وكرودياوخضك اونطه
ارجو المتابعه

حبيبي طاهر

الف سلامه علي علي ابنك

دعواتي بالشفاء العاجل

ابعتلي تليفونك علشان اطمئن منك

الأستاذ الشاعر
طاهر الصوفانى
اتمنى ان يكون فلذه الكبد قد تعافى
الف سلامه له .. واعتذر عن التأخير
للسؤال .وارجو ان تطمئنا عليه
قلوبنا معك .. ولا اراك الله مكروها
فى اولادك .. وابقاك الله لهم
تحياتى ودمت بخير

ماترد يابنى قول لنا عملت اية
والولد عامل اية

الاساتذه الكرام في هذا المنتدي الرائع

هذه الرساله للجميع

والله العظيم انتم بالنسبالي اخوه واخوات واساتذه والاهم عندي الاصدقاء

فانتم نعم العشره ونعم الصديق

الحمد لله تعالي علي بخير وطبيعي الحمد لله فقد تداركتنا رحمة من المولي عز وجل

وزال الخطر بنسبة 90في الميه وماشيين علي العلاج

انا اللي فعلا اتخضيت عليه اكتر من الازم زي ماقال اخويا العزيز يسري عثمان

يمكن علشان اخر العنقود زي ماقال بردو يسري هههههههههههههه

او يمكن زي مابيقولوا بعد ماشاب ودوه ورا الباب ههههههههههه

الحمد لله والشكر لله

ولكم مني جزيل الشكر جميعا وبس مش عارف اقول ايه تاني كده كفايه

وووووووووو Very Happy

حمدلله على سلامته يا طاهر

الحمد لله
طاهر الصوفانى
وحمدالله على السلامه
يا علوه
الف مبروك وربنا يتمم شفاه بالخير والصحه
يارب
سلامتك يا علوه
سلامتك عليوه 798642

الف مليون سلامة على علوة

والف مليون تحية لقلمك الراقى [i]

ياعم وجعت قلبنا
ابنك دة شاب كروديا
لكن دا لو راجل بصحيح يورى لى نفسه
ويخف قوام بس دا شاب سكة

» سلامتك يامصر
» سلامتك يا بلدى
» ندعوكم لحضور صالون عليوه الادبى
» اعتزار
» سلامتك ياريس- طارق منيب