بعد حبك.....آمال مصطفى

بعد حبك


تيجي أقول لك إيه جرى لي بعد حبك ؟

تيجى أوصف لك أحاسيسي

و ظلمة قلبي بعدك ؟

تيجى أقول لك كل حاجة حلوة بعدك صابها إيه ؟

سكتت الفرحة ف عنيا بدري ليه ؟

ضاعت النسمة اللي كنت بعيش عليها

غابت الهمسة اللي أحييت قلبي بيها

حتى إن الدمعة جفت

دمعتي كانت يتنزل

بس وقفت

أه وخافت م النزول

صوتي كان مرعوش

و ضاعت

صرخته بين الوشوش

كله أنات كله آهات

أصبحت متحشرجة جوه الضلوع

إيه فاضل لي أقوله لسه ما قلتهوش ؟!

آه فاضل لي ..... كلام كتير عايزة أقوله

بس مش قادرة أقول معرفش ليه ؟!

لسه فيه جوايا منك

لسه فيه سر الحياة

لسه نبع الحب ماجفش

ولا فْ يوم راح نلاقى منتهاه

هو ده النبع اللي عشت كتير معاه

فاتحة ليك قلبي تعالى ما تنسانيش

إوعى تفقدني كدا بْسرعة يا أغلى م الحياة

يوم ما حفقد أى نور منك ولو خافت ضياه

هو دا حيكون نهاية أي إحساس بالحياة

مش ح يفضل ليا غير إنى أقول لك

كلمة واحدة

بس أه لابد منها

بالسلامة يا عمري كله

قول على الدنيا السلام



آمال مصطفى