ضع هنا مشاركات شعر العامية ديسمبر 2010

الأخوة الأعزاء
يتم هنا وضع روابط القصائد العامية
التى تريدون الاشتراك بها فى مسابقة العامية
شهر ديسمبر 2010
مع خالص الأمنيات بالتوفيق
Very Happy

لحظه يأس لكن عدّت

صعبان على نفسى انى اشوف نفسى
تايه مع اللى تاه
صعبان على حالى انى اشوف يأسى
ونا بتقتل ويـاه
صعبان على عينى تلقانى رغم الحال
بغزل خيوط ماساه

وشى بيضحك اه لكن فى قلبى الاه
ساكنه وليها بيوت
باب الامل مقفول جوايا ميت مقتول
عايشين فى حاله موت
ومركبى بتوه بعد الشراع ماطووه
ماشيه فى بطن الحوت

ارضى وعايزه عزيق وفى سكتى خوازيق
بمشى عليها وافوت
قطرى وماله قضيب ماشى بقدر ونصيب
فى محطتى ما يفوت
وناسى مش داريين وكلهم هاربين
ولا بيساووش سحتوت

لسانى صاحب الصوت من بعدما كان صوت
بيقول دهب وياقوت
اصبح كما المخروس غالى الثمن مبخوس
وبقول عليه هلفوت
مـا عادش تانى يثور طلع له فوقه صخور
وتحت منه سكوت

البخت كان ملموس خضره و ماء وفلوس
والعز و الجبروت
اليوم بقيت منحوس ولا فيش فى بابى فانوس
والدندى بقى كتكوت
اسمى وماله كشوف جسمى وبات مكشوف
مش لاقى ورقه تــــوت
والنحس دام ياناس والعين عليه حراس
وعلى الجبين منحوت

من ناسى مالى ونيس ومعاشر النسانيس
وكل ماهو لدود
الوحده احلى صديق ولما بيا تضيق
اجرى ابوح للدود
يسمعنى لما ابوح يداوينى لو مجروح
يرقينى لو محسود
ون ما لتقتش جليس اقفّلها بالترابيس
واقعد بكل برود
اغنى للصابرين واسأل دموع العين
ان كان لقولوا حدود
لكن بعون الله
راح ييجى يوم و انول كل اللى بتمناه
وح رجع اللى فات واعدى ع النكبات
واللى حصل حنساه ساعدنى ياالله

[color=blue]وجهين لعمله واحده

لازم تموت بعلتك
لازم تموت بحسرتك
مش مستحب
خوفك ضنا
خوفك انا
بس الأحب
انك تسيطر على الرايح
انك تمد فى البراح
عايز تموت؟
أسكن مخاوف القلق
موت اتحرق
القفل على الدار انكسر
واللى حصل مش م اللبن
لما وقع على الارض..فار
الفار ياصاحبى جوه عبك استخبى
والخوف سلالم من خشب
أخر الدرج واقف خيالك
السوس بيوصل النخاع
بيهد فيك حلم الصراع
أحلم بقى..
وكون أسد
وعبى خوفك وارميه طريق
ودوس عليه
هتلقى نفسك مش أنا
بص القمر
ع السطح والع
أطلع بقه
وعبى روحك بالدفا
تلقى العفا
مش بطانيه
بس القضيه
الفجر أدن من زمان
والشمس كاسيه المستحيل
والعصر واقف ع البيبان
مستنى دوره فى القتيل
وان ان دا دورك تتعصر
زى الليمون
اوعى تصلب دمعتك
فوق الخدود
الارض طاهره للسجود
قوم اتنفض..
اخلع عباية الكسل
خدلك مثل..
الطفل عارف من والادته
مكان رضاعته بالحنان
خوفك مرض..
واللى انقرض..
وضع الفيران
انا اللي حاسس وبرهان
انك هتقدرعلى الزمن
من غير تمن
حتى اللى عدى من الحياه
هيبنى فيك حلم الوطن
افتح بقى
فيه حد بيدق الازاز
سحابه باعته كلمتين
والريح رامتهم يامتك
فين همتك..؟
فك الزراير..
شعر صدرك لسه واقف منتظر
متقوم معاه..
اغسل جبينك بالمطر
هتلقى نبضك لسه حى
زى المسيح
انطق بقى
اصل السكوت ملوش دوا
البتر أعظم للسكات
واللى انطوى بالفعل مات
أعشق كلامك ردده
وحنى قلبك جمده
واللى يقولك هدده
القفل على الدار انكسر
القفل على الدار انكسر

الشاعر/ عماد عويس Smile

يسعدنى أن أكون بينكم بقصيدتى المتواضعة ( أنا هنتحر )

https://elgendy.ahladalil.com/montada-f3/topic-t14285.htm#157728

أريد من حضراتكم قبولي مشتركا في مسابقة شهر ديسمبر
https://elgendy.ahladalil.com/montada-f3/topic-t14317.htm#158096

يسعدني المشاركة بقصيدتي المتواضعة "حواديت" ..
قصيدة "حواديت " شِعر محمد طلعت ..
https://elgendy.ahladalil.com/montada-f3/topic-t14123.htm

000 مكالم ....

هذه مشاركتي في مسابقة العامية ديسمبر 2010

ارجو من الاخ الكريم استاذنا / عاطف الجندي قبول مساهمتي البسيطة ........ مع تمنياتي للجميع بالتوفيق .......

مكالم ... مكالم .... مصانع كلام ....

بترموا التقاوي .. نزهر براعم ...

بنملا القهاوي ...

بنحفظ بسرعة صاروخ .. الغناوي ..

ولما بنحلم ... بنحلم حكاوي ....

بنكبر نلاقي اللسان اللي غاوي ...

يطرطش نميمة .... بتملا الازاز ...

نواجه .. مشاكل .. مصاعب أليمه ...

بحبة خطابه .. بحفتة شتيمة ...

ونرسم حضارة ... بفرشة .. رزاز ......................

نصبح لحد النهار.. الحقيقة ...

ولما بيشرق نروح ننام ....

مكالم .. مكالم .. مصانع كلام...................................

........................................

.............................

.....................

شرخنا .. بكلامنا .. حيطان البيوت ...

وكان من صداعها ... بلاوي السقوط ...

ماكنش انهيارها بفعل ... الزلازل ...

ماكنش انهيارها .. بفعل السيول ...

ولكن .. مقوله .. أساسها اني أحيا سعيد النهارة وبكرة اموت ...

وان المصالح يا ويل الغلابة ...

شراعها الكروت ..

وان البلد دي .. ناقصها .. العلام ...

مكالم .. مكالم ... مصانع كلام ...

..................

ده لو فيه جوايز ...

هتلقي اللي فايز واخدها .. ف كلام ..

بنطلع أوائل ف سيرك اللسان ...

تعالوا نتكتف لكلمة مصالح ..

ونقطع لسان الهتاف الجبان ..

ننسر عروقه ..

ونرميه ف ميه بتجري ما يرجع ..

ولا يوم هنندم .. ولا يوم نهان ...

ويرجع حليب الحياة الخصيبة ..

ف بز الفرات ....

وتفلت حبال الحديد اللي صدت علي الامنيات ...

نكمل وطنا ... بقدس العروبة ...

لحد الزمن دا نبطل قرايه ..

نبطل كتوبه ...

نبطل نشقلب .. نبعتر نلملم .. ف كلمة ( سلام )...

مكالم .. مكالم ... مصانع كلام ...................

........................................

.................................

.........................

ولما الضماير ..

فطرها البكا ...

رمينا الضماير .. ف دور الحضانة ...

ولما اتملت عن أخرها ...

وباقي ... ضماير كتيرة .. بتبكي المهانة ..

بعتنا حالتهم .. لطب الأمانة ..

وجبنا روشتة .. حماية ضماير..

تريح .. تنوم ..

تعتم .. تغيم ...

ف حبة ورق ...

لا في شئ .. يخضك ...

وضد الارق .......

ف ثانية هتهدي .. وترجع تنام ..........

مكالم .. مكالم ... مصانع كلام .....

..............................................

.....................................

.........................

تعالوا .. نطاهر ..لسان العيال ...................

ونرجع ... نعلم ...عيالنا الإشارة ....

ونلغي من الامتحان السؤال ....

وتبقي يادوب بس محض استشارة ...

وتبقي الاجابة ... لا للمحال .................

ونسمح للمسجونين بالزيارة ....

ونعدل بايدنا ... هرمنا اللي مال ....

بدال ما تدوسنا نعال ... الضلام ..

مكالم .. مكالم ...

مصانع ....كلام ........................

..........................

..............

.......

وإياك تجادل .. تحاور .. تناور..

تنط .. المناور ..

تفك الحديد .. اللي لابسك .. أساور ..

ويا ألف ويلك ..

هيتهد حيلك ....

ويمكن تموت ..

وتبقي الحكاية .. انك يا فالح ..

برجلك .. بتدخل ف بيت عنكبوت ...

ولا بعدها يوم هتعرف مصيرك ..

ولا بعدها .. يوم هتعرف تنام ...

مكالم .. مكالم ..

مصانع .. كلالالالالالالالالالالالالالالالالالالالالالالالالالالام ..

.................................

.......................

أشارك بهذا العمل المتواضع

انت ياد طالع لمين

https://elgendy.ahladalil.com/montada-f3/topic-t14415.htm#159482

سأشارك إن شاء الله بهذا العمل المتواضع

https://elgendy.ahladalil.com/montada-f3/topic-t14483.htm#160704

ان شاء الله وبا ذ نه اساهم بقصيدة (نبتت شعر )باللهجة الصعيدية

https://elgendy.ahladalil.com/montada-f3/topic-t14417.htm

السلام عليكم ورحمة الله وبركاتة

تحية طيبة وبعد....

هذه أول مسابقة أشارك فيها الأن .
فأتمنى من الله أن تجد مساهمتى القبول والأستحسان .
بعدما أنتابنى شعور بأن تولد كلماتى من رحم الصمت والكتمان .

( محمد بوسف عوض الله)

مش هتلاقى
***
مش هتلاقى بعد هوايا تانى حنين
عارف ليه قلبى مفـيش منة اتنين

مش هتلاقى حد يحـبك أبـدا أدى مش هتلاقى

مش هتلاقى بعد هوايا غير الدمع ومر فراقى

***
مش هتلاقى حد يحـبك حـب حقيقى
مش هتلاقى تانى طريق ذى طريقى

بكره الدمع يكوى خـدودك بكره تدوق طعم الحرمان

بكره تلاقى النار فى عيونك ذى النار فى عين البركان
***
كل طريقــى كان مزروع فــل وياسمين
وأنت الشوك كان مزروع جواك فدادين

مهما تلـــــف ومهما تدور مهما العمر يطولً

قلبك مش ها يشوف النور أبــــــدا ذى الأول
***

محمد يوسف عوض الله

قصيدة " فاطمه "

https://elgendy.ahladalil.com/t14488-topic

https://elgendy.ahladalil.com/t14504-topic

تحياتى للجميع
مشاركتى
رزجنى المولى باربع بنات
https://elgendy.ahladalil.com/t14463-topic

هذه كلماتى أهديها إليكم أتمنى أن تنال إعجابكم.
منقوش على نبض القلب
على نبض قلوبنا نقشنا اسمك
ورسمنا وجوهنا على كفك
حطينا أحلامنا وياك
وحلفنا لنحقق حلمك
يافتاة أحلامنا ياعروسة
والكل بيجرى ورا قلبك
ليكى زفة ف اليوم كم مرة
وكل شاب بيشتاقلك
على بابك ملاييين جايين
لسماحة روحك طالبين
أرواحهم مهرك والشبكة
نصر يعزك طول السنين
مانتى الغالية يانبض القلب
حبك جوة ف ننى العين
يخلص منا كلام الحب
لو حتى زرعناه بساتين
ياللى ماغارت منك يوم
بنت جميلة ف ليلة العمر
على حبيبها العاشق ليكى
وشاغل بيكى الروح والفكر
سهرانة ليله بتمدح فيكى
حبيبتك دى ولا أجمل شعر
يسهروا ليلك يحكوا تاريخك
يرسموا عمرك نور الفجر
يكتبوا جرحك ع الأيام
يحلفوا بيكى لكل زمان
الشمع دمانا فى الزفة
والكوشة راس كل جبان
فرحك قرب ياعروسة
اغزلى م الورد الفستان
واعزفى ع الناى والمزمار
أعظم لحن من الألحان
من كل قلوبنا بنهنى
وتعيشى سعيدة ياحياتنا
سجل ياتاريخ فرحتنا
دى القدس الليلة عروستنا
بنزفها ع الأقصى الغالى
أحلى عريس بين كل اولادنا
بلغ كل بلاد الدنيا
إن القدس ف كل بيوتنا
ماهى منقوشة على نبض قلوبنا
كتبته / هنا عبد المجيد
الفيوم

السلام عليكم
هذة هى اول مشاركه لى فى المسابقه العاميه

يارب تعجبكم

ملحوظه انا ستخدم لفظ عراقى اللكنه ( درنفيس ) بمعنا فك

ويسعدنى ان اشارك معكم
وشكرا

سمحونى لو فى اخظاء املائيه

https://elgendy.ahladalil.com/t14587-topic

» ضع هنا مشاركات شعر العامية لشهر ديسمبر 2009
» ضع هنا مشاركات شعر النثر ديسمبر 2010
» ضع هنا مشاركات شعر الفصحى ديسمبر 2010
» ضع هنا مشاركات القصة ديسمبر 2010
» مشاركات العامية لشهر فبراير 2010