فالس

اشمعني روحك بس





دونا عن كل اللي عرفتهم



دايمن تطلعلي وسط الحاجات



والناس حتي الافلام اللي بحبها...



من عيون ريم وهي بتاكل العنب



ف يوميات نائب في الارياف.



من صوت عصفور وهو بيقول



واحدة بياض شفتشي



والتانية بلطية



والتالته من بدعها سحرت مراكبيا..



انا اللي متعود انطط روحي ف



كل الناس اللي بكتبهم



اما لقيت روحك بترقص فالس علي الصفحة 36



من كتاب صافيناز كاظم



جاتلي فكرة



هاقفل الكتاب بسرعه



علي روحي وروحك



واشيله ف صندوق سحري



علشان استريح



من كتر مابدور عليكي



ومن كتر ما بحسد عصفور



ان ريم بتسمع غناه



والتالته من سحرها





غرقها ف المية







نور

[b]جميله والله الموفق

الشاعر المبدع / نور الدين
يسعدني دائما قراءة اعمالك النثريه
الجميله والمليئه بكم كبير من الابداع
والتمرس في كتابة هذه النوعيه من القصائد
وياريت متغبش كتييير
دمت بود

نثريه رائعه نور

دمت ودامت روعتك

دمت بحب