من اخر السطر ..

...من اخر السطر ...

وف اخر سطر قريته .. ف عينك ..
لحظة ما انفلتت منها الدمعة ..
بتفضح انك .. مش مبسوط ..
وما كنش ب ايدك ..
تفرك اخر حلم .. بكف الملل الطالل من نني عنييك ...
وتكعبش كل ما فات من عمرك ..
وتنط ف أول قطر ...
وتدور ف دماغك رحلة عمرك بالمقلوب ...
من اخر حملين طوب اترصوا ...
وحطوا اعلي جدار بينك وما بين البنت اللي حلمت معاها ..
من أول سطر لحد ما شفتك جاي هربان ...
نازف كل ملامحك علي كل محطة شوية ..
كنت فاكرها لحم ودم ..؟؟؟
وياما كتبتلها قصايد ..!!!
ولسة فاكرها خضار وعمار ...؟؟
امسح وشك المتعاص بعفار القطر .. وقولي ..
تفتكر الجتة بكام .. وسط الجتت الماليه غيطانها البور ..
وف شوارعها العوجه .. الضلمه..
لسة بترسمها عروسة ..
وبت بنوت !!
ف عنيها براءة كل اطفال العالم ..
فوق راسها الطرحة .. على كتفها واقفه حمامه
ف بقها .. غصن زاتون ...
أديك .. خلعت ضوافرك ..
وانت بتتشعبط ف اسوارها العالية ..
علشان نظرة ...والعرق اللي مكفاش الشهر ...
كان ممكن تتلون بيه الصحرا ... بلون الخضرة ..
هتموت علي بابها ..
وانا هـ اقعد اضحك ...
لما اموت م الضحك عليك ...
وراح اشطب ع الصورة اللي رسمها ..
خيالك ليها زمان ...
كدة هو XXXXXXX
X
X
X
X
X
X
X
X
X
X
X
X
X