مش كاتب

---

[size=12]

مش كاتب شعر ومش قايل
ماهو كله اتقال
حنتفنا الوزن مع القافية
قام قالوا عيال
وان قولنا حداثة وحدثنا
فيقولوا محال
طب نعمل ايه ؟!
بسلامته الشعر ده يطلع ايه؟!
الشعر رسالة؟!
الشعر ده حالة؟!
الشعر كتابة ولا قوالة؟!
الشعر وراثة؟!
الشعر سياسة؟!
الشعر حداثة؟!
الشعر نجاه؟!
الشعر حياه؟!
الشعر ده ضايع
مين يلقاه
الشعر قناع؟!
الشعر خداع؟!
الشعر تلاقي
ف حضن وداع
الشعر رسول؟!
وكلام منقول؟!
الشعر كباب
على جبنة وفول
الشعر خلاص
بقي شئ يتباع
وده مين الشايل؟!
مش كاتب شعر...ومش قايل

[/size]

الله عليك يا استاذ ضياء رائع ما ابدعت

حلو وحلو قوى انت مش كاتب انت فنان

الاستاذ حمدي شيبة تحياتى لك على مرورك الكريم

الاستاذ يسري

شاكر جدا لما قلت عن القصيدة وعني

واتمنى ان اكون دائما عند حسن ظن الجميع

اما الاستاذ الكبير والأب الروحي لى فى هذا المنتدي

وظنك فى محلة فانا معترض على ما يحدث فى الشعر

واتمنى ان تظل معنا وتدفعنا دوما الى الامام

اما المتالقة دائما

فانا لانا بخزى العين ولا حاجة

بس دى مش تعتبر قصيدة وبعدين دى قديمة شوية

واشكرك على المرور الكريم الرقيق منك

واقبلى تحياتى

خلسةمريت من هناوشوفت الجمال والحسن فى قصيدتك خفيفة الروح فحبيت
فحبيت اقولك شكرا وسعيدة بقراءتها

اكتب وقول
غذي العقول
يا عم قول
وبلاها فول
الأستاذ الشاعر الرائع
ضياء غنيم
تقبل تحيتي ومودتي

حلوه يا ضياء بالنسبه لأي حد تانى غير ضياء

انسو القصيده دي يا جماعه ضياء شاعر قوي بجد

ومستواه اكبر من كده بكتير

ازاى بقي يا استاذ عطية

داحنا بنتعلم منك

اما بيونسيه فانا اللى سعيد لمرورك الكريم

استاذ حسام أسعدني اهتمامك

ومروك الجميل الرقيق

واقبل تحياتى

دعاء على فكرة دى مش قصيدة

دى وجهة نظري فى الموضوع

ولا انتى عاجبك حال الشعر

يعني دى كده تعبير عن الكبت

ليس الا

الشاعر محمد على احمد

اشكرك على مرورك الكريم

واقبل تحياتى لك

اما الاستاتذ الكبير عاطف الجندي

اشكرك على اهتمامك

بس ياريت ونبي تسيبب حساب الاكل عشان ده مال ايتام

( ضياء غنيم ) كتب:

دعاء على فكرة دى مش قصيدة

دى وجهة نظري فى الموضوع

ولا انتى عاجبك حال الشعر

يعني دى كده تعبير عن الكبت

ليس الا

اولا انا مقلتش انها قصيده بس قلت انها مش ضياء غنيم الاسم اللي هيكون له صدى كبير في مصر الايام اللي جايه بإذن الله


ثانيا الله الله الله على اختيارك للموضوع ده
فعلا يا ضياء احنا واقفين مش عارفين نعمل ايه بين اللي متمسكين بشكل وكلام وروح قديم جار عليها الزمن وبين اللي بيغيرو لمجرد التغيير حتى ولو أدى هذا التغيير لخلق مسخ شعري وليس لون جديد
والله احنا محتاجين حد يقولنا نعمل ايه
او ع الأقل حد
يسيبنا نجرب ويحكم علينا من خلال كتاباتنا مش من خلال سننا

وشكرا ليك عشان خليتنى افضفض ده انا كنت هطق